17 кылме

←
→
Кылме
← →Кылме
	2026 ий

17 кылме (17 ноябрь) — григориан кечышот почеш идалыкын 321-ше (кужемдыме ийлаште — 322-шо) кечыже. Идалык пытыме марте 44 кече кодеш.

Йошкар-Олаште ☀️ Кече 7 шагатат 46 минутлан лектеш, 15 шагатат 50 минутлан шинчеш. Кечын кужытшо 🕒 8 шагатат 3 минут.
🌓 Икымше чырык (7.24 тылзе кече).

Пайрем да шарныктарыше кече-влак

ООН — Корно да транспорт азапысе жертвын тӱнямбал кечыже (руш. Всемирный день памяти жертв ДТП) — кылме тылзын 3-шо рушарнян палемдалтеш.
— Студент-влакын тӱнямбал кечышт (руш. Международный день студентов).
— Лугыч шочшо азан тӱнямбал кечыже (руш. Международный день недоношенных детей).
Россий — Полиций участковый уполномоченныйын кечыже (руш. День участковых уполномоченных полиции).
Шем пырысын кечыже (руш. День чёрной кошки).
Йолын коштмо туризмын кечыже (руш. День пешеходного туризма).
Келшыдымаш кече (руш. День недружелюбия).
Мушшо-влакын кечышт (руш. День обмывщиков).

Лӱмгече

Аникей, Меркурий, Никандр, Симон, Григорий.

Эртынчык-влак

Тугак ончо: Категорий:Кылме тылзын 17 кечысе событий-влак

1757 — Петербургышто художество институтым почмо.
1869 — Пуш-влаклан ийын эрташ Суэцкий каналым почыныт.
1948 — «Аврора» крейсерым сер воктеке шогалтеныт.

Шочыныт

Тугак ончо: Категорий:Кылме тылзын 17 кечынже шочшо-влак

1922 — Клавдия Ивановна Козлова, шанче пашаеҥ. Кӱшыл шинчымашым Москосо кугыжаныш университетыште налын. 1947-ше ийыште марий калыкын историйжым, тӱвыражым шымлаш тӱҥалын. 50 наре научный пашан авторжо. Тудын пашаже-влак кокла гыч поснак марий калыкын этногенез йодыш дене кылдадтше эн кугу пашажым шотлаш лиеш. Тиде суапле пашажлан кугыжаныш чап танык денат палемдалтын. Историй шанче доктор, профессор.
1925 — Анатолий Мосунов, серызе, поэт, кусарыше, Кугу Ачамланде сарын участникше.
1931 — Герман Иванович Полетаев, совет да российысе эмлызе, физиолог, медицине шанче доктор (1976), профессор (1979), Татар АССР-ысе шанчын сулло пашаеҥже (1989).
1936 — Евгений Степанович Стариков, семлызе, Россий Федерацийысе тӱвыран сулло пашаеҥже. Татарстан Республикыште шочын. Йошкар-Оласе сем училищым, вара пединститутым тунем пытарен. 1963-шо ий гыч Волжск оласе музык школын вуйлатышыжлан тыршаш тӱҥалын. 120 наре произведенийын авторжо, баян да фортепианолан 14 пьесе сборникым, 3 муро сборникым луктын.
1941 — Михаил Кузьмич Семёнов, эмлызе, Россий Федерацийын сулло эмлызыже. Татарстан Республикыште шочын. Озаҥысе мединститутым тунем лекме деч вара Марий Элыш толын: Советский районын тӱҥ санитар эмлызылан 31 ий тыршен. Тиде суапле пашажлан ятыр чап танык дене палемдалтын.
1950 — Людмила Николаевна Хохлова, актриса, Марий Элын сулло артисткыже. Медведево кундем Азаново селаште шочын. Паша корныжо 1980-ше ийыште Марий сем театрыште тӱҥалын, а кок ий гыч тудо Перьм оласе опер да балет театрышке куснен. Вердин «Травиатыштыже» Виолеттан, Глинкан «Иван Сусаниныштыже» Антонидан рольым устан чоҥен. Людмила Николаевна Марий опер да балет театр денат кылым куча.
1954 — Сергей Витальевич Гуляев, спортсмен, Россий Федерацийын сулло тренерже. Йошкар-Олаште шочын-кушкын. Ятыр спорт школлаште дзюдо дене тренерлан тыршен. Тудын тунемшыже-влак кокла гыч нылытынже Россий Федерацийын чемпионжо лӱмым сулен. Сергей Витальевич дзюдо дене Совет Ушем сборныйын тренер-влак ушемыштат лийын.

Коленыт

Тугак ончо: Категорий:Кылме тылзын 17 кечынже колышо-влак

Калык пале

Пыл ӱлыкӧ вола — игече пужла.
У тылзын лум возеш гынат, вашке шулен пыта.
Никандр да Еремейын кечышт. Ожно ты кечын пöрт кöргыштак шинченыт, амал деч посна уремыш лекташ тыршен огытыл. Вес йÿламат шуктеныт: еҥлан тулым пуэн огытыл — чырамат, сортамат шылтеныт.