Попов, Василий Сергеевич

Василий Сергеевич Попов
Василий Сергеевич Попов
Шочмо кече	23 шыжа 1911
Шочмо вер	Памашъял, Вӱрзым уезд, Виче губерний, Россий империй;
Колымо кече	10 сорла 1994 (82 ий)
Колымо вер	Йошкар-Ола, Марий Эл Республик, Россий;
Гражданлык	Россий империй → СССР
Паша сомыл	партий пашаеҥ, депутат
Награде да премий	; Марий АССР Кӱшыл Каҥаш Президиумын Чапкагазше (1946, 1957, 1961, 1965, 1971, 1975)

Васи́лий Сергéевич Попóв (23 шыжа 1911, Памашъял, Вӱрзым уезд, Виче губерний, Россий империй — 10 сорла 1994, Йошкар-Ола, Марий Эл Республик, Россий) — марий совет партий пашаеҥ. Марий АССР-ысе Марий Турек район исполкомын председательже (1941—1942, 1946—1948), ВКП(б) Казанский район комитетын (1948—1950), КПСС У Торъял район комитетын икымше секретарьже (1952—1959). ВКП(б)-ын XIX погынжын делегатше (1952). Кугу Ачамланде сарын участникше.

Илыш корныжо

1911 ий 22 октябрьыште кызытсе Марий Элын Параньга районысо Памашъялысе йорло кресаньык ешеш шочын^[1]. 1930 ийыште Йошкар-Оласе педагогике техникумым тунем пытарен^[2].

1934 ийыште РККА-ш налыныт. Армий гыч пӧртылмекыже, 1937 ийыште Марий АССР-ысе Марий Турек районысо партий пашаш шогалын: райисполком секретарь, председательын алмаштышыже, 1940—1941 ийлаште — председательже^[2].

1941 ий ноябрьыште уэш Йошкар Армийыш налыныт. Кугу Ачамланде сарын участникше: 38-ше гвардий посна кыл батальонын политпашаеҥже, гвардий майор. Дон, Воронеж, 2-шо Украин фронтлаште кредалын. 1946 ий мартыште армий гыч демобилизоватлалтын. I да II степенян Ачамланде сар орден, Йошкар Шӱдыр орден да медаль-влак дене суапландаралтын^[2].

Мӧҥгӧ пӧртылмекыже, партий пашам шуен: 1946—1948 ийлаште — Марий Турек райисполком председатель, 1948—1950 ийлаште — ВКП(б) Казанский райкомын, 1952—1959 ийлаште — КПСС У Торъял райкомын икымше секретарьже. 1952 ийыште Горькийысе партий школым, 1959 ийыште КПСС ЦК пеленысе заочный Кӱшыл партий школым тунем пытарен. 1959—1979 ийлаште КПСС Марий обкомын административный орган пӧлкажым вуйлатен^[2]^[1].

1959—1967 ийлаште Марий АССР Кӱшыл Каҥашын (руш.) (мар. депутатше лийын. 1952 ийыште ВКП(б)-ын XIX-ше погынжын делегатше лийын. Паша Йошкар Тисте да «Почёт Пале» орден да медаль-влак дене, нунын коклаште «Пашаште чолгалыклан» медаль дене суапландаралтын^[2].

1994 ий 10 августышто Йошкар-Олаште илыш дене чеверласен^[2].

Суаптар-влак

Паша Йошкар Тисте орден (1951)^[2];
«Почёт Пале» орден (1966)^[2];
I степенян Ачамланде сар орден (06.04.1985)^[2];
II степенян Ачамланде сар орден (14.05.1945)^[2]^[3];
Йошкар Шӱдыр орден (10.04.1944)^[2];
«Пашаште чолгалыклан» медаль (1971)^[2];
«Сталинградым аралымылан» медаль (22.12.1942)^[3];
«Будапештым налмылан» медаль^[3];
«Веным налмылан» медаль^[3];
«1941—1945 ийласе Кугу Ачамланде сарыште Германийым сеҥымылан» медаль (09.05.1945)^[3];
РСФСР Кӱшыл Каҥаш Президиумын Чапкагазше (1965)^[2];
Марий АССР Кӱшыл Каҥаш Президиумын Чапкагазше (1946, 1957, 1961, 1965, 1971, 1975)^[2].

Палемдымаш

↑ ¹ ² Попов Василий Сергеевич (неопр.). pomosyal.ucoz.ru. Тергыме кече: 14 шорыкйол 2026.
↑ ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² ¹³ ¹⁴ Мочаев, 2017, с. 290.
↑ ¹ ² ³ ⁴ ⁵ Попов Василий Сергеевич, 23.10.1911. Документы участника войны. (руш.). Память народа. Тергыме кече: 14 шорыкйол 2026.

Литератур

Попов Василий Сергеевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 290. — 2032 экз. — ISBN 5-87898-357-0.
Мочаев В. А. Попов Василий Сергеевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 351. — 606 с. — 1500 экз. — ISBN 978-5-905314-35-3.

Кылвер-влак

[:0-1] ¹ ² Попов Василий Сергеевич (неопр.). pomosyal.ucoz.ru. Тергыме кече: 14 шорыкйол 2026.

[_d8af48506f127211-2] ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² ¹³ ¹⁴ Мочаев, 2017, с. 290.

[:1-3] ¹ ² ³ ⁴ ⁵ Попов Василий Сергеевич, 23.10.1911. Документы участника войны. (руш.). Память народа. Тергыме кече: 14 шорыкйол 2026.

[1]

[2]

[3]