Софронов, Иван Васильевич

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Софронов.
Иван Васильевич Софронов
Софронов, Иван Васильевич.jpg
Шочмо кече 1922 ий 19 сӱрем(1922-07-19)
Шочмо вер Кукарка, Шернур кантон, Марий автоном область, РСФСР
Колымо кече 1988 ий 4 сӱрем(1988-07-04) (65 ий)
Колымо вер Лиственный, Нижнегорский район, Крым область, Украин ССР, СССР
Гражданлык  СССР
Паша сомыл педагог
Награде да премий

Орден Славы III степени — 1951 Орден Отечественной войны I степени— 1985 Медаль «За отвагу» (СССР) — 1970 «Чапле пашалан (Сарзе патырлыклан) лӱмгече медаль. Владимир Ильич Ленинын шочмыжлан 100 ий лӱмеш палемдалтын»
Honored School Teacher of the RSFSR.png

Иван Васильевич Софронов (19 сӱрем 1922, Кукарка, Марий автоном область, РСФСР[d] — 4 сӱрем 1988, Лиственный[d], Нижнегорский район[d], Крым область[d], Украин ССР[d], СССР) — совет педагог. Марий АССР-ысе Марий Турек кыдалаш школын директоржо, завучшо (1948―1965). РСФСР школын сулло туныктышыжо (1960). Кугу Ачамланде сарын участникше. 1940 ий гыч ВКП(б)-н йыжъеҥже.

Илыш корно

1922 ий 19 июльышто кызытсе Марий Эл Марий Турек районысо Кукарка ялыште[1] поян кресаньык ешеш шочын. Ешым раскулачитлыме деч вара 5 ияшыж годым чӱчӱжӧ ончаш налын. 1940 ийыште шочмо районысо Марий-Пыламарий педагогике училищым тунем пытарен[2][3].

1940 ийыште ВКП(б)-ш пурен да РККА-ш налме. Кугу Ачамланде сарын участникше: Касвел фронтышто  (руш.) (мар. МВД конвой войскан 2-шо бригадыжын 226-шо полкшын стрелокшо, рядовой. 1941 ий октябрьыште ик кредалмашыште нелын сусырген, шола йолжым пӱчмӧ, тазалык шот дене комиссоватлыме. III степенян Чап орден да медаль-влак дене, нунын коклаште «Лӱддымылыклан» медаль дене наградитлыме. 1985 ийыште тудлан I степенян Ачамланде сар орденым кучыктымо[2][3].

1942 ийыште мӧҥгыш пӧртылмекше, Н. К. Крупская лӱмеш Марий педагогике институтыш пурен, но 1946 ийыште Киевысе педагогике институтым тунем пытарен. 1948―1965 ийлаште Марий Турек кыдалаш школышто историйым, географийым, обществоведенийым туныктышылан, завучлан пашам ыштен, 1951―1954 ийлаште тиде школын директоржо лийын[4]. Тыште краевед, экскурсий-турист пашам вораҥдарыше, школ тоштерым да метеостанцийым негызлыше семын палыме лийын[2][3].

1965 ийыште Крымыш каен, 1978 ий марте Крым областьысе Лиственный кыдалаш школын туныктышыжлан пашам ыштен[2][3].

Калык туныктымаш пашаште суапшылан 1960 ийыште тудлан «РСФСР школын сулло туныктышыжо» чап лӱмым пуымо[2][3].

1988 ий 4 июльышто Крым область Нижнегорский районысо Лиственный селаште колен, туштак тоеныт[2][3].

Награде да чап лӱм-влак

Палемдымаш

  1. ↑ Кукарск (Кырчаново) | Родная Вятка. rodnaya-vyatka.ru. Тергыме кече: 10 шорыкйол 2026.
  2. ↑ 1 2 3 4 5 6 7 8 Мочаев, 2017, с. 418.
  3. ↑ 1 2 3 4 5 6 7 Энциклопедия Республики Марий Эл, 2009, с. 726―727.
  4. ↑ Домашняя - История школы. edu.mari.ru. Тергыме кече: 10 шорыкйол 2026. Архивлыме 28 теле 2019 ий.

Литератур

  • Софронов Иван Васильевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 343. — 2032 экз. — ISBN 5-87898-357-0.
  • Софронов Иван Васильевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 726―727. — 872 с. — 3505 экз. — ISBN 978-5-94950-049-1.
  • Колесников А. Ю. Софронов Иван Васильевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 418. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Софронов,_Иван_Васильевич&oldid=1234810" гыч налме