Радиологийын тӱнямбал кечыже
Радиологийын тӱнямбал кечыже — тиде медицине пашалан пӧлеклыме пайрем, ий еда эрта. Пайрем Европысо радиологий ушемын (ЕSR) Йӱдвел Америкысе радиологий обществын (RSNA) Америкысе радиологий колледжын (ACR) темлымышт дене икымше гына 2012 ий 8 ноябрьыште палемдалтын.
Историй
1895 ий 8 ноябрьыште Вильгельм Конрад Рентген рентген луч нерген пален налын, тиде у эмлыме йӧнлан — радиологийлан — тӱҥалтышым пыштен. Тиде кугу почылтыш лӱмеш ESR RSNA да ACR пырля тиде кечым палемдаш кӱлмӧ нерген кутырен келшеныт. Радиологий тӱнямбал кечын цельже — мер калыкын тӱткышыжым тиде эмлыме йӧн деке виктараш, тудын лектышыж дене эше утларак пайдаланаш. Радиологийын тӱнямбал кечыжым пайремлымаш 2011 ийыште темлыме Европысо кечым алмашташ толын. Радиологийын Европысо кечыже икымше да пытартыш гана 2011 ий 10 февраль эртен да Рентгенын колымо идалыклан пӧлеклалтын. Радиологийын европысо кечыжым эн ондак ESR эртарен, варажым тудо RSNA да ACR дене пырля Рентген лучым пален налме кечым Радиологий тӱнямбал кечыж семын пайремлаш ойым ыштен.