Студент-влакын тӱнямбал кечышт
Студент-влакын тӱнямбал кечышт — 1939 ий 17 ноябрьыште — студент-влакын татулык тӱнямбал кечышт.
1939 ий 28 октябрьыште немыч-влак окупацийыште улшо Чехийыште прагысе студент-влак да нунын туныктышышт Чехословак кугыжанышын идалыкашыжым палемдаш демонстрацийыш лектыныт. Оккупант-влакын войскашт демонстрацийым шалатен колтен, тидын годым медицине факультетын студентше Ян Оплетал лӱйкалыме дене сусырген. Тудлан пеш писын Карлов площадьысе эмлымверыште доктор Арнольд Ирасек операцийым ыштен. Тудо перитонит деч 11 ноябрьыште колен. 15 ноябрьыште тудым тоеныт, тойымаш вашшогымо акцийыш савырнен. Лу дене демонстрант-влакым арестоватленыт. 17 ноябрьыште немыч-влак эрдене эрак студент тӱшкагудо-влакым авырен налыныт. 1200 утла студентым арестоватленыт да концлагерьыш колтеныт[1]. Индеш студент ден студент толкынын активистше-влакым тюрьмаште орландарен пуштыныт[1].
1941 ийыште, кок ий эртымек, Лондонышто Нацизм ваштареш кучедалше студент-влакын тӱнямбал вашлиймашышт эртен[2]. Чехословак коммунист Отто Шлингын темлымыж почеш тиде кечым ий еда Студентын кечыж семын палемдаш кутырен келшеныт.
Тыгак ончо
- Студент-влакын тӱнямбал ушемышт
- Тачанан кечыже
- Болгарийысе студентын кечыже
- Студент-влакын шкевиктемышт
- Эрык да демократий верч кучедалме кече
- Афинысе Политехник университетыште вашшогымаш
Палемдымаш
- ↑ 1,0 1,1 Štemberková, Marie Univerzita Karlova — Historický přehled — Praha, Karolinum, 2011. — 111 с. — ISBN 978-80-246-2014-5.
- ↑ Волкова С. В чем солидарны студенты? // 7 дней. — 2008. — 13 кылме (№ 46). — С. 24.