Мельников, Владимир Михайлович
| Мельников Владимир Михайлович | ||||
|---|---|---|---|---|
 | ||||
| Шочмо кече | 25 теле 1950 | |||
| Шочмо вер |
|
|||
| Колымо кече | 24 кылме 2018 (67 ий) | |||
| Колымо вер | ||||
| Гражданлык |
 СССР  Россий |
|||
| Паша сомыл | эмлызе, тазалык аралтыш министрын алмаштышыже | |||
| Награде да премий |
|
|||
Владимир Михайлович Мельников (25 теле 1950, Кӱльмӱж, Киров область — 24 кылме 2018, Йошкар-Ола) — совет да российысе эмлызе, тазалык аралтыш пашаеҥ.
Илыш корныжо
1950 ий 25 декабрьыште Киров кундемысе Кӱльмӱж район Кӱльмӱж селаште шочын.
Ижевскысе кугыжаныш медицине институтым (кызыт Ижевскысе кугыжаныш медицине академий) тунем пытарымеке, Татар АССР-ысе Зеленодольск да Дрожжановысо район рӱдӧ эмлымыверлаште хирурглан пашам ыштен. Вара коло ий Волжскысо рӱдӧ эмлымыверыште эмлызе-хирург, травматолог, тӱҥ эмлызын алмаштышыжлан пашам ыштен[1].
1996 ий август гыч 2015 ийыште сулен налме канышыш лекмешкыже, В. М. Мельников Марий Эл Республикысе тазалык аралтыш министрын алмаштышыжлан пашам ыштен. Тудын тыршымыж дене Марий Эл Республикын рӱдолаштыже пеш кӱлешан тазалык аралтыш объект-влак чоҥалтыныт: 2 №-ан оласе поликлинике, оласе йоча эмлымверын 3 №-ан поликлиникыже, Йошкар-Оласе эмлымыверын хирургий оралтыже, Республикысе онкодиспансерын онкологий да радиотерапий оралтыже-влак, Сарзе ветеран-влакын Республикысе клинике госпитальын эмлыше-диагностике оралтыже, тыгак республикысе районлаште 40 утла фельдшер да фельдшер-акушер пункт[1].
Сулен налме канышыш лекмекыже, Йошкар-Олаште илен, туштак 2018 ий 24 ноябрьыште колен.
Суаптар-влак
- Россий Федерацийын сулло эмлызыже[2];
- Марий Эл Республикын сулло эмлызыже;
- «СССР тазалык аралтышын отличникше» пале[3];
- «Марий Эл ончылно суаплан» орденын медальже;
- Марий Эл Республикысе Тазалык аралтыш министерствын чаптаныкше — республикысе тазалык аралтышым вияҥдымаште надырлан;
- Россий Федерацийысе Тазалык аралтыш министерствын чаптаныкше.
Палемдымаш
- ↑ 1 2 Мельников Владимир Михайлович. Тергыме кече: 20 теле 2025. Архивлыме 10 шыжа 2021 ий.
- ↑ О награждении государственными наградами Российской Федерации. Тергыме кече: 20 теле 2025. Архивлыме 10 шыжа 2021 ий.
- ↑ Памяти коллеги Владимира Михайловича Мельникова. Тергыме кече: 20 теле 2025. Архивлыме 10 шыжа 2021 ий.
Кылвер-влак
- Теле тылзын 25 кечынже шочшо-влак
- 1950 ийыште шочшо-влак
- Кӱльмӱжыштӧ шочшо-влак
- Кылме тылзын 24 кечынже колышо-влак
- 2018 ийыште колышо-влак
- Йошкар-Олаште колышо-влак
- Тазалыкаралтышын отличникше-влак (СССР)
- «Марий Эл ончылно суаплан» орденын медальже дене суапландаралтше-влак
- Алфавит почеш персоналий-влак
- Российын сулло эмлызыже-влак
- Ижевскысе медицине академийым тунем лекше-влак
- Марий Эл Республикын сулло врачше-влак