Лисицына, Эльвира Семёновна
| Эльвира Семёновна Лисицына | |
|---|---|
 | |
| Шочмо кече | 9 шорыкйол 1967 (59 ий) |
| Шочмо вер | |
| Гражданстве |
 СССР →  Россий |
| Профессий | актрисе |
| Усталык жап | 1986 — кызытсе жап марте |
| Амплуа | курчак вӱдышӧ |
| Театр | Республикысе курчак театр |
| Суаптар |
  Марий Эл Республикын калык артисткыже (2009) Марий Эл Республикын сулло артисткыже (2002) Йыван Кырла лӱмеш Калыкле театр премий (2005, 2009, 2015) |
Эльви́ра Семёновна Лиси́цына (шоч. 9 шорыкйол 1967, Йорош, Марий Автоном Совет Социализм Республик) ― совет да российысе театр да кино актрисе, йӱкым возышо актрисе. Марий АССР / Марий ССР / Марий Эл Республикысе курчак театрын вӱдышӧ актрисыже (1986 ий гыч). Марий Эл Республикын калык артисткыже (2009), Марий Эл Республикын сулло артисткыже (2002). Ик гана огыл Йыван Кырла лӱмеш Калыкле театр премийын лауреатше лӱмым сулен (2005, 2009, 2015). Театр сымыктышым вияҥдымашке надырлан да шуко ияш лектышан пашалан II степенян «Марий Эл ончылно суаплан» орден (2022) да «Марий Эл ончылно суаплан» орденын медальже дене (2017) палемдалтын.
Илыш корныжо
1967 ий 9 январьыште кызытсе Марий Эл Республикын Кужэҥер кундем Йорош ялеш шочын[1][2].
Марий АССР-ыште Республикысе курчак театрыште пашам ыштыме годымак Ленинградысе театр, сем да кинематографий институтын (ЛГИТМиК) актёр факультетшым тунем пытарен[3][4][5][6].
1986 ий гыч Марий АССР-ысе / Марий Эл Республикысе курчак театрыште курчакым модыктышо артистлан пашам ышта[4][5]. Театрыште модмо икымше рольжо марла «Ужар великан» спектакльыште Ромкан рольжо лийын. Курчакым модыктымо усталыклан театрын тӱҥ режиссёржо Е. И. Ярденко да кугурак коллеге-артист-влак деч тунемын. Кызыт тудын репертуарыштыже йоча спектакльлаште 60 утла роль уло. 2015 ийыште А. П. Чеховын «Три сестры» пьесыж почеш «Прозоровы. Эпитафия» кугыеҥ-влаклан шындыме спектакльыште Ольга Прозорован рольжым модын[3][4][6].
Курчак театрысе паша деч посна «Чоныштем илет» (1997) телевиденийысе марий сериалыште модмыж денат палыме[6][7]. Тыгак 2016 ий гыч тудо Республикысе марий тӱвыра рӱдерын проект кышкарыштыже школ деч ончычсо да школ ийготан изирак йоча-влаклан «Марла ойлаш тунемына» тунемме мультфильм-влакым йӱкаҥден[3][4].
2002 ийыште Марий Эл Республикын сулло, а 2009 ийыште калык артисткыже лийын. Ик гана огыл Йыван Кырла лӱмеш Калыкле театр премийын лауреатше лӱмым сулен[3][4][6].
2017 ийыште тудын пашажым «Марий Эл ончылно суаплан» орденын медальже дене палемденыт[8]. 2022 ийыште театр сымыктышым вияҥдымашке надырлан да шуко ияш лектышан пашажлан II степенян «Марий Эл ончылно суаплан» орден дене суапландаралтын[9].
Тӱҥ роль-влак
Э. С. Лисицынан тӱҥ роль-влак списке[4][6]:
- «Айболит» — Корудо попугай
- «Ай да Мыцык» — Мыцык коляиге
- «Брат мой Каплик» ― Каплик
- «Гусёнок» ― Гусёнок
- «Дикие лебеди» ― Элиза, Фея
- «Золотой ключик» ― Буратино
- «Золотой цыплёнок» ― Рывыж
- «Золушка» ― Жавотта
- «Как Артёмка мир спасал» ― Зорглаз
- «Колобок» ― Кова, Чыве, Рывыж
- «Кутко сÿан» («Муравьиная свадьба») ― Оръеҥ
- «Машенька и медведь» ― Машенька
- «Морозко» ― Дашенька, Рывыж
- «Озорница метелица» ― Кож, Пызле
- «Приключения поросенка Фунтика» ― Бамбино маймыл
- «Про волка, козу и козлят» ― Беня каза пача
- «Снежная королева» ― Корак, Атаман, Юзо
- «Теремок» ― Коля
- «Тили-бом» ― чыла герой
- «Три поросенка» ― Ниф-Ниф
- «Щелкунчик» ― Ава, Пискун
- «Йÿд орол» («Ночной караул») ― Одарня, Ава, Йÿд орол, вокал
- «Прозоровы. Эпитафия» ― Ольга
Суаптар ден чаплӱм-влак
- II степенян «Марий Эл ончылно суаплан» орден (2022)[9];
- «Марий Эл ончылно суаплан» орденын медальже (2017)[8];
- Йыван Кырла лӱмеш калыкле театр премийын лауреатше (2005, 2009, 2015)[3][4];
- «Йошкар-Ола театральная» фестивальын директор премийже (2016)[4][5];
- Марий Эл Республикын Тӱвыра, печать да калык-влакын пашашт шотышто министерствын Чаптаныкше (2001, 2007)[4];
- Марий Эл Республикын калык артисткыже (2009)[3][4];
- Марий Эл Республикын сулло артисткыже (2002)[3][4].
Палемдымаш
- ↑ Куженерский район, Республика Марий Эл, Сайт газеты Заря, Народная. Заслуженная. Наша. moyaokruga.ru. Тергыме кече: 1 шыжа 2025. Архивлыме 7 ӱярня 2022 ий.
- ↑ Известные деятели искусства Куженерского района 2020г презентация, доклад, проект (руш.). theslide.ru. Тергыме кече: 1 шыжа 2025. Архивлыме 7 ӱярня 2022 ий.
- ↑ 1 2 3 4 5 6 7 Лисицына Эльвира Семеновна – Театральные архивы России и русского зарубежья. theatre-museum.ru. Тергыме кече: 1 шыжа 2025. Архивлыме 7 ӱярня 2022 ий.
- ↑ 1 2 3 4 5 6 7 8 9 10 11 Эльвира Лисицына. teatrkukolmariel.ru. Тергыме кече: 1 шыжа 2025. Архивлыме 7 ӱярня 2022 ий.
- ↑ 1 2 3 Лисицына Эльвира Семеновна (руш.). Марийская история в лицах. Тергыме кече: 1 шыжа 2025. Архивлыме 7 ӱярня 2022 ий.
- ↑ 1 2 3 4 5 Артистка Республиканского театра кукол из Марий Эл Эльвира Лисицына: "Я бегу на работу как сумасшедшая!", <https://www.marpravda.ru/news/religiya/artistka-respublikanskogo-teatra-kukol-elvira-lisitsina-ya-begu-na-rabotu-kak-sumasshedshaya-/>. Тергыме: 1 шыжа 2025.
- ↑ Марийский сериал «Чоныштем илет». 1-ая и 2-ая серии (руш.). Новости Марий Эл - Новости Йошкар-Олы - ГТРК «Марий Эл». Тергыме кече: 1 шыжа 2025. Архивлыме 7 ӱярня 2022 ий.
- ↑ 1 2 Жительницы Марий Эл удостоены высоких государственных наград (руш.). МариМедиа. Тергыме кече: 1 шыжа 2025. Архивлыме 7 ӱярня 2022 ий.
- ↑ 1 2 Евстифеев подписал указ о награждении Эльвиры Лисицыной (руш.). Кидшер (24 ӱярня 2022). Тергыме кече: 1 шыжа 2025. Архивлыме 26 ӱярня 2022 ий.
Литератур
- Мочаев В. А. Лисицына Эльвира Семёновна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 255. — 606 с. — 1500 экз. — ISBN 978-5-905314-35-3.
- Лисицына Эльвира Семёновна // Энциклопедия театров Марий Эл: иллюстрированное научно-популярное издание. ― Йошкар-Ола, 2019. — С. 130. — ISBN 978-5-6043759-4-5.
- Козлова И. Артистка Республиканского театра кукол из Марий Эл Эльвира Лисицына: «Я бегу на работу как сумасшедшая!» // Марийская правда. — 2025. — 3 апреля.
Кылвер-влак
- Театральные музеи и архивы России и Русского Зарубежья. Лисицына Эльвира Семёновна.
- Марийская история в лицах. Лисицына Эльвира Семёновна.
- Республиканский театр кукол. Эльвира Лисицына.
- Общественно-политическая газета Куженерского района Республики Марий Эл «Заря». 11.11.2021. Эльвира Лисицына.
- Газета «Марийская правда». 03.04.2025. Козлова И. Артистка Республиканского театра кукол из Марий Эл Эльвира Лисицына: «Я бегу на работу как сумасшедшая!».