Бариев, Радик Абрарович

Радик Абрарович Бариев
Шочмо кече	1961 ий 31 сӱрем(1961-07-31) (65 ий)
Шочмо вер	Белокоровичи ола, Олевск район, Житомир область, УССР, СССР
Пурымаш	СССР →  Россий
Войскан родшо	СССР ВВС → Россий ВВС → Россий ВКС
Службо жап	1978 ий гыч
Званий	, генерал-лейтенант, технике шанче доктор
Командоватлен	Обороно министерствысе В. П. Чкалов лӱмеш кугыжаныш чоҥештыл-тергыше рӱдер
Награде да премий
РУВИКИ.Медиаште медиафайл-влак

Радик Абрарович Бариев (шоч. 31 сӱрем 1961, Олевск район^[d], Житомир вел) — совет да россий лётчик-испытатель, Обороно министерствысе В. П. Чкалов лӱмеш кугыжаныш чоҥештыл-тергыше рӱдерын начальникше (2009 ий гыч), генерал-лейтенант (2024), Россий Федерацийын Талешкыже (2006), Россий Федерацийын сулло лётчик-испытательже.

Илыш корныжо

Радик Бариев 1961 ий 31 июльышто Белокоровичи олаште (Житомир кундем, Украина) Совет Армийысе офицерын ешыштыже шочын. Йоча жапше ачажын шочмо кундемыштыже Марий АССР Параньга район Ернур ялеш эртен, ташанак кыдалаш школым тунем пытарен.

1978 ий гыч Бариев Сарзе-юж вий тӱшкаште служиаш тӱҥалын. 1982 ийыште тудо лётчик-влакын Качинскысе кӱшыл авиаций училищым тунем пытарен, тидын деч вара 145-ше истребитель авиаций полкышто (Ивано-Франковск) служиен.

1988–1991 ийлаште Ю. А. Гагарин лӱмеш сарзе-юж академийыште тунемын, тудын тунем лекмеке, В. П. Чалов лӱмеш Кугыжаныш чоҥештыл-тергыме рӱдерыш (Ахтубинск олаште верланен) колталтын.

Рӱдер гыч тунем лекмек, 1993 ий гыч — 267-ше чоҥештыл-тергыше рӱдерын лётчик-испытательже. 2003 ий январь гыч — 267-ше чоҥештыл-тергыше рӱдерын начальникше — В. П. Чкалов лӱмеш ГЛИЦ-ын кугурак лётчик-испытательже.

2006 ий 4 февральыште, Россий Федераций Президентын 636-шо №-ан Кӱштыкше дене у авиаций техникым тергыме годым патырлыкым да талылыкым ончыктымылан полковник Радик Абрарович Бариевлан Россий Федерацийын Талешкыже лӱмым пуымо.

2009 ий 17 июльышто Бариев Российысе Миноборонын В. П. Чкалов лӱмеш кугыжаныш чоҥештыл-тергыме рӱдерым вуйлаташ шогалын.

2012 ий 13 декабрь, Россий Президентын указше дене Бариевлан генерал-майор сарзе лӱмпалым пуымо, в 2024 ий 19 февральыште — генерал-лейтенант сарзе лӱмпалым пуымо.

Астрахань кундемысе Ахтубинск олаште ила, ВВС 929 ГЛИЦ вуйлатыме чоҥештыл-тергыме пашам виктара. 1-ше класс лётчик-испытатель квалификациян, шанче кӱкшытшӧ — сарзе шанче кандидат, шанче лӱмпалыже — сарзе шанче Академийын профессоржо.

Радик Бариев дене интервью гыч:

«Мемнан паша деч посна неле».

Суаптарже

• Россий Федерацийын Талешкыже (2006 ий 4 февраль);
• IV степенян «Ачамланде ончылно суаплан» орден керде дене;
• Патырлык орден;
• Патырлык орден;
• Патырлык орден;
• Йошкар Шӱдыр орден;
• «СССР Сарзывийлан 70 ий» медаль;
• «I да II степенян «Сарзе службышто ойыртемалтмылан» медаль-влак;
• III степенян «Чапле службыжлан» медаль;
• «Крымым пӧртылмылан» медаль;
• «Сирийыште сарзе операцийын участникшылан» медаль;
• «Сарзе-юж вийыште служитлымылан» медаль;
• «Юж-сандалык вийыште служитлымылан» медаль;
• «Ядер шотышто йӧным ыштыме суаплан» медаль;
• «Обороно министерствылан 200 ий» медаль;
• «Сарзе-юж вийлан 100 ий» медаль;
• «Космос пашаште полшымылан» тамга (кум гана суапландаралтын);
• «Ратный патырлыклан» медаль;
• «Астрахань кундем ончылно суаплан» орденын медальже;
• «Россий Федерацийын сулло лётчик-испытательже» чаплӱм;
• «1-ше классан лётчик-испытатель» класс квалификаций.

Палемдымаш

Литература

• Ибраев А. Г., Опарина Т. Т., Колесников А. Ю., Курочкин А. М. Бариев Радик Абрарович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 45. — 606 с. — 1500 экз. — ISBN 978-5-905314-35-3.

Кылвер-влак

• Радик Абрарович Бариев (руш.). Сайт «Герои страны».
• Бариев Радик Абрарович » Испытатели, 2009-03-01, <https://testpilot.ru/base/2009/03/bariev-r-a/>. Тергыме: 20 идым 2025. 
• «Наследники Победы». Герой России Радик Бариев. Новости. Первый канал (руш.). Тергыме кече: 20 идым 2025.
• Новости Марий Эл и Йошкар-Олы главное сегодня (руш.). www.marpravda.ru. Тергыме кече: 20 идым 2025.