Хангыль кече
Хангыль кече (Кечывалвел Корейыште 한글날, хангыллаль, КНДР-ыште 조선글날, чосонгыллаль) — Корейыште палемдыме хангыль тиште кече. Хангыльым 1446 ий шыжым Седжон корольын кӱштыкше дене пуртымо.
Кечывалвел Корейыште 9 октябрьыште (Седжонын указшым савыктыме кече) палемдалтеш, а Йӱдвелысе Корейыште 15 январьыште (алфавитым ыштыме пытарыме кечылан шотлат).
1991 ий марте Хангыль кече Кечывалвел Корейыште каныш кечылан шотлалтын, но пашам пуышо-влакын кугун тыршымыштлан кӧра, паша кечыш савырнен, кеч пайрем ондаксе йӱла почешак эрта.
Хангыль кечым южо филолог ден лингвист-влак Корей деч ӧрдыжтат палемдат — тыге нуно тӱнясе ик алфавитым ыштыше еҥлан пагалымашыштым ончыктат. Хангыль корей йылмын фонологий радамжылан пеш сайын келшен толшылан шотлалтеш.