Андреева, Мирра Александровна

РУВИКИ — эрыкан энциклопедий гыч материал
Мирра Андреева
Andreeva M. WMQ23 (53062105200).jpg
Шочмо кече 29 вӱдшор 2007(2007-04-29) (19 ий)
Шочмо вер Красноярск, Россий
Гражданлык
Илыме вер Канн, Франций
Кӱкшыт 175
Карьере тӱҥалтыш 2022
Паша кид пурла
Шола гыч перымаш кок кид дене
Тренер Кончита Мартинес
Марина Павлова
Кирилл Крюков
Призовой, долл. 13 270 407[1]
Шкет разряд
Матч в/п 189–63[1]
Титул 3 WTA, 6 ITF
Эн кӱкшӧ позиций 5 (14 июль 2025)
Кугу шлем серий турнир-влак
Австралий 4-ше раунд (2024, 2025)
Франций 1/2 финал (2024)
Уимблдон 1/4 финал (2025)
США 2-шо раунд (2023, 2024)
Мужыр разряд
Матч в/п 58–35[1]
Титул 2 WTA
Эн кӱкшӧ позиций 18 (31 март 2025)
Кугу шлем серий турнир-влак
Австралий 1/2 финал (2025)
Франций 1/4 финал (2024)
Уимблдон 1-ше раунд (2024)
США 3-шо раунд (2024)
Награде ден медаль-влак
Теннис
Олимпий модмаш
Ший Париж 2024 мужыр разряд
Ведомстве награде

Ми́рра Алекса́ндровна Андре́ева (шоч. 29 вӱдшор 2007, Красноярск) — Российысе теннисистке. WTA-н вич турниржын сеҥышыже (тушеч кумытшо — шкет разрядыште) — Дубай да Индиан-Уэллсыште WTA 1000, Брисбеныште WTA 500 (мужырышто), Яссыште WTA 250. 2024 ийысе Олимпий модмашын мужыр разрядыште ший призёржо.

Кугу шлемын ик юниор турниржын шкет разрядыштыже финалистке (Австралийын почмо чемпионатше-2023), юниор рейтингыште тӱнян ончычсо икымше ракеткыже (2023). WTA-1000 категорий турнирын эн самырык сеҥышыже.

2024 ийыште Российысе Forbes-ын «30 деч ончыч 30» идалык еда эртаралтше рейтингышкыже «Спорт да киберспорт» категорийыште сеҥыше-влак радамыш пурен[2].

Илыш корно

Мирра Андреева 2007 ий 29 апрельыште Красноярскыште шочын. Ачаже — Александр[3], аваже — Раиса[4]. Акаже Эрика Андреева тыгак теннисистке.

Мирра ден Эрика Красноярскысе «Теннис Холл» клубышто тренер Марина Павлова дене теннис дене тыршаш тӱҥалыныт[5]. Вара Сочиш кусненыт да тушто Кирилл Крюков дене, Москосо J-Pro академийыште[6], Каннысе академийыште тренироватлалтыныт.

Спорт карьере

Юниор карьере

2022 ий октябрьыште Тунисыште WTA 250 турнирыште WTA турын тӱҥ сеткыштыже дебютым ыштен, уайлд-кардым налын. 2022 ийыште ныл ITF турнирыште сеҥен — испан Эль-Эспинарыште, израиль Мейтарыште да кок гана турко Анталийыште[7].

2023 ий тӱҥалтыште Австралийыште юниор-влак кокласе Кугу шлем турнирыште Андреева ӱдырамаш-влакын мужыр разрядыштышт полуфинал марте шуын (вес россиянке Алина Корнеева дене пырля), тыгак шкет разрядын финалыштыже саде Корнееваланак 7-6 4-6 5-7 счёт дене сеҥалтын[8][9].

Кугыеҥлык карьерыште икымше ошкыл

2023 ий апрельыште Швейцарийыште Кьяссо ден Беллинцоныште эртаралтше грунтовый манме кок турнирыште сеҥен, икымше гана WTA-н топ-200 радамышкыже пурен. Андреева ITF историйыште ик еҥ гына лийын, кӧ ITF W60 але утларак кӱкшытан икмыняр титулым 16 ий теммешке сеҥен налын (теннисисткын кум тыгай титулжо уло)[10].

ITF турнирлаште сеҥымыжлан кӧра Андреева Мадридысе турнирын тӱҥ сеткышкыже логалын, уайлд-кардым налын. Икымше йырыште тӱнян 49-ше ракеткыжым — канадке Лейла Фернандесым — сеҥен да 2009 ий гыч WTA 1000 категорий турнирыште матчым сеҥыше кумшо эн самырык теннисистке лийын[11]. Кокымшо йырыште турнир гыч тӱнян 14-ше ракеткыжым — бразильянке Беатрис Аддад Майям, а кумшышто — тӱнян 19-ше ракеткыжым — полячке Магда Линеттым ишен луктын. Тыге Мирра WTA 1000 турнир-влакын 1/8 финалышкыже лекше эн самырык теннисистке лийын[12]. 1/8 финалыште кок сет дене тӱнян кокымшо ракеткыжлан, белоруско Арина Соболенколан сеҥалтын[13].

2023 ий майыште икымше гана Кугу Шлем турнирын тӱҥ сеткышкыже лектын, Францийын почмо чемпионатшын квалификациян финалыштыже икымше сеяный Камила Осориом сеҥен[14]. Андреева 1995 ий гыч Ролан Гарросышто квалификацийым сеҥен кертше эн самырык теннисистке лийын[15].

Францийын почмо чемпионатше-2023-н икымше йырыштыже Андреева иканаште Кугу Шлем турнирлаште шкенжын икымше сеҥымашкыже шуын, американке Элисон Рискым 6-2 6-1 счёт дене сеҥен. Кокымшо йырыште Мирра француженке Диан Паррим тыгаяк 6-2 6-1 счёт дене сеҥен[16]. Кумшо йырыште Андреева тӱнян 6-шо ракеткыже Кори Гауффлан 7-6 1-6 1-6 счёт дене сеҥалтын.

2023 ий июньышто квалификаций гоч Уимблдонын тӱҥ сеткышкыже лектын кертыгн, почела Роза Висенс Масым, Хлоя Пакем да Тамара Корпачым сеҥен. Икымше раундышто Андреева китаянке Сиюй Ваным 6-4 3-6 7-5 счёт дене сеҥен. Кокымшо раундышто Мирра тӱнян 11-ше ракеткыже Барбора Крейчиковам 6-3 4-0 счёт дене сеҥен (чех ӱдыр кокымшо сетыште сусыргымыжлан кӧра кораҥын). Вара Андреева шкенан эл гычак улшо Анастасия Потаповам 6-2 7-5 счёт дене сеҥен кертын, тидыже тудлан нылымше раундыш лекташ йӧным пуэн да тыге Кугу Шлем турнирлаште шкенжын эн сай лектышыжым вончаш да Мария Шарапован рекордшым уэш ышташ полшен, тудыжо ончыч XXI курымышто 17 ий марте Уимблдонын 1/8 финалышкыже шушо улыжат ик теннисистке лийын. 1/8 финалыште Андреева тӱнян 18-ше ракеткыже американке Мэдисон Кизлан 6-3 6-7 (4-7) 2-6 счёт дене сеҥалтын[17]. Матч годым кудалтыме ракетке верч ик очколан штрафым налын, тидлан кӧра матчбол лийын, тудым Киз шуктен[18]. Уимблдон-2023-што Мирра 265 тӱжем доллар призлыкым ыштен налын[19].

Тыгак 2023 ий июньышто «Российын спорт мастерже» лӱмым налын[20].

2023 ий августышто Мирра УАШ-ын почмо чемпионатыштыже дебютым ыштен. Икымше раундышто россиянке кум сетыште австралийке Оливия Гадеким сеҥен, но кокымшышто турнирын ончыкылык сеҥышыже Кори Гауффлан модын колтен.

Мирра Андреева 2023 ийыште ӱдырамаш турышто тӱҥ почмаш лийын. Тудо 45 матчым эртарен, тышеч 36-жо сеҥен. WTA титулым россиянке налын огыл, но тургым годым тӱнямбал рейтингын Топ-20 гыч ваштареш модшо-влакым ныл гана сеҥен. Андреева шкеже планетын эн виян теннисисткыже-влак лӱмерыште идалык жапыште иканаште 359 позицийлан кӱзен: 405-ше гыч 46-шо марте. Тиде 2023 ийысе эн кугу сеҥымаш[21].

2023 ий декабрьыште Андреева «Идалыкын у еҥже» номинацийыште WTA премийым  (руш.) (мар. сеҥен налын[22].

2024 ий. Икымше титул да Олимпий модмаш

2024 ий апрельыште 17 ий марте улшо модшо-влак коклаште WTA-1000 турнир-влакын рекордшым эртен, тиде категорийысе турнирлаште шым сеҥымашке шуын[23].

2024 ий июньышто Мирра Андреева икымше гана «Кугу шлем» турнирын чырыкфиналышкыже лектын. Тудо Франций лӱмеш выступатлыше Варвара Грачёвам (тӱнян 88-ше ракеткыжым) 7:5, 6:2 счёт дене сеҥен[24]. 5 июньышто Мирра Андреева «Ролан Гаррос» турнирын пелефиналышкыже лектын. Чырыкфиналыште 17 ияш спортсменке Белоруссий гыч тӱнян кокымшо ракеткыже Арина Соболенком 6:7 (5:7), 6:4, 6:4 счёт дене сеҥен[25]. 6 июньышто пелефиналыште Андреева итальянке Ясмин Паолинилан 3:6, 1:6 счёт дене сеҥалтын[26].

2024 ий июльышто Уимблдон турнирыште Бренда Фрухвиртовалан 6-1, 3-6, 2-6 счёт дене сеҥалтмыжлан кӧра Андреева икымше йырыштак кучедалмаш гыч лектын[27][28].

18 июльышто ТОК Андреевалан Парижысе Олимпий модмашыште выступатлаш разрешитлен[29].

26 июльышто Мирра карьерыштыже икымше WTA титулым сеҥен налын. Румынийысе турнирын финалыштыже Андреева эше ик россиянкым, Элина Аванесяным, сеҥен[30].

2024 ий 29 июльышто Андреева ден Медведев Олимпиаде-2024-се микстыште сеҥалтыныт.

2024 ий 1 августышто Диана Шнайдер дене пырля олимпий чемпионко-влак Барбора Крейчикова ден Катерина Синяковам 6:1, 7:5 счёт дене сеҥеныт да Кеҥеж Олимпий модмашын пелефиналышкышт лектыныт[31]. Матч деч вара Андреева ончышо-влаклан полшымыштлан тауштен:

Таче полшымо кумыл пеш сай лийын. Чешке-влаклан шукырак полшеныт, но мыланнат тыгай (кугу) полшымаш лийын. Кӧ мемнан верч чонжо дене тыршен, чылалана таум ойлем[32].

Мирра Андреева

Финалыште Андреева ден Шнайдер итальянке-влак Сара Эррани ден Жасмин Паолинилан сеҥалтыныт, ший медальым сеҥен налыныт.

2024 ий 2 октябрьыште 17 ияш да 156 кечаш Мирра Андреева ӱдырамаш-влак коклаште Китайысе почмо чемпионатын шкет разрядан чырыкфиналын эн самырык участникше лийын. Тудо Мария Шарапован сеҥымашыжым уэш ыштен, тудыжлан 2004 ийыште тынарак лийын[33].

2024 ий октябрьыште Мирра Андреева икымше гана Ӱдырамаш теннис ассоциацийын (WTA) тӱнямбал рейтингшын топ-20 радамышкыже пурен. Тудо уэмдыме рейтингыште 19-ше верым налын[34].

9 октябрьыште Уханьысе почмо чемпионатыште шкет разрядыште  (руш.) (мар. кокымшо раундышто акажлан 3-6, 1-6 счёт дене сеҥалтын[35].

20 октябрьыште Нинбосо турнирын финалже марте шуын, тушто Дарья Касаткиналан сеҥалтын[36].

2025 ий

4 январьыште Андреева Диана Шнайдер дене мужырышто Брисбеныште WTA 500 турнирыште сеҥен, финалыште Присцилла Хон ден Анна Калинскаям сеҥен[37]. Тидлан кӧра карьерыштыже икымше гана WTA рейтингын 15-ше корнышкыжо кӱзен[38].

Австралийын почмо чемпионатыштыже Андреева икымше йырыште Мария Боузковам, кокымшышто Моюка Утидзимам сеҥен[39]. Кумшо раундышто россиянке кум сетыште Польша гыч Магдалена Френх деч виянрак лийын[40]. Мельбурнышто шкет разрядыште шке выступленийжым Андреева нылымше йырыште мучашлен, Арина Соболенколан сеҥалтын[41][42]. Мужыр таҥасымашлаште Диана Шнайдер дене пырля Андреева карьерыштыже икымше гана Кугу шлем турнирын пелефиналышкыже лектын[43]. Но финалыш Россий гыч дуэт логал кертын огыл, Катерина Синякова ден Тейлор Таунсендлан модын колтен[44].

Февральыште Андреева, Дубайыште Элина Аванесяным сеҥен, WTA-1000 турнир матчлаште 18-ше сеҥымашке шуын. Тыге россиянке Кори Гауффын 18 ий марте улшо-влак коклаште тиде категорийысе турнирлаште модын налме матч шот дене рекордшым вончен[45]. Чырыкфиналыште Андреева тӱнян кокымшо ракеткыже Ига Свёнтекым сеҥен да карьерыштыже икымше гана тӱжеман турнирын пелефиналышкыже лектын[46]. Турнирын тӱҥ матчышкыже логалшаш верч кучедалмаште россиянке кум сетыште Елена Рыбакина деч виянрак лийын[47], WTA-1000 категориян турнирын эн самырык финалисткыже лийын (17 ияш да 298 кечаш).

2025 ий 22 февральыште Андреева Дубайыште WTA-1000 категориян турнирын финалыштыже сеҥен, датчанке Клара Таусон дене, тӱнян 38-ше ракеткыж дене, матчым 7:6 (7:1), 6:1 счёт дене модын налын[48]. Призлык окса суммо 600 тӱжем доллар лийын. Тидын годым Андреева WTA-1000 турнир-влакын финалышкышт лекше эн самырык теннисистке (17 ияш да 298 кечаш), тыгак эн самырык сеҥыше лийын[49].

Мирра Андреева Дубай 2025 теннис чемпионатын трофейже дене

Тиде кугу сеҥымаш деч вара Андреева Индиан-Уэллсыш эше ик тӱжеман турнирыш каен. Тушто тудо Варвара Грачёвам, Клара Таусоным эртен, а нылымше йырыште Топ-10 гыч Елена Рыбакиналан кум геймым гына пуэн, шкенжын сеҥымаш серийжым индеш матч марте шуктен[50]. Луымшо сеҥымашке россиянке чырыкфиналыште Элина Свитолина дене модмаште шуын, Мария Шарапова деч вара турнирын эн самырык пелефиналисткыже лийын[51]. Пелефиналыште Ига Свёнтекым кум сетыште сеҥен. Финалыште икымше ракетке Арина Соболенком[52] кум сетыште 2-6, 6-4, 6-3 счёт дене сеҥен да карьерыштыже кумшо титулым шкетан разрядыште сеҥен налын[53]. Тиде сеҥымашлан кӧра Мирра икымше гана WTA рейтингыште 6-шо верыш кӱзен[54].

Арина Соболенко ден Мирра Андреева Индиан-Уэлсыште турнирын финалже деч ончыч 2025

Вес WTA 1000 турнирыште Майамиште кумшо йыр марте шуын, Аманда Анисимовалан кум сетыште сеҥалтын да шкенжын 13 улшо сеҥымаш серийжым кӱрлын[55]. А теве Диана Шнайдер дене пырля выступатлыме мужыран турнирыште Андреева титулым сеҥен налын кертын. Финалыште Россий гыч дуэт Кристина Букша ден Мию Катом сеҥен[56].

Апрельыште Штутгартысе турнирын икымше йырыштыже Андреева карьерыштыже кокымшо гана шке акаже Эрика дене модын. Ончычсо матч дене таҥастарымаште кучедалмаш лектын огыл. Андреевмыт акак-шӱжарак гыч кугыракше йол эмганымылан кӧра пӱтынь вашпижмаш мучко шкенжым пеш йӧндымын шижын, да мучашлан турнир гыч кораҥын[57]. Но кокымшо раунд деч умбаке Мирралан каяш логалын огыл, тудо Екатерина Александровалан модын колтен[58].

Мадридысе WTA 1000 турнирыште шкет разрядыште Мирра чырыкфинал марте шуын, тушто Кори Гауффлан сеҥалтын[59]; мужыран разрядыште Диана Шнайдер дене кокымшо йырыш лектын, Беатрис Хаддад-Майя ден Лаура Зигемундлан сеҥалтын[60].

Майыште Италийын Почмо чемпионатыштыже шкет разрядыште Андреева чырыкфинал стадийыште лектын возын, Кори Гауффлан модын колтен[61]. Мужыран разрядыште Диана Шнайдер дене пырля пелефиналыште лектын возын, итальянке-влак Сара Эррани ден Жасмин Паолинилан модын колтен[62].

27 майыште «Ролан Гаррос» турнирыште сеҥымаш дене тӱҥалын, испанке Кристина Букшам 6:4, 6:3 счёт дене сеҥен[63]. Тидыже Андреевалан Францийын почмо чемпионатыштыже матчыште сеҥен кертше тӱнямбал рейтингын икымше лу гычше эн самырык теннисисткыже лияш йӧным пуэн. Тудо жаплан Мирралан 18 ий да 26 кече лийын[64]. 4 июньышто турнирын чырыкфиналыштыже француженке Лоис Буассонлан сеҥалтын[65]. Мужыран разрядыште пелефиналыште Андреева ден Шнайдер адакат итальянке-влак Эррани ден Паолинилан модын колтеныт[66].

Июльышто Уимблдон турнирыште  (руш.) (мар. мужыран разрядыште Диана Шнайдер дене пырля кумшо раундышто лектын возыныт, Сорана Кырстя ден Анна Калинскаялан сеҥалтыныт[67]. Шкет разрядыште Маяр Шерифым, Лючия Бронцеттим, Хейли Баптистым, Эмма Наварром сеҥен да чырыкфиналыш лектын, тушто тудын ваштарешыже Белинда Бенчич лийын[68]. Но Швейцарийын ӱдыръеҥже деч модын налын кертын огыл да Уимблдонышто выступленийжым мучашлен[69]. Турнир мучашлалтмеке, тӱнян визымше ракеткыже лиеш[70]. Вара Канадын почмо чемпионатшыште мужыр разрядыште Диана Шнайдер дене пырля икымше раундыштак лектын возын[71], а шкет разрядыште кумшо кругышто сеҥалтын[72].

Августышто Андреева карьерыштыже США-н Почмо чемпионатыштыже шкет разрядыште икымше гана кумшо кругыш лектын[73]. Турнир тӱҥалтыште тудо Алисия Парксым сеҥен, а кокымшо раундышто Анастасия Потапова деч виянрак лийын. Кумшо кругышто тудым Тейлор Таунсенд ончылтен[74]. Мужыр разрядыште Андреева ден Шнайдер икымше раундышто Вероника Кудерметова ден Элиза Мертенслан сеҥалтыныт.

Шке илышыже

2023 ий июльышто икмыняр СМИ-ште Андрееван спорт гражданствыжым французынлан вашталтымыже нерген увер лектын[75], но вашке агент, теннисисткын аваже[76] да Мирра шкежат тидым чын огыл маныныт[77].

Мый Российыште шочынам да ончылийысе ий марте Красноярск, Сочи да Моско коклаште иленам. Теннислык расписанийлан кӧра тренировко паша кызыт тӱҥ шотышто Канныште вораҥдаралтын, мыйын тыглай студентлык визем гына уло. Гражданствым вашталташ ом шоно. Каникуллан Красноярскыш мӧҥгӧ чоҥештылынам.

2025 ий январьыште Андреева Rolex брендын амбассадоржо лийын[78].

Турнирлаште выступатлымаш

WTA-н шкет разрядыште турнир-влакын финалже-влак (4)

Сеҥымаш (3)

№ Кече Турнир Шартыш Финалыште ваштарешыже Счёт
1. 26 июль 2024 Яссы, Румыний Мланде Россий Элина Аванесян 5-7 7-5 4-0 — кораҥын
2. 22 февраль 2025 Дубай, ОАЭ Хард Даний Клара Таусон 7-6(1) 6-1
3. 16 марта 2025 Индиан-Уэлс, США Хард Белоруссий Арина Соболенко 2-6, 6-4, 6-3

Сеҥалтмаш (1)

№ Кече Турнир Шартыш Финалыште ваштарешыже Счёт
1. 20 октябрь 2024 Нинбо, Китай Хард Россий Дарья Касаткина 0-6 6-4 4-6

Шкет разрядыште ITF-н турнир-влакын финалышт (7)

Сеҥымаш (6)

№ Кече Турнир Шартыш Финалыште ваштарешыже Счёт
1. 10 апреля 2022 Анталья, Турций Мланде Италий Мартина Колменья 6-7(6) 6-0 6-2
2. 17 апреля 2022 Анталья, Турций Мланде Германий Сильвия Амброзио 7-5 6-2
3. 31 июля 2022 Эль-Эспинар, Испаний Хард Испаний Ева Герреро Альварес 6-4 6-2
4. 20 ноября 2022 Мейтар, Израиль Хард Швеций Ребекка Петерсон 6-1 6-4
5. 16 апреля 2023 Кьяссо, Швейцарий Мланде Швейцарий Селин Неф 1-6 7-6(3) 6-0
6. 23 апреля 2023 Беллинцона, Швейцарий Мланде Франций Фиона Ферро 2-6 6-1 6-4

Сеҥалтмаш (1)

№ Кече Турнир Шартыш Финалыште ваштарешыже Счёт
1. 27 февраль 2022 Шарм-эш-Шейх, Египет Хард Гонконг Коди Вонг 4-6 1-6

Кугу шлемын юниор турнир-влакын шкет разрядыште финалже-влак (1)

Сеҥалтмаш (1)

№ Кече Турнир Шартыш Финалыште ваштарешыже Счёт
1. 2023 Австралийын почмо чемпионатше Хард Россий Алина Корнеева 7-6(2) 4-6 5-7

Ӱдырамаш-влакын мужыран разрядыштышт Олимпий турнир-влакын финалышт (1)

Сеҥалтмаш (1)

№ Кече Турнир Шартыш Финалыште ваштарешыже Счёт
1. 2024 Париж, Франций Мланде Россий Диана Шнайдер Италий Жасмин Паолини
Италий Сара Эррани 		6-2 1-6 [7-10]

Мужыран разрядыште WTA турнир-влакын финалышт (2)

Сеҥымаш (2)

№ Кече Турнир Шартыш Финалыште ваштарешыже Счёт
1. 4 январь 2025 Брисбен, Австралий Хард Россий Диана Шнайдер Россий Анна Калинская
Австралий Присцилла Хон 		7-6(6) 7-5
2. 31 марта 2025 Майами, США Хард Россий Диана Шнайдер Испаний Кристина Букша
Японий Мию Като 		3-6 77-65 [10]-[2]

Сеҥалтмаш (1)

№ Кече Турнир Шартыш Финалыште ваштарешыже Счёт
1. 4 августа 2024 Олимпиаде Мланде Россий Диана Шнайдер Италий Жасмин Паолини
Италий Сара Эррани 		6-2 1-6 [7-10]

Ий еда WTA рейтингыште иктешлыше вер

Ий Шкет
рейтинг 		Мужыран
рейтинг
2024 16 69
2023 46 414
2022 405 —

Награде-влак

  • 2023 — WTA-н версийже почеш «Идалыкын у еҥже»[79];
  • 2023 — Российысе теннис федерацийын версийже почеш «Идалыкын эн сай юниоржо»[80];
  • 2024 — «Спорт да киберспорт» категорийыште Российысе Forbes-ын «30 деч ончыч 30» идалыксе рейтингыштыже кум сеҥыше-влак кокла гыч иктыже[2].
  • 2025 — I степенян «Шочмо Эл ончылно суаплан» орденын медальже — физкультур да спортым вияҥдымаште надырлан, шуко ий тыршен пашам ыштымылан[81].

Палемдымаш

  1. ↑ 1 2 3 4 сайт WTA
  2. ↑ 1 2 30 до 30. «З0 до 30» Forbes. Тергыме кече: 23 идым 2025.
  3. ↑ «Призовые отдам папе» (руш.). Коммерсантъ (4 ага 2023). Тергыме кече: 23 идым 2025. Архивлыме 6 ага 2023 ий.
  4. ↑ Раиса Андреева о карьере дочерей и сложностях в теннисе — Больше! Лайв (руш.). Тергыме кече: 23 идым 2025. Архивлыме 14 сӱрем 2023 ий.
  5. ↑ Павел Ниткин (2023-04-29), 15-летняя россиянка покоряет теннис: побеждает топов и мечтает взять больше «Шлемов», чем Джокович. И любит гулять под дождём, <https://www.sports.ru/tennis/blogs/3133784.html>. Тергыме: 23 идым 2025. 
  6. ↑ Русские девушки произвели фурор в Австралии. В юниорском финале — сразу две «нейтральные теннисистки». Тергыме кече: 23 идым 2025. Архивлыме 29 шорыкйол 2023 ий.
  7. ↑ Mirra Andreeva Women's Singles Titles. Тергыме кече: 23 идым 2025. Архивлыме 10 пургыж 2023 ий.
  8. ↑ Korneeva wins Australian Open junior title after marathon final (англ.). Women's Tennis Association. Тергыме кече: 23 идым 2025. Архивлыме 1 пургыж 2023 ий.
  9. ↑ Russians Korneeva and Andreeva reached the final of the Australian Open junior. Athletistic.com. Тергыме кече: 23 идым 2025. Архивлыме 30 шорыкйол 2023 ий.
  10. ↑ 15-летняя Мирра Андреева ворвалась в ТОП-200 мирового рейтинга, выиграв второй подряд 60-тысячник в Швейцарии. Sports.ru. Тергыме кече: 23 идым 2025. Архивлыме 26 вӱдшор 2023 ий.
  11. ↑ Юная российская теннисистка одержала первую победу на турнире WTA (руш.). РИА Новости Спорт (20230426T1330). Тергыме кече: 23 идым 2025. Архивлыме 26 вӱдшор 2023 ий.
  12. ↑ Екатерина Родионова. Мирра Андреева установила рекорд турниров WTA-1000 (руш.). www.championat.com. Тергыме кече: 23 идым 2025. Архивлыме 30 вӱдшор 2023 ий.
  13. ↑ Сказка Мирры подошла к концу. Но Андреева все равно крутая. Тергыме кече: 23 идым 2025. Архивлыме 1 ага 2023 ий.
  14. ↑ Мирра Андреева впервые сыграет в основной сетке «Большого шлема». Sports.ru (25 ага 2023). Тергыме кече: 23 идым 2025. Архивлыме 27 ага 2023 ий.
  15. ↑ Спорт Mail.ru. Россиянка стала самой молодой теннисисткой в основной сетке «Ролан Гаррос» (руш.). Спорт Mail.ru (26 ага 2023). Тергыме кече: 23 идым 2025. Архивлыме 1 пеледыш 2023 ий.
  16. ↑ Чемпионат. 16-летняя Мирра Андреева вышла в третий круг «Ролан Гаррос». Чемпионат. Тергыме кече: 23 идым 2025. Архивлыме 1 пеледыш 2023 ий.
  17. ↑ Россиянка упустила шанс побить рекорд Шараповой на Уимблдоне в 16 лет, <https://sportrbc.ru/news/64abe3769a79475690f57c96>. Тергыме: 23 идым 2025. 
  18. ↑ Бурная реакция на скандал с Андреевой на Уимблдоне. Чемпионат. Чемпионат (10 сӱрем 2023).
  19. ↑ 16-летняя Мирра Андреева ответила, как потратит призовые $265 тыс. с Уимблдона, <https://sportrbc.ru/news/64ac46479a7947fb86e2df58>. Тергыме: 23 идым 2025. 
  20. ↑ Приказ Министерства спорта РФ от 29.06.2023 г. № 96-нг. msrfinfo.ru. Статистика и аналитика развития спорта в России (29 пеледыш 2023). Тергыме кече: 23 идым 2025.
  21. ↑ Кирилл Плышевский. Рывок на 359 мест в рейтинге совершила за год 16-летняя Мирра Андреева! Кто ещё отличился? championat.com (8 теле 2023). Тергыме кече: 23 идым 2025.
  22. ↑ Российская теннисистка Мирра Андреева признана новичком года по версии WTA. Матч ТВ (11 теле 2023). Тергыме кече: 11 теле 2023.
  23. ↑ Теннисистка Андреева побила рекорд турниров WTA-1000, 2024-04-26, <https://aif.ru/sport/person/tennisistka-andreeva-pobila-rekord-turnirov-wta-1000>. Тергыме: 23 идым 2025. 
  24. ↑ Мирра Андреева впервые вышла в четвертьфинал турнира «Большого шлема». РБК (3 пеледыш 2024). Тергыме кече: 23 идым 2025.
  25. ↑ 17-летняя Мирра Андреева сенсационно вышла в полуфинал «Ролан Гаррос». РБК (5 пеледыш 2024). Тергыме кече: 23 идым 2025.
  26. ↑ Теннисистка Андреева проиграла итальянке Паолини в полуфинале «Ролан Гаррос». Известия (6 пеледыш 2024). Тергыме кече: 23 идым 2025.
  27. ↑ Худший старт турнира «Большого шлема» в карьере. Мирра в слезах покинула Уимблдон. Сетевое издание «www.sportbox.ru» (2 сӱрем 2024). Тергыме кече: 23 идым 2025.
  28. ↑ Tennis Majors. Brenda Fruhvirtova battles past highly touted teen Mirra Andreeva to reach the second round (англ.). Tennis Majors (1 сӱрем 2024). Тергыме кече: 23 идым 2025.
  29. ↑ 15 российских спортсменов выступят на Олимпиаде-2024 в Париже. МОК опубликовал окончательный список, <https://www.sports.ru/tennis/1116241169-mok-opublikoval-okonchatelnyj-spisok-rossijskix-sportsmenov-kotorye-vy.html>. Тергыме: 23 идым 2025. 
  30. ↑ Сосно, Георгий, Мирра Андреева завоевала первый титул на уровне WTA, <https://www.championat.com/tennis/news-5644470-andreeva-zavoevala-pervyj-titul-na-urovne-wta.html>. Тергыме: 23 идым 2025. 
  31. ↑ Российские теннисистки Андреева и Шнайдер вышли в полуфинал Олимпиады‑2024 в парном разряде, 2024-08-01, <https://news.sportbox.ru/olympics/spbnews_NI2087949_Rossijskije_tennisistki_Andrejeva_i_Shnajder_vyshli_v_polufinal_Olimpiady2024_v_parnom_razrade>. Тергыме: 23 идым 2025. 
  32. ↑ Теннисистка Андреева поблагодарила болельщиков за поддержку во время четвертьфинала Олимпиады‑2024 в парном разряде, 2024-08-01, <https://matchtv.ru/olimpijskije_igry/paris2024/matchtvnews_NI2087963_Tennisistka_Andrejeva_poblagodarila_bolelshhikov_za_podderzhku_vo_vrema_chetvertfinala_Olimpiady2024_v_parnom_razrade>. Тергыме: 23 идым 2025. 
  33. ↑ Мирра Андреева повторила уникальное достижение Марии Шараповой. championat.com (2 шыжа 2024). Тергыме кече: 23 идым 2025.
  34. ↑ Мирра Андреева в 17 лет впервые вошла в топ-20 теннисисток мира, <https://www.rbc.ru/sport/07/10/2024/67037e459a794702543297c9>. Тергыме: 23 идым 2025. 
  35. ↑ Мирра Андреева сенсационно проиграла сестре в их первом матче турнира WTA, 2024-10-09, <https://www.rbc.ru/sport/09/10/2024/6706992a9a79476fbbe2f467>. Тергыме: 23 идым 2025. 
  36. ↑ Певнева, Дарья, Дарья Касаткина обыграла Мирру Андрееву в финале турнира WTA-500 в Нинбо, <https://www.championat.com/tennis/news-5753424-darya-kasatkina-obygrala-mirru-andreevu-v-finale-turnira-wta-500-v-ninbo.html>. Тергыме: 23 идым 2025. 
  37. ↑ Дарья Певнева. Мирра Андреева и Диана Шнайдер выиграли турнир WTA-500 в Брисбене (руш.). championat.com. Чемпионат (4 шорыкйол 2025). Тергыме кече: 23 идым 2025.
  38. ↑ Мирра Андреева впервые вошла в топ-15 рейтинга WTA, 2025-01-06, <https://rsport.ria.ru/20250106/andreeva-1992640847.html>. Тергыме: 23 идым 2025. 
  39. ↑ Андреева первой из россиянок вышла в третий круг Australian Open, Блинкова выбыла, <https://matchtv.ru/tennis/matchtvnews_NI2156644_Andrejeva_pervoj_iz_rossijanok_vyshla_v_tretij_krug_Australian_Open_Blinkova_vybyla>. Тергыме: 23 идым 2025. 
  40. ↑ Петров, Степан, Мирра Андреева обыграла Магдалену Френх и вышла в 1/8 финала Australian Open — 2025, <https://www.championat.com/tennis/news-5864346-mirra-andreeva-obygrala-magdalenu-frenh-i-vyshla-v-1-8-finala-australian-open-2025.html>. Тергыме: 23 идым 2025. 
  41. ↑ Мирра Андреева проиграла 4-й из 5 матчей против Соболенко, <https://www.sports.ru/tennis/1116604225-mirra-andreeva-proigrala-4-j-iz-5-matchej-protiv-sobolenko.html>. Тергыме: 23 идым 2025. 
  42. ↑ Андреева проиграла первой ракетке мира в 1/8 финала Australian Open, 2025-01-20, <https://www.bfm.ru/news/566042>. Тергыме: 23 идым 2025. 
  43. ↑ Мирра Андреева и Диана Шнайдер впервые вышли в полуфинал «Большого шлема», <https://www.sports.ru/tennis/1116607642-mirra-andreeva-i-diana-shnajder-vpervye-vyshli-v-polufinal-bolshogo-sh.html>. Тергыме: 23 идым 2025. 
  44. ↑ Радюк, Алексей, Мирра Андреева и Диана Шнайдер уступили в парном полуфинале Australian Open — 2025, <https://www.championat.com/tennis/news-5873702-inyakova-taunsend-andreeva-shnajder-rezultat-matcha-24-yanvarya-2025-schet-2-1-6-7-4-7-6-4-6-3-1-2-finala-ao-2025.html>. Тергыме: 23 идым 2025. 
  45. ↑ Мирра Андреева побила рекорд Гауфф на турнирах WTA-1000 - Sport24, <https://sport24.ru/tennis/news-727223-mirra-andreyeva-pobila-rekord-gauff-na-turnirakh-wta-1000>. Тергыме: 23 идым 2025. 
  46. ↑ Певнева, Дарья, Мирра Андреева обыграла Игу Швёнтек в четвертьфинале турнира WTA-1000 в Дубае, <https://www.championat.com/tennis/news-5908236-mirra-andreeva-obygrala-igu-shvyontek-v-chetvertfinale-turnira-wta-1000-v-dubae.html>. Тергыме: 23 идым 2025. 
  47. ↑ Шаврикова, Мария, Мирра Андреева вышла в финал турнира WTA-1000 в Дубае, обыграв Елену Рыбакину, <https://www.championat.com/tennis/news-5909834-mirra-andreeva-vyshla-v-final-turnira-wta-1000-v-dubae-obygrav-elenu-rybakinu.html>. Тергыме: 23 идым 2025. 
  48. ↑ Андреева стала самой молодой в истории WTA победительницей «тысячника», 22.02.2025, <https://sportrbc.ru/news/67ba01d19a794763f0a004dd>. Тергыме: 23 идым 2025. 
  49. ↑ Насонов, Александр, Мирра победила в финале «тысячника» в Дубае! 17-летняя россиянка ворвалась в топ-10, <https://www.championat.com/tennis/article-5911170-dubaj-2025-setki-rezultaty-raspisanie-gde-smotret-mirra-andreeva-v-finale-pobedila-klaru-tauson.html>. Тергыме: 23 идым 2025. 
  50. ↑ Мирра Андреева отдала 3 гейма Рыбакиной в Индиан-Уэллс – это ее 9-я победа подряд, <https://www.sports.ru/tennis/1116666684-mirra-andreeva-obygrala-rybakinu-v-indian-uells-eto-ee-9-ya-pobeda-pod.html>. Тергыме: 23 идым 2025. 
  51. ↑ Мирра Андреева – самая молодая полуфиналистка в Индиан-Уэллс после Шараповой, <https://www.sports.ru/tennis/1116669431-mirra-andreeva-samaya-molodaya-polufinalistka-v-indian-uells-posle-sha.html>. Тергыме: 23 идым 2025. 
  52. ↑ Новая Шарапова. В теннисном мире загорается яркая звезда из России, 2025-03-17, <https://www.bfm.ru/news/569690>. Тергыме: 23 идым 2025. 
  53. ↑ Мирра Андреева победила Арину Соболенко и выиграла турнир WTA в Индиан-Уэллсе, <https://tass.ru/sport/23414601>. Тергыме: 23 идым 2025. 
  54. ↑ Мирра Андреева поднялась на шестое место в рейтинге WTA, 2025-03-17, <https://rsport.ria.ru/20250317/mirra-2005413720.html>. Тергыме: 23 идым 2025. 
  55. ↑ Мирра Андреева проиграла в третьем круге турнира в Майами, 2025-03-24, <https://rsport.ria.ru/20250324/tennis-2006858828.html>. Тергыме: 23 идым 2025. 
  56. ↑ Насонов, Александр, Мирра и Диана — чемпионки Майами! Россиянки завоевали крупнейший титул в карьере, <https://www.championat.com/tennis/article-5956606-majami-2025-setki-rezultaty-raspisanie-gde-smotret-mirra-andreeva-i-diana-shnajder-vyigrali-final-vzyali-titul.html>. Тергыме: 23 идым 2025. 
  57. ↑ Певнева, Дарья, Эрика Андреева из-за травмы снялась с матча с Миррой Андреевой в первом круге Штутгарта, <https://www.championat.com/tennis/news-5976966-erika-andreeva-iz-za-travmy-snyalas-s-matcha-s-mirroj-andreevoj-v-pervom-kruge-shtutgarta.html>. Тергыме: 23 идым 2025. 
  58. ↑ Томаев, Батраз, Екатерина Александрова одолела Мирру Андрееву и вышла в 1/4 финала турнира в Штутгарте, <https://www.championat.com/tennis/news-5978346-ekaterina-aleksandrova-odolela-mirru-andreevu-i-vyshla-v-1-4-finala-turnira-v-shtutgarte.html>. Тергыме: 23 идым 2025. 
  59. ↑ Мирра Андреева не смогла выйти в полуфинал турнира в Мадриде, 2025-04-30, <https://rsport.ria.ru/20250430/tennis-2014442733.html>. Тергыме: 23 идым 2025. 
  60. ↑ Валерий Иванов (2025-04-27), Магия МиДи не сработала. Карма не позволила россиянкам победить, <https://www.sovsport.ru/tennis/articles/magiya-mi-di-ne-srabotala-karma-ne-pozvolila-rossiyankam-pobedit>. Тергыме: 23 идым 2025. 
  61. ↑ Шаврикова, Мария (2025-05-14), Мирра Андреева не смогла выйти в полуфинал «тысячника» в Риме, уступив Гауфф, <https://www.championat.com/tennis/news-6012070-mirra-andreeva-ne-smogla-vyjti-v-polufinal-tysyachnika-v-rime-ustupiv-gauff.html>. Тергыме: 23 идым 2025. 
  62. ↑ Андреева и Шнайдер не сумели выйти в финал парного турнира в Майами, 2025-05-16, <https://tass.ru/sport/23965737>. Тергыме: 23 идым 2025. 
  63. ↑ Мирра Андреева с победы стартовала на «Ролан Гаррос», 2025-05-27, <https://www.rbc.ru/sport/27/05/2025/68358dd19a7947eef9ced2c0>. Тергыме: 23 идым 2025. 
  64. ↑ Бобков, Андрей, Мирра Андреева стала самой юной теннисисткой топ-10 в ХХI веке, выигравшей матч на «РГ», <https://www.championat.com/tennis/news-6028274-mirra-andreeva-stala-samoj-yunoj-tennisistkoj-top-10-v-hhi-veke-vyigravshej-match-na-rg.html>. Тергыме: 23 идым 2025. 
  65. ↑ Мирра Андреева проиграла 361-й ракетке мира в четвертьфинале Roland Garros, 2025-06-04, <https://tass.ru/sport/24136871>. Тергыме: 23 идым 2025. 
  66. ↑ Андреева и Шнайдер не вышли в финал Roland Garros в парном разряде, 2025-06-06, <https://tass.ru/sport/24162383>. Тергыме: 23 идым 2025. 
  67. ↑ Андреева и Шнайдер проиграли в третьем круге Уимблдона в парном разряде, 2025-07-06, <https://rsport.ria.ru/20250706/tennis-2027529648.html>. Тергыме: 23 идым 2025. 
  68. ↑ Теннисистка Мирра Андреева вышла в четвертьфинал Уимблдона, 2025-07-07, <https://tass.ru/sport/24454653>. Тергыме: 23 идым 2025. 
  69. ↑ Андреева вылетела с Уимблдона на глазах у королевы. Какой шанс упустила россиянка!, 2025-07-09, <https://news.sportbox.ru/Vidy_sporta/Tennis/spbnews_NI2220221_Andrejeva_vyletela_s_Uimbldona_na_glazah_u_korolevy_Kakoj_shans_upustila_rossijanka>. Тергыме: 23 идым 2025. 
  70. ↑ Мирра Андреева впервые в карьере войдет в топ-5 рейтинга WTA, 2025-07-12, <https://www.rbc.ru/sport/12/07/2025/68728bf49a7947f5dd4fed02>. Тергыме: 23 идым 2025. 
  71. ↑ Монреаль (WTA). Мирра Андреева и Диана Шнайдер уступили на старте парного турнира, 2025-07-30, <https://gotennis.ru/read/news/monreal_wta__mirra_andreeva_i_diana_shnajider_ustupili_na_starte_parnogo_turnira.html>. Тергыме: 23 идым 2025. 
  72. ↑ Мирра Андреева не смогла выйти в четвертый круг теннисного турнира в Монреале, 2025-07-31, <https://tass.ru/sport/24682579>. Тергыме: 23 идым 2025. 
  73. ↑ Мирра Андреева впервые вышла в третий круг US Open, <https://www.sports.ru/tennis/1116879087-mirra-andreeva-vpervye-vyshla-v-tretij-krug-us-open.html>. Тергыме: 23 идым 2025. 
  74. ↑ Андреева проиграла 139-й ракетке мира и вылетела с US Open. РИА Новости Спорт (30 сорла 2025). Тергыме кече: 23 идым 2025.
  75. ↑ СМИ узнали о решении теннисистки Андреевой сменить спортивное гражданство, 2023-07-13, <https://regnum.ru/news/3819338>. Тергыме: 23 идым 2025. 
  76. ↑ «Не знаю откуда появились слухи о смене спортивного гражданства» — мать теннисистки Андреевой (руш.). news.sportbox.ru (13 сӱрем 2023). Тергыме кече: 23 идым 2025. Архивлыме 14 сӱрем 2023 ий.
  77. ↑ На кортах зажглась новая звездочка российского тенниса Мирра Андреева, 2023-08-16, <https://rg.ru/2023/08/16/sotvorenie-mirry.html>. Тергыме: 23 идым 2025. 
  78. ↑ Красноярская теннисистка Мирра Андреева стала амбассадором бренда Rolex, 2025-01-29, <https://prmira.ru/news/2025-01-29/krasnoyarskaya-tennisistka-mirra-andreeva-stala-ambassadorom-brenda-rolex-5310492>. Тергыме: 23 идым 2025. 
  79. ↑ Анна Сатдинова (2023-12-11), WTA признала 16-летнюю российскую теннисистку новичком года, <https://www.rbc.ru/sport/11/12/2023/657725609a794767a57e0758>. Тергыме: 23 идым 2025. 
  80. ↑ Мирра Андреева и Ярослав Демин стали юниорами года по версии Федерации тенниса России, 2023-12-23, <https://tass.ru/sport/19617105>. Тергыме: 23 идым 2025. 
  81. ↑ Указ Президента Российской Федерации от 17.09.2025 № 659 ∙ Официальное опубликование правовых актов (руш.). publication.pravo.gov.ru. Тергыме кече: 23 идым 2025.

Кылвер-влак

"https://mhr.ruwiki.ru/w/index.php?title=Андреева,_Мирра_Александровна&oldid=1232038" гыч налме