Пегашева, Анна Ивановна

Анна Ивановна Пегашева
Шочмо кече	1925 ий 21 сӱрем(1925-07-21)
Шочмо вер	Пагыш ял, Арти район, Кунгур округ, Урал областьыште, РСФСР, СССР
Колымо кече	2008 ий 6 шорыкйол(2008-01-06) (82 ий)
Колымо вер	Пагыш ял, Арти ола округ, Свердловск область, Россий
Гражданлык	СССР/ Россий
Награде да премий

Анна Ивановна Пегашева (21 июль 1925 ий, Пагыш ял, Арти вел, Кунгур округ, Урал область — 6 январь 2008 ий, туштак) — Социалистический Пашан Талешкыже (1971), Свердловск кундемысе Арти вел «Дружба» совхозышто кургым ончен куштышо тӱшкам вуйлатыше, Арти ола округын Чапланыше айдемыже.

Илыш корныжо

1925 ий 21 июльышто Кунгур вел Пагыш ялыште апшатын ешыштыже шочын, калыклык шот дене мари.

Шымияш школым 1941 ийыште тунем пытарен.

Паша илышыжым колхозысо йоча ясльыште нянькылан тӱҥалын. Вара счетоводын полышкалышыже лийын, идалык гыч артельын счетоводшо лийын. «Пеледыш» колхозын тӱрлӧ пашажым ыштен. 1961 ий апрельыште Свердлов лӱмеш совхозышто звеном вуйлаташ шогалын. 1961–1990 ийлаште пакчасаскам куштышо бригадын звеньевойжо лийын, вара Арти районысо Свердлов лӱмеш да «Келшымаш» совхоз-влакын пӧлкажым вуйлатен. Сакыр да кормалык ушменым кӱкшӧ лектыш дене ончен-куштышо звеном чумырен.

1963 ий гыч КПСС йыжъеҥ, Свердловск кундемысе Каҥашын депутатше.

2008 ий 6 январьыште шочмо селаштыже колен.

Суаптарже

Шке сеҥымашыжлан суапландаралтын:

• 1966 — Ленин орден;
• 08.04.1971 — Социалист Пашан Талешкыже, «Сорла да Чогыт» шӧртньӧ медаль, Ленин орден «кугу лектышлан (ик гектар гыч 600 центнер вожсаскам налмылан)»;
• 1973 — Октябрь Революций орден;
• 08.08.2002 «Арти район» МО районысо Каҥашын 134 №-ан пунчалже дене «Арти ола округын Чапланыше гражданинже» чаплӱм.

Палемдымаш

Литератур

• Колесников А. Ю., Бакетов В. Б. Пегашева Анна Ивановна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 332. — 606 с. — 1500 экз. — ISBN 978-5-905314-35-3.