Гайсин, Ахметсафа Гайсинович

Ахметсафа Гайсинович Гайсин
Ахметсафа Гайсинович Гайсин
	суасла Әхмәтсафа Гайсә улы Гайсин
Шочмо кече	1918
Шочмо вер	Пӧртчара, Вӱрзым уезд, Виче губерний;
Колымо кече	27 кылме 1943
Колымо вер	Вольнянский район (Украина)[d], Запорожье область, СССР;
Пурымаш	СССР
Званий
Часть	185-ше гвардий стрелковый полк
Командоватлен	взвод дене
Кредалмаш/сар	Кугу Ачамланде сар;

Ахметсафа Гайсинович Гайсин (1918, Портчара, Виче губерний — 1943 ий 27 ноябрь, Запорожский кундем) — Кугу Ачамланде сарын салтакше, 3-шо Украин фронтысо 12 армийын 60-шо гвардий стрелок дивизийын 185-ше гвардий стрелкок полкын взвод командирже, гвардийын изирак лейтенантше. Совет Ушемын Геройжо.

Илыш корныжо

1918 ийыште Портчара ялыште (кызыт — Марий Эл Республикын Параньга районжо) кресаньык ешыште шочын. Татар.

5 классым тунем пытарен, колхозышто пашам ыштен. ВЛКСМ йыжъеҥ.

1938 ийыште Йошкар Армийыш налыныт. 1943 ийыште изирак лейтенант-влакын курсыштым тунем лектын. 1943 ий июльышто сарланыше армийыш 60-шо гвардий стрелок дивизийын 185-ше гвардий стрелок полкын взвод командиржылан колтеныт. 1943 ий августышто дивизий 12-шо армийыш пурен, Донбасс операций годым Павлоградым утарен, вара Днепропетровск деч кечывалвелышкырак Днепр деке лектын, эҥер кутыш кумдыкышто Запорожье верч кредалын.

Гвардий изирак лейтенант Ахметсафа Гайсин Днепрым форсироватлымаште кредалын, Хортица отрошто плацдарм верч кучедалмаште (Запорожье) лийын. 1943 ий 25-26 ноябрьыште взвод Днепрым Запорожье кундемыште вончен^[1] да тушманын траншейышкыже ик эн ончыч керылт пурен. Гайсин вашпижмаште ротын командиржым алмаштен. Тушманын 15 контратакыжым чактарымеке, рото пурла эҥер серыште плацдармым лопкаҥдымаште шкенжым пеш сайын ончыктен.

1943 ий 27 ноябрьыште А. Гайсин пытартыш кредалмаште колен. Запорожье кундемысе Капустяный хуторышто тойымо.

Суаптарже

СССР Кӱшыл Совет Президиумын 1944 ий 22 февральысе кӱштыкшӧ дене руалтыше немыч-влак ваштареш кучедалмаште лӱддымылыкым, патырлыкым, талылыкым ончыктымыжлан гвардийын изирак лейтенантше Гайсин Ахметсафа Совет Ушемын Талешкыже чаплӱмым сулен.
Ленин орден дене суапландаралтын.

Шарныктыш

Геройын лӱмжӧ дене Параньга посёлкышто ик уремым лӱмдымӧ, туштак тудлан бюстым вераҥдыме.

Палемдымаш

↑ Славетні запоріжці — Гайсин Ахмед Саффа Архивысе копий 23 вӱдшор 2018 гыч. (укр.)

Литератур

Гайсин Ахмед-Сафа // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 299. — 872 с. — 3505 экз. — ISBN 978-5-94950-049-1.
Гайсин Ахметсафа Гайсинович // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 62—63. — 374 с. — 500 экз. — ISBN 978-5-94950-070-5.
Мочаев В. А. Гайсин Ахмед-Сафа // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 93—94. — 606 с. — 1500 экз. — ISBN 978-5-905314-35-3.

Кылвер-влак

Гайсин Ахмед-Саффа (руш.). Сайт «Герои страны».

[1] Славетні запоріжці — Гайсин Ахмед Саффа Архивысе копий 23 вӱдшор 2018 гыч. (укр.)

[1]