Васильев, Илья Васильевич
| Илья Васильевич Васильев | |
|---|---|
 | |
| Шочмо кече | 1914 ий 11 вӱдшор |
| Шочмо вер | Россий империй, Пермь губерний, Красноуфимск уезд, Эҥертӱҥ ял |
| Колымо кече | 1974 ий 19 сӱрем (60 ий) |
| Колымо вер | Йошкар-Ола ола |
| Гражданлык |
 Россий империй СССР |
| Паша сомыл | серызе, туныктышо |
Илья Васильевич Васильев (11 вӱдшор 1914, Эҥертӱҥ, Суксо кундем — 19 сӱрем 1974, Йошкар-Ола) — марий серызе, туныктышо, 1941—1945 ийласе Кугу Ачамланде сарын участникше[1].
Илыш корныжо
Илья Васильев 1914 ийын ӱярня тылзын 11-ше кечынже Россий империй Пермь губерний Красноуфимск уезд Эҥертӱҥ ялеш кресаньык ешеш шочын. 1929 ийыште Красноуфимскысе педтехникумыш тунемаш пурен, но черлан кӧра тунеммым кодаш логалын. Икмыняр жап шочмо верысе ялсоветыште пашам ыштен. 1932 ий гыч — ударле стройкылаште (Трубстрой, Пермстрой, Уралстрой). 1937 ийыште тудым Йошкар Армий радамыш ӱжыныт. Тора Эрвелыште служитлен. Кугу Ачамланде сарын салтакше. Контузий лийын. Демобилизаций деч вара Марий туныктышо институтым тунем пытарен (1950). Латвич ий наре Свердловск кундемысе школлаште туныктышылан пашам ыштен[1].
Илья Васильев сылнымут пашашке 1929 ийыште ушнен. Тудын икымше серымыже «Социализм корно» марий газетын (Красноуфимск) лаштыклаштыже савыкталтыныт. Ойлымашыже-влак «Родина верч», «Пиалан илыш» альманахлаште, вара «Ончыко» журналыште савыкталтыныт[1].
Илья Васильев Уралыште, Сулий да Чусавӱд эҥер-влак серыште илыше марий-влакын илышышт нерген возен. 1956 ийыште писатель «Куголык пеледыш» ойлымаш книгам луктын. Тудо икмыняр повестьым возен. Писатель туризмлан кумылаҥын, Индийыште, Корейыште, Китайыште, Вьетнамыште лийын. Корныш лектын коштмыж почеш «У Вьетнамыште» корно очеркым серен[1].
1965 ий гыч Йошкар-Олаште илен, сылнымут пашам шуктен. «Завод шӱлыш» романым серен, тудын ужашыже-влак 1972 ийыште «Марий коммуна» газетын куд номерыштыже савыкталтыныт. Писательын колымыж деч вара, П. Корнилов дене пырля возымо, «Илыше чодыра» йоча сар-приключений повесть посна книга дене савыкталтын[1].
Тӱҥ произведенийже-влак
- Лышташ модеш : повесть// Марий альманах. 1949. № 24. С. 25—98.
- Куголык пеледыш : ойлымаш-вл. [Цветочки больших лугов : рассказы]. Йошкар-Ола, 1956. 84 с.
- У Вьетнамыште : писательын блокнотшо гыч // Ончыко. 1962. № 3. С. 73-81.
- Изи куэ : ойлымаш-вл. [Березка : рассказы]. Йошкар-Ола, 1965. 40 с.
- Кӱдырчан йӱр : повесть ден ойлымаш [Гроза : повесть и рассказ]. Йошкар-Ола, 1966. 112 с.
- Мемнан олаште : роман гыч ужаш // Марий коммуна. 1972. 14—19 март.
- Илыше чодыра : повесть [Живой лес] / Васильев И., Корнилов П. Йошкар-Ола, 1980. 128 с.
- Йӱдвел пургыж : повесть [Северный сугроб] // Ончыко. 1968. № 6. С. 12-39.
Руш йылмыш кусарыме произведенийже-влак
- Славное звено : рассказ / пер. А.Кременского // Сосны шумят. Йошкар-Ола, 1956. С. 224—234.
- Счастье матери ; Незнакомец : рассказы / пер. 3. Макаровой // Мар. правда. 1967. 1 марта.
- Встреча : рассказ/пер. 3. Макаровой // Мар. правда. 1973. 1 мая.
Палемдымаш
Литератур
- Писатели Марий Эл: биобиблиографический справочник / сост.: А.Васинкин, В.Абукаев и др. — Йошкар-Ола: Марийское книжное издательство, 2008. — 752 с. С.130-131.
- Васин К. Родники с камней : очерк // След на земле. Йошкар- Ола, 1964. С. 84.
- Корнилов Н. Ӱшан // Марий коммуна. 1974. 11 апр.
- Писатели Марийской АССР : биобиблиогр. справочник. Йошкар- Ола, 1976. С. 58-59.
- Миловидов В. «Айда, йолташ, шарналтена…» // Марий Эл. 1994. 9 май.
- Зайниев Г. Кажнын шке кышаже да семже // Ончыко. 1999. № 4. С. 168—174.
- МБЭ. Йошкар-Ола, 2007. С. 65-66.