Токтаров, Василий Константинович

РУВИКИ — эрыкан энциклопедий гыч материал
Василий Константинович Токтаров
Токтаров, Василий Константинович.jpg
Шочмо кече 1911 ий 29 кылме(1911-11-29)
Шочмо вер Токтар, Вӱрзым уезд, Виче губерний, Россий империй
Колымо кече 2001 ий 9 шорыкйол(2001-01-09) (89 ий)
Колымо вер Йошкар-Ола, Марий Эл, Россий
Пурымаш  Россий империй →  СССР →  Россий
Войскан родшо артиллерий, химий войска
Службо жап 1933—1946
Званий
СССР ВС кугурак лейтенант
Кредалмаш/сар Кугу Ачамланде сар: Моском аралымаш, Кёнигсбергым налмаш
Награде да премий

Василий Константинович Токтаров (29 шорыкйол 1911, Токтар, Вӱрзым уезд, Виче губерний, Россий империй — 9 шорыкйол 2001, Йошкар-Ола, Марий Эл Республик, Россий) — совет сарзе пашаеҥ. Кугу Ачамланде сар ийлаште — миномётчик, химий аралтыш пӧлкан командирже, 2-шо Белорус фронтысо гварий 342-шо неле шкекоштшо артиллерий полкын шкекоштшо саргуралын командирже, гвардийын кугурак лейтенантше. 5 Ачамланде сар орденын кавалерже. ВКП(б) йыжъеҥ (1943—1955).

Илыш корно

1911 ий 29 ноябрьыште кызытсе Марий Эл Шернур район Токтар ялысе икмарда кресаньыкын ешыштыже шочын[1]. 1929 ийыште шочмо ялысе школышто 9 классым тунем пытарен[2].

1929—1930 ийлаште мланде пашаеҥ лийын, 1930—1933 ийлаште — шочмо ялысе колхоз председатель[2][1].

1933—1935 ийлаште РККА-ште служиен. 1935—1940 ийлаште угыч колхоз председательлан ыштен[2][1].

1941 ий сентябрьыште Москон Фрунзе район военкоматше Йошкар Армийыш налын. Кугу Ачамланде сарын салтакше: миномётчик, химий аралтыш пӧлкан командирже, 1944 ийыште Киевысе шкекоштшо артиллерий училищым тунем пытарен, 2-шо Белорус фронтысо  (руш.) (мар. гвардий 342-шо неле шкекоштшо артиллерий полкын шкекоштшо саргурал командирже, гвардийын кугурак лейтенантше. Шкенжым тале, муткучышо да лӱддымӧ офицер семын ончыктен. Нелын сусырген. 1943 ийыште ВКП(б)-ш пурен. 1946 ий августышто армий гыч демобилизацийлалтын[3][4][5].

1947 ийыште Йошкар-Олаш толын: тӱрлӧ тӧнежлаште пашам ыштен, тыгак — Марий машиначоҥышо заводышто столярлан тыршен. 1955 ийыште КПСС радам гыч кораҥдыме[2].

Патырлык да талылыкшылан I степенян (кок гана) да II степенян (кум гана) Ачамланде сар орден да медаль-влак дене палемдалтын, нунын коклаште «Моском аралымылан» да «Кёнигсбергым налмылан» медаль-влак лийыныт.

2001 ий 9 январьыште Йошкар-Олаште илыш дене чеверласен, туштак тойымо[2].

Суаптар-влак

Палемдымаш

  1. ↑ 1 2 3 Токтарово | Родная Вятка. rodnaya-vyatka.ru. Тергыме кече: 24 пургыж 2026.
  2. ↑ 1 2 3 4 5 Мочаев, 2017, с. 362.
  3. ↑ 1 2 3 4 5 6 #дорогапамяти Участник ВОВ ✩ Токтаров Василий Константинович (руш.). Музейный комплекс "Дорога Памяти". Тергыме кече: 25 пургыж 2026.
  4. ↑ 1 2 3 4 5 Токтаров Василий Константинович :: Память народа. pamyat-naroda.ru. Тергыме кече: 24 пургыж 2026.
  5. ↑ 1 2 3 4 5 Подвиг народа. podvignaroda.ru. Тергыме кече: 24 пургыж 2026.
  6. ↑ Токтаров Василий Константинович :: Память народа. pamyat-naroda.ru. Тергыме кече: 24 пургыж 2026.
  7. ↑ Подвиг народа. podvignaroda.ru. Тергыме кече: 24 пургыж 2026.

Литератур

  • Токтаров Василий Константинович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 362. — 2032 экз. — ISBN 5-87898-357-0.
  • Мочаев В. А. Токтаров Василий Константинович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 443. — 606 с. — 1500 экз. — ISBN 978-5-905314-35-3.
"https://mhr.ruwiki.ru/w/index.php?title=Токтаров,_Василий_Константинович&oldid=1210469" гыч налме