Блюм, Илья Самуилович
| Илья Самуилович Блюм | |
|---|---|
 | |
| Шочмо кече | 26 шыжа 1914 |
| Шочмо вер | |
| Колымо кече | 12 теле 1989 (75 ий) |
| Колымо вер |
|
| Гражданлык |
 Россий империй →  СССР |
| Паша сомыл | йӧнозанлык вуйлатыше, мер-политике пашаеҥ |
| Награде да премий |
|
Илья́ Самуи́лович Блюм (26 шыжа 1914, Витебск вел — 12 теле 1989, Йошкар-Ола) — совет да российысе йӧнозанлык вуйлатыше, мер-политик пашаеҥ. Йошкар-Оласе полупроводник арвер-влак заводын (ЗПП) директоржо (1966—1976), Йошкар-Оласе директор-влак каҥашын председательже. Марий АССР-ысе шанчын да техникын сулло пашаеҥже (1967). Йошкар-Олан чапланыше гражданинже (1977). Ленин орденын кавалерже (1971).
Илыш корныжо
Янда заводышто служышын ешыштыже шочын. 1941 ийыште Белорус политехник институтым тунем лектын. Минск олаште инженерлан пашам ыштен[1][2].
Кугу Ачамланде сар тӱҥалме дене Марий АССР-ысе Йошкар-Олаш эвакуироватлалтын: 16-шо №-ан Чоҥышо виктемын кугурак механикше. 1941 ий октябрь гыч — 298 №-ан заводышто / электроарвер заводышто / ЗПП-ште. Слесарь гыч тӱҥалын заводын тӱҥ инженерже марте паша корным эртен (1948)[1][2].
1960 ий гыч — Марий совет калык озанлыкын (совнархозын) Машина чоҥымо виктем начальникын алмаштышыже, тӱҥ инженер[1][2].
1963 ий гыч — тӱҥ инженер, 1966—1976 ийлаште — директор, 1976—1988 ийлаште — ЗПП-н кугурак инженерже[1][2][3]. Пашам устан ыштен кертмыж дене да ыштыкверысе технологийым сайын палымыж дене ойыртемалтын. ЗПП-н тоштержым негызлен[1][2][4].
Йошкар-Оласе полупроводник прибор-влак заводын историйже нерген «Вдали от фронта» шарнымаш книган авторжо (Йошкар-Ола, 1985)[5].
Мер паша
- Йошкар-Оласе пашазе депутат-влакын оласе Каҥашышкышт депутатлан сайлалтын[1][2].
- Йошкар-Оласе исполкомын, КПСС Марий обкомын йыжыҥъеҥже лийын[1][2].
- Йошкар-Оласе Директор-влак каҥашын председательже[1][2].
Чаплӱм ден суаптар-влак
- Марий АССР-ысе шанчын да техникын сулло пашаеҥже (1967)[1][2];
- Йошкар-Олан чапланыше гражданинже (1977)[1][2];
- Ленин орден (1971)[1][2];
- Октябрь Революций орден (1976)[1][2];
- «Чап Тамга» орден (1956, 1965)[1][2];
- «Пожарыште лӱддымылыклан» медаль (1973)[1][2];
- Марий АССР Кӱшыл Каҥаш Президиумын Чаптаныкше (1964, 1974)[1][2].
Палемдымаш
- ↑ 1 2 3 4 5 6 7 8 9 10 11 12 13 14 15 Мочаев, 2017, с. 57.
- ↑ 1 2 3 4 5 6 7 8 9 10 11 12 13 14 15 Энциклопедия Республики Марий Эл, 2009, с. 249.
- ↑ Компания. zpp12.ru. Тергыме кече: 26 кылме 2025. Архивлыме 23 шорыкйол 2021 ий.
- ↑ Завод. Заповедная территория. www.marpravda.ru. Тергыме кече: 26 кылме 2025. Архивлыме 8 пургыж 2021 ий.
- ↑ Блюм, Илья Самуилович - Вдали от фронта : [История Йошкар-Олин. з-да полупроводниковых приборов] - Search RSL. search.rsl.ru. Тергыме кече: 26 кылме 2025.
Литератур
- Блюм Илья Самуилович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 50. — 2032 экз. — ISBN 5-87898-357-0.
- Блюм Илья Самуилович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 249. — 872 с. — 3505 экз. — ISBN 978-5-94950-049-1.
- Двинянинов А. В., Краснов П. В. Блюм Илья Самуилович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 57. — 606 с. — 1500 экз. — ISBN 978-5-905314-35-3.
Кылвер-влак
- Шыжа тылзын 26 кечынже шочшо-влак
- 1914 ийыште шочшо-влак
- Витебск областьыште шочшо-влак
- Теле тылзын 12 кечынже колышо-влак
- 1989 ийыште колышо-влак
- Йошкар-Олаште колышо-влак
- Ленин орден дене суапландаралтше-влак
- Октябрь Революций орден дене суапландаралтше-влак
- «Почёт пале» орден дене суапландаралтше-влак
- «Пожарыште лӱддымылыклан» медаль дене суапландаралтше-влак (СССР)
- Алфавит почеш персоналий-влак
- Марий АССР-ысе шанчын да техникын сулло пашаеҥже-влак
- Йошкар-Олан чапланыше гражданже-влак
- Йӧнозанлык предприятий директор-влак
- Марий Элысе йӧнозанлык пашаеҥ-влак
- КПСС марий обкомын йыжъеҥ-влак
- РСФСР-ысе ола каҥаш-влакын депутатышт