Меценат да поро кумылым шочыктышын кечыже
| Меценат да поро кумылым шочыктышын кечыже | |
|---|---|
 «Поро паша мастаргудо» суапым ыштыше проект - йоча пӧртыштӧ илыше йоча-влаклан пӧлекым сӧрастарыме шотышто мастар класс (Красноярск) | |
| Ыштыше | Эрмитаж |
| Кече | 13 вӱдшор |
Меценатын да порештарыше еҥын кечыже — Российыште ий еда 13 апрельыште палемдыме пайрем[1][2].
Историй
Пайремын кечыже Гай Цильний Меценатын шочмо кечыж дене кылдалтын (13 апрельыште мемнан эра деч 70 ий ончыч — мемнан эра деч 8 ий ончыч) — римысе аристократ, сӱретче, артист, семмастар-влакым аралыше.
Российыште Меценатын да порештарышын кечым икымше гана 2006 ий 13 апрельыште пайремленыт[3], кеч икымше акций 2005 ийыште эртен.
Пайремлымаш
Пайрем, тӱҥ шотышто, тӱвыра, шанче, туныктымо, тазалыкаралтыш аланыште порештарен суапландарыше проект-влакым ончыктымо дене эрта. Пайрем кече пеш шуко тӱрлӧ суапле йогын дене эрта — формат шот денат, мо нерген мутланыме шотыштат, мер калыкым погымо шотыштат[4][5]. Кугыжаныш пашаеҥ-влак поро пашам шуктышо организаций-влакым пайрем дене саламлат[6]. Ты кечын утларак кумдан шарлыше мероприятийлан пӧлекым ыштымаш, илышкыл да порештарыше проект презентаций-влак, порештарыше-влаклан тауштымаш шотлалтыт.
Йӱла почеш тоштер-влак пӧлекым ыштыше-влаклан тауштат[7][8].
Эрмитаж
Ты кечылан пӧлеклалтше тӱҥ пайремлымаш Санкт-Петербургышто «Эрмитаж» тоштерыште эрта. Тьеполон «Меценат Августлан у эрыкан сымыктышым ончыкта» сӱрет сыныште тӱвыра да илышкыл проектлан вийым, жапым да оксам чаманыде тыршыше-влакым самамлат.
Тиде вашлиймашым Эрмитаж шкежак, Санкт-Петербург правительствын тӱвыра шотышто комитетше, «Руш манценат» илышкыл партнёрын альманах редакцийже эртарат. Эрмитаж директор Михаил Пиотровский пайремлан кокымшо, официальный огыл, лӱмым пуэн — «Тау кече». Тидын дене тудо ончыкта: Российыште тӧртыкан меценат полыш ок сите годым мемнан кучемна да мер калык насыклыше-влаклан кеч таум ышташ тунемшаш.
Тыгак ончо
Шке кумылын ыштышын (добровольцын) кечыже
Палемдымаш
- ↑ Дарья Елина. День мецената и благотворителя-2024: дата, история и суть праздника. ДОБРО.ЖУРНАЛ (12 вӱдшор 2024). Дата обращения: 12 вӱдшор 2024.
- ↑ Роман Илющенко. От Гая Цильния до наших дней. МВД Медиа (15 вӱдшор 2022). Дата обращения: 12 вӱдшор 2024.
- ↑ Ольга Фетисова. В России отмечается День мецената и благотворителя. Информационное агентство Взгляд-инфо (13 вӱдшор 2022).
- ↑ В тамбовском Доме малютки отметили День благотворителя. Тамбовское областное государственное бюджетное учреждение «Телевизионная и радиовещательная компания «Тамбовская губерния» (12 вӱдшор 2024). Дата обращения: 12 вӱдшор 2024.
- ↑ Марина Хорошевская. В Норильске по инициативе фонда «Наш Норильск» отметили День мецената. Медиакомпания «Северный город» (14 вӱдшор 2022). Дата обращения: 12 вӱдшор 2024.
- ↑ Сергей Собянин поздравил москвичей с Днем мецената и благотворителя. Официальный портал Мэра и Правительства Москвы (13 вӱдшор 2021). Дата обращения: 12 вӱдшор 2024.
- ↑ 13 апреля в России отмечается день мецената и благотворителя. ФГБУК «Государственный историко-культурный музей-заповедник «Московский Кремль». Дата обращения: 12 вӱдшор 2024.
- ↑ 13 апреля в России отмечается День мецената и благотворителя. Государственный музей изобразительных искусств имени А.С. Пушкина (13 вӱдшор 2021). Дата обращения: 12 вӱдшор 2024.