Тюлькин, Яков Николаевич

Яков Николаевич Тюлькин
Яков Николаевич Тюлькин
Шочмо кече	1896 ий 22 шыжа
Шочмо вер	Руш Куптӱр ял, Марий Турек район, Марий Эл
Колымо кече	1958 ий 12 сорла (61 ий)
Колымо вер	Ставрополь
Пурымаш	СССР
Войскан родшо	пехото
Службо жап	1943—1945
Званий
Кредалмаш/сар	Российыште Граждан сар,; Кугу Ачамланде сар

Яков Николаевич Тюлькин (1896—1958) — Пашазе-кресаньык Йошкар Армийын сержантше, Кугу Ачамланде сарын участникше, Совет Ушемын Талешкыже (1944).

Илыш корныжо

1896 ий 22 октябрьыште Руш Куптӱр ялыште (кызыт Марий Турек вел) шочын. Тӱҥалтыш школым тунем пытарен. Граждан сар кредалмаште лийын. Демобилизацийыш кайымеке, Джамбулышто илен да пашам ыштен. 1943 ийыште угыч армийыш налалтын. Тудо ийынак сентябрьыште Кугу Ачамланде сарын фронтлаштыже, Воронеж фронтын 38 армийысе 136-шо стрелковый дивизийын 269-ше стрелок полкын пулемёт расчётшо дене командоватлен. Днепр верч кучедалме годым ойыртемалтын^[1].

1943 ий 1-2 октябрь йӱдым Яков Тюлькинын командоватлыме расчёт Казак отро кумдыкышто Днепр гоч вончен да касвел серыштыже плацдармым руалтен, кучен кодымаште чолган кредалын, кум немыч контратакым чактарен. 1943 ий 13-14 октябрьыште Киев кундемысе Вышгород велне Лютеж села верч кучедалме годым тудо, тӱҥ вий деч ончылнырак лийшыжла, немыч контратакым кӱрлын, тушманлан кугу йомдартышым конден^[1].

СССР Кӱшыл Каҥаш Ушемын 1944 ий 10 январьысе «Йошкар Армийын генерал, офицер, сержант да рядовой кышкаржылан Совет Ушемын Талешкыже лӱмым пуымо нерген» кӱштыкшӧ дене «немыч-фашист руалткалыше-влак дене кучедалме фронтышто командованийын кӱштымыжым сайын шуктымыжлан да тидын годым лӱддымылыкым да талылыкым ончыктымыжлан» Совет Ушемын Талешкыже кӱкшӧ чаплӱмым сулен, Ленин орден ден «Шӧртньӧ Шӱдыр» медаль дене суапландаралтын^[2]^[1].

Сар пытымек демобилизоватлалтын. Ставропольышто илен^[1].

1958 ий 12 августышто колен.

Тыгак икмыняр медаль-влак дене суапландаралтын.

Палемдымаш

↑ ¹ ² ³ ⁴ Тюлькин Яков Николаевич (руш.). AZ Library. Тергыме кече: 2014-9-4.
↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 шорыкйол (№ 3 (263)). — С. 1. Архивлыме 7 теле 2021 ий.

Литератур

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.

Кылвер-влак

Игорь Сердюков. Яков Николаевич Тюлькин (руш.). Сайт «Герои страны». Тергыме кече: 28 сорла 2016.

[тян-1] ¹ ² ³ ⁴ Тюлькин Яков Николаевич (руш.). AZ Library. Тергыме кече: 2014-9-4.

[2] Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 шорыкйол (№ 3 (263)). — С. 1. Архивлыме 7 теле 2021 ий.

[1]

[2]