31 сӱрем
|
|||||||||||||||||||||||||||||||||||||||||||
| 2026 ий | |||||||||||||||||||||||||||||||||||||||||||
31 сӱрем (31 июль) — григориан кечышот почеш идалыкын 212-шо (кужемдыме ийлаште — 213-шо) кечыже. Идалык пытыме марте 153 кече кодеш.
Йошкар-Олаште ☀️ Кече 3 шагатат 40 минутлан лектеш, 19 шагатат 56 минутлан шинчеш. Кечын кужытшо 🕒 16 шагатат 16 минут.
🌕 Тичмаш тылзе (16.37 тылзе кече).
Пайрем да шарныктарыше кече-влак
Гавай отро-влак — Гавай тистын кечыже (руш. День флага Гавайев).
Доминикан Республик — Ача кече (руш. День отца).
Конго Республик — Революций тӱҥалме кече (руш. День начала революции).- Йӧратыме книгам шарналтыме кече (руш. День вспоминания любимых книжек).
- Омылян кечыже (руш. Омельянов день).
- Гарри Потерын шочмо кечыже (руш. День рождения Гарри Поттера).
- Африке ӱдырамашын тӱнямбал кечыже (руш. Международный день африканской женщины).
- Варналтше вӱран пийын кечыже (руш. День собаки смешанной породы).
Лӱмгече
- Католик лӱм-влак: Игнатий.
- Православий лӱм-влак: Аполлинарий, Афанасий (Афанас, Апанас, Опанас), Дасий, Емилиан (Емельян, Емилий, Эмилиан, Эмилий), Иакинф (Акинф, Акинфий, Акинтий, Гиакинт, Гиацинт, Иакинт), Иоанн (Иван), Косма, Леонтий (Леонт), Маркелл (Маркел), Марон (Марой), Памва, Стефан (Степан).
Эртынчык-влак
Тугак ончо: Категорий:Сӱрем тылзын 31 кечысе событий-влак
Тӱня мучко
- 1956 ий — Моско олаште Лужники стадионым почыныт.
- 1994 ий — спортсмен Сергей Бубка тоя дене кӱш тӧрштымаш дене тӱнямбал рекордым шынден. Тачысе кечыланат 6 метр 14 сантиметр рекордым нигӧ эртен кертын огыл.
Марий тӱняште
- 1926 ий — «Ончыко» журнал лекташ тӱҥалын. Икымше номерже 1926 ийыште «У вий» лӱм дене савыкталтын. 1954 ий гыч «Ончыко» маналтеш.
Шочыныт
Тугак ончо: Категорий:Сӱрем тылзын 31 кечынже шочшо-влак
- 1961 ий — Радик Абрарович Бариев, лётчик-испытатель, Россий Федерацийын Геройжо. Украинысе Житомир велыште шочын. Йоча пагытше Поранча кундем Ирнур ялыште эртен. 1991-ше ий гыч Россий Федераций аралтыш министерствы пелен лётно-испытательный рӱдерыште пашам ышташ тӱҥалын да вуйлатыше марте шуын. 52 тӱрлӧ самолёт дене чоҥештылын. Лӱддымылыкым ончыктымыжлан Йошкар Шӱдыр орден дене палемдалтын.
- 1965 ий — Галина Анисимовна Горохова, туныктыш да кугыжаныш пашаеҥ. Шернур кундем Лажъял кыдалаш школ вуйлатышылан ынде ятыр ий тырша. Россий Федерацийын тӱҥ образованийын почетан пашаеҥже.
Коленыт
Тугак ончо: Категорий:Сӱрем тылзын 31 кечынже колышо-влак
Калык пале
- Емельянын кечыже. Озавате-влак телылан тӱрлӧ саскам ямдылат: поснак чодыраште погымо емыж дене вареньым шолтеныт.