Беспалова, Анисия Фёдоровна

Анисия Фёдоровна Беспалова
Анисия Фёдоровна Беспалова
Шочын	15 шорыкйол 1920; Марий Отар, Чебоксар уезд, Озаҥ губерний, РСФСР[d];
Колен	20 кылме 2011 (91 ий); Йошкар-Ола, Марий Эл Республик, Россий;
Партий	КПСС
Награде

Анисия Фёдоровна Беспалова (Фёдорова; 15 шорыкйол 1920, Марий Отар, Чебоксар уезд, Озаҥ губерний, РСФСР^[d] — 20 кылме 2011, Йошкар-Ола, Марий Эл Республик, Россий) — агроном, совет кугыжаныш да политике пашаеҥ. ВКП(б)-ын йыжыҥъеҥже^[1].

Илыш корныжо

1920 ий 15 январьыште Озаҥ губерний Чебоксар уезд Марий Отар ялысе нужна кресаньык ешеш шочын. Ачаже Граждан сарыште (руш.) (мар. колен. Куд ияш аваж деч посна кодын^[2].

1940 ийын Нартас ялозанлык техникумым тунем лектын, Хлебниково районышто пашам ыштен.

1944 ийыште шурно лектыш дене почеш кодшо Арбор ялсоветыш (вич колхоз) колтымо. Вич ий пашам ыштыме жапыштыже тудын вуйлатыме Арбор ялсовет республикыште ончыл радамыш лектын. Тидлан верысе йӧным устан кучылтын (пашаеҥым кумылаҥдыме, улшо техникым пайдалын кучылтмо, тӱкан шолдра вольыкым куралаш, ӱяҥдаш кучылтын), вуйлатыше-влакым (звено вуйлатыше гыч колхоз председатель-влак марте) лым лийде туныктен шоген. 1947 ийыште гына районышто кандаш семинарым эртарен^[2].

1949 ий гыч — мер да политике пашаште. 1949—1960 ийлаште — Хлебниково ВКП(б) райкомын секретарьже, 2-шо секретарьже, Хлебниково да Марий Турек райисполкомлаште председатель.

1960—1976 ийлаште — Марий АССР-ысе илышйӧным ситарыше министр. Варажым МАССР-ысе илышйӧным ситарыше министерствын Марий республикысе пенсийым да оксаполышым шотлышо да тӱлышӧ рӱдер начальникын алмаштышыже, Марий АССР илышйӧным ситарыше министерствын АХО начальникше, «Марийфоторадиобыт» ушем директорын алмаштышыже, «Йошкар-Ола парикмахерские» ушемын техник лӱдыкшыдымылык шотышто инженерже.

СССР Кӱшыл Каҥашын 3-шо, 4-ше, 5-ше созывласе депутатшылан сайлалтын.

2011 ий 20 ноябрьыште илыш дене чеверласен^[3].

Суаптар-влак

«1941-1945 ийласе Кугу Ачамланде сарыште чолга пашалан» медаль;
МАССР Кӱшыл Каҥаш президиумын чаптаныкше-влак (1945, 1946, 1957, 1970);
«Пашаште чолгалыклан» медаль (1946, 1965);
«Почёт пале» орден (1971)^[2].

Палемдымаш

↑ Марийская биографическая энциклопедия-2, 2017, с. 54.
↑ ¹ ² ³ Официальный сайт Госсобрания Республики Марий Эл (неопр.). old.gsmari.ru. Тергыме кече: 4 пургыж 2026.
↑ Мемориал - Беспалова Анисия Федоровна : Международная система поминовения усопших (руш.). skorbim.com. Тергыме кече: 4 пургыж 2026.

Литератур

Краснов П. В., Мочаев В. А. Беспалова (Фёдорова) Анисия Фёдоровна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 54. — 606 с. — 1500 экз. — ISBN 978-5-905314-35-3.

Кылвер-влак

Листая страницы истории. К 100-летию Республики Марий Эл.

[_5decc0d4feb8fe91-1] Марийская биографическая энциклопедия-2, 2017, с. 54.

[:0-2] ¹ ² ³ Официальный сайт Госсобрания Республики Марий Эл (неопр.). old.gsmari.ru. Тергыме кече: 4 пургыж 2026.

[3] Мемориал - Беспалова Анисия Федоровна : Международная система поминовения усопших (руш.). skorbim.com. Тергыме кече: 4 пургыж 2026.

[1]

[2]

[3]