Одо йылме кече
| Одо йылме кече | |
|---|---|
 | |
| Тӱрлылык | Калыкле пайрем |
| Официал | руш. День удмуртского языка одо Удмурт кыллэн нуналыз |
| Палемдат |
 Удмуртий Республикыште |
| Кече | 27 кылме |
Одо йылме кече (руш. Удмурт кыллэн нуналыз) — удмурт йылмылан пӧлеклыме пайрем. Ий еда 27 ноябрьыште палемдалтеш. 2001 ийыште тиде кечын «Удмурт Республикын кугыжаныш йылмыже да Удмурт Республикын моло йылмыже-влак нерген» тӧртык луктын, садлан пайремлан ты кечым ойырымо[1].
Историй
Удмурт йылмын тӱнямбал кечыжым тӧнежлыме нерген пунчалым 2018 ийыште «Удмурт Кенеш» Пӱтынь удмурт ассоциацийын темлымыж дене Одо калыкын икымше погынжылан 100 ий темме лӱмеш эртыше, Елабугысе кундем кокласе шанче-практик конференцийыште пеҥгыдемдыме[2]. А 2001 ий 27 ноябрьыште Удмурт Республик тӧртык лукмаште удмурт йылмын статусшым кугыжаныш йылме семын увертарыме.
Пайремым удмурт йылмым чапландараш ман ышталтын. Тудо мотор да шке шотан улмыжым ончыкта, удмурт йылмын чапшым нӧлталеш да мер калыкыште кӱлеш улмыжым пеҥгыдемда[3]. Удмурт-влак шке йылмыштым «анай кыл» маныт аван йылмыже), лачак аван шӧржӧ дене пырля аза шке калыкшым, тӱвыражым, йылмыжым да Шочмо Элжым йӧратыме шижмашым налеш.
Пайремлымаш
Удмурт йылме кечын республик мучко тӱрлӧ пайремле да туныктымо мероприятий-влак эртат. Мутлан, Одо Республикын Калыкле книгагудыштыже тиде кечын у автор да у книга-влак дене палыме лийыт, йылме да кундемын историйжылан пӧлеклыме ончер ден лекций-влак эртат[4]. Одо калыкле театрыште тиде кечылан лӱмын семлык-сылнымут постановкым ямдылат. Калык тоштерыште тематике экскурсий, тоштер урок да мастер-класс-влак эртат.
Калык-влакын Келшымаш Пӧртыштышт, книгагудо ден Тӱвыра пӧртлаште ий еда удмурт йылме дене палдырыше, ойыртемже нерген каласкалыше «Салам лийже!» Одо йылме чылалан!»[5] акций-влак эртат.