Якимов, Валерий Александрович

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Якимов.
Валерий Александрович Якимов
Якимов, Валерий Александрович.jpg
Шочмо кече 9 шорыкйол 1955(1955-01-09) (71 ий)
Шочмо вер
Эл
Паша сомыл почеламутчо, журналист, драматург
Награде да премий

Вале́рий (Валериа́н) Алекса́ндрович Яки́мов (шоч. 9 шорыкйол 1955, Карай, Марий Автоном Совет Социализм Республик) — марий поэт, драматург, журналист. 1999 ий гыч Российысе серызе-влак ушемын йыжыҥъеҥже[1].

Илыш корныжо

Валерий (Валериан) Якимов 1955 ий 9 январьыште Марий Эл Республикын кызытсе Юлсер кундем Карай ялысе кресаньык ешеш шочын. Отымбал кыдалаш школым тунем пытарымеке, 1972—1977 ийлаште Марий кугыжаныш университетын историй-филологий факультетыштыже тунемын. Университетыште тунеммыж годым сылнымут-усталык кружокын чолга йыжыҥъеҥже лийын. Почеламутым школышто тунеммыж годсек возен. Ик гана огыл «Сылнымут шыже» семинар-каҥашлаште лийын. Сем деке кумылаҥын. Муро-влакым возен[1].

Паша корныжым «Призыв» (Шернур), «Передовик» (Провой) районысо газет редакцийлаште, варарак — «Марий коммуна» да «Марийская правда» газетлаште тӱҥалын. Пытартыш ийлаште Ямал-Ненец автоном округысо Лабытнанги олаште ила да журналистлан пашам ышта[1][2].

Валерий Якимовын поэзий дебютшо 1981 ийыште «Волгенче парча» тӱшка сборникыште лийын. «Пагыт вӱршер» кокымшо почеламут книгаж деч вара тудын нерген пеҥгыдемше поэт семын ойлаш тӱҥалыныт. Тыгодымак прозо, драматургий жанрлаште тыршен. «Поро кече» (1995) сборникыште тудын «Мо шергакан?» йоча пьесыже савыкталтын, ойлымашыже-влак «Эрвий» альманахыште савыкталтыныт, 1991 ийыште «Кинда-кунда» пьесе книгам луктын[1].

1995 ийыште Валерий Якимовын пьесыж почеш Марий самырык театр Германийым сеҥымылан 50 ий темме лӱмеш «Шагат» спектакльым шынден[1].

2015 ийыште «Платина» савыктыш (Красноярск) Ямал районын лӱмгечыжлан пӧлеклалтше «Дыхание Севера» («Йӱдвел шӱлыш») книгам луктын[3].

Ямал-Ненец автоном округысо Губернаторын пунчалже почеш Валерий Якимовлан «Пашан ветеранже» чаплӱмым пуымо[3].

1999 ий гыч Российысе серызе-влак ушемын йыжыҥъеҥже[1].

Библиографий

Тӱҥ произведений-влак
  • Почеламут-влак // Волгенче парча. Йошкар-Ола, 1981. С. 11—39.
  • Ивась памаш воктене: ойлымаш // Эрвий. Йошкар-Ола, 1984. С 93—99.
  • Пагыт вӱршер: поэма, почеламут [Пульс времени: поэма, стихи). Йошкар-Ола, 1987. 80 с.
  • Чылым: ойлымаш // Эрвий. 1988. С. 19—24.
  • Шӧран лашка: поэма гыч ужаш // Эрвий. 1990. С. 55—59.
  • Кинда-кунда: йоча-вл. кум пьеса. Йошкар-Ола, 1991. 52 с.
  • Канде мардеж: почеламут аршаш // Ончыко. 1992. № 6. С. 57—62.
  • Титак: повесть да ойлымаш-вл. [Ошибка: повесть и рассказы]. Йошкар-Ола, 1993. 144 с.
  • Лӧдӧ: ойлымаш // Эрвий. Йошкар-Ола, 1993. С. 44—53.
  • Почеламут-влак // Ончыко. 2001. № 3. С. 189—190.
  • Каныш пагыт; Ужым тыйым; Илыш: почеламут-вл. // Мурйогын. Йошкар-Ола, 2003. С. 59—61.
Театр постановко-влак
  • Шагат : драма [Часы]. (МарТЮЗ) 1995.

Палемдымаш

  1. ↑ 1 2 3 4 5 6 Валерий Якимов (руш.). mari-lab.ru. Тергыме кече: 20 шыжа 2025.
  2. ↑ Валериан Якимов. Самоволка с того света | Счастье слова, <https://olegchuvakin.ru/yakimov-awol.html>. Тергыме: 20 шыжа 2025. 
  3. ↑ 1 2 Якимов Валериан Александрович (руш.). Тергыме кече: 20 шыжа 2025.

Литератур

  • Николаев С. Рвезын йоҥгышо поэзий // Волгенче парча. Йошкар-Ола, 1981. С. 5—10.
  • Краткая биогр. справка // Якимов В. Пагыт вӱршер. Йошкар-Ола, 1987. С 2.
  • Валерий Якимовлан — 50 ий // Ончыко. 2004. № 12. С. 167.
  • Писатели Республики Марий Эл : автобиобиблиогр. сборник. Йошкар-Ола, 2004. С. 74.

Кылвер-влак

"https://mhr.ruwiki.ru/w/index.php?title=Якимов,_Валерий_Александрович&oldid=1233877" гыч налме