Алексеев, Роман Юрьевич
| Роман Юрьевич Алексеев | |
|---|---|
| Роман Алексеев | |
 | |
| Шочмо годсо лӱм | Роман Юрьевич Алексеев |
| Шочмо кече | 1976 ий 23 шыжа (49 ий) |
| Шочмо вер | РСФСР, Марий АССР, Йошкар-Ола ола |
| Гражданлык |
 СССР Россий |
| Паша сомыл | актер, режиссёр, мурызо, киноактер |
| Награде да премий |
Марий Эл Республикын Калык артистше (2018), Марий Эл Республикын сулло артистше (2006) Марий Эл Республикысе М. Шкетан лӱмеш Кугыжаныш премийын лауреатше (2021) |
Рома́н Ю́рьевич Алексе́ев (шоч. 23 шыжа 1976, Йошкар-Ола) — российысе актёр да театр режиссёр. 2007 ий гыч М. Шкетан лӱмеш Марий калыкле театрын тӱҥ режиссёржо.
Марий Эл Республикын калык артистше. М. Шкетан лӱмеш театр сымыктыш аланыште Марий Эл Республикысе кугыжаныш премийын лауреатше.
Илыш корныжо
1976 ий 23 октябрьыште Марий АССР-ысе Йошкар-Олаште шочын. Ачаже Юрий Валерьевич — М. Шкетан лӱмеш театрын актёржо, аваже Раиса Михайловна ты театрыштак режиссёрын полышкалышыжлан пашам ыштен. Роман Алексеев усталык шӱлышан 20-шо номеран кыдалаш школыш тунемаш коштын, баян дене шоктен, рвезе-влакын хорыштышт мурен[1].
Школ деч вара М. Щепкин лӱмеш Кӱшыл театр училищыш тунемаш пурен, калыклк студий кышкарыште тунемын (Владимир Монаховын курсшо)[2]. Тудын дене пырля ик курсышто Игорь Петренко, Марат Башаров, Егор Дронов тунемыныт[1].
1998 ийыште институтым тунем пытарымеке, М. Шкетан лӱмеш Марий калыкле театрыште пашам ышташ тӱҥалын[3][4]. 20 наре рольым модын[1][3]. Нунын коклаште — «Ачийжат-авийжат» спектакльыште урядникын, «Аксар ден Юлавийыште» Аксарын, «Человек, зверь и добродетельыште» профессор Паолинон рольжым модын. Алексеевын эн уста актёр пашажлан «Утиная охота» спектакльыште Зиловын рольжым да «Лес» спектакльыште Петрын рольжым шотлат[4].
Кок тургым жапыште Роман Алексеев актёрланат, режиссёрланат пашам ыштен. Интервьюшто тудо ойлен:
«Роль дене пашам ыштыме годым мыланем мыйын геройын психологийышкыже тичмашын пураш кӱлеш. Чылажымат лончылаш да посна-посна пышташ, тиде образлан тичмаш пластический йӧным муаш полша. Мый эре сценысе тарванылмашлан тӱткышым ойыренам. Мый фехтований дене заниматлаш тӱҥалынам да тудым мемнан тӱвыра да сымыктыш колледжыштына туныктенам. Актёр семын мый ик татыште шижынам: мыланем ала-мо огеш сите[1]».
Роман Алексеев Б. Щукин лӱмеш Театр институтышто режиссёр пӧлкан студентше лийын (вуйлатыше — Леонид Хейфец), 2008 ийыште драме режиссёр дипломым налын[1][3][4][2].
2007 ий гыч М. Шкетан лӱмеш Марий калыкле драме театрын тӱҥ режиссёржылан пашам ышта[3].
Ойырен налме спектакль-влак
М. Шкетан лӱмеш Марий калыкле театрын сценыштыже режиссёр семын тыгай спектакль-влакым шынден:
- «Блин-2» (А. Слаповский; 2007)
- «Улыжат вич кас» (А. Володин; 2008)
- «Вучо, мане, пӧртылам» («Саня, Ваня, с ними Римас»; В. Гуркин; 2010)
- «Кугезе муро» (В. Регеж-Горохов; 2011)
- мюзикл «Юмынўдыр» («Дочь Бога»; 2012),
- «Морко сем» (М. Рыбаков; 2012)
- «Монча кечын» (А. Тарасов; 2014)
- «Осал чоялык да йӧратымаш» (Ф. Шиллер; 2016)[2]
Суаптар-влак
- Марий Эл Республикын сулло артистше (2006);
- Марий Эл Республикын калык артистше (2018);
- М. Шкетан лӱмеш театр сымыктыш аланыште Марий Эл Республикысе кугыжаныш премийын лауреатше[4];
- Шуко план да актёр сылнылыклан Йыван Кырла лӱмеш лауреат[5].
Палемдымаш
- ↑ 1 2 3 4 5 Марина Оленева (12.08.2019), Заслуженный артист Марий Эл, главный режиссер Национального театра драмы им. Шкетана Роман Алексеев:"Работоспособность - ближайшая подруга одаренности", <https://www.marpravda.ru/news/religiya/zasluzhennyy-artist-mariy-el-glavnyy-rezhisser-natsionalnogo-teatra-dramy-im-shketana-roman-alekseev/?ysclid=m1g9iqn8qr656525226>. Тергыме: 2 шыжа 2025.
- ↑ 1 2 3 Наш главный режиссер - народный артист, 2018-03-22, <https://shketan.ru/nash-glavnyj-rezhisser-narodnyj-artist/>. Тергыме: 2 шыжа 2025.
- ↑ 1 2 3 4 Роман Алексеев (II). Кино-Театр.Ру. Тергыме кече: 2 шыжа 2025.
- ↑ 1 2 3 4 Алексеев Роман Юрьевич, <https://shketan.ru/workers/alekseev-roman-yurevich/?ysclid=m1g9ikm6uw53535329>. Тергыме: 2 шыжа 2025.
- ↑ Алексеев Роман Юрьевич – М.Шкетан лӱмеш Марий кугыжаныш драме театр, <https://shketan.ru/workers/alekseev-roman-yurevich/>. Тергыме: 2 шыжа 2025.