Красильников, Яков Ионович

РУВИКИ — эрыкан энциклопедий гыч материал
Яков Ионович Красильников
Красильников, Яков Ионович.jpg
Шочмо кече 5 кылме 1922(1922-11-05)
Шочмо вер
Колымо кече 14 вӱдшор 2004(2004-04-14) (81 ий)
Колымо вер
Пурымаш Flag of the Russian Soviet Federative Socialist Republic (1918–1925).svg РСФСР (1917—1922) →  СССР →  Россий
Войскан родшо стрелок-влак войска
Службо жап 1941—1948
Званий
СССР ВС кугурак лейтенант
Командоватлен 3-шо Белорус фронтышто 39 армийын 94 стрелок-влак корпусшын 358 стрелок дивизийжын 1189 стрелок полкын миномёт рото дене
Кредалмаш/сар Кугу Ачамланде сар: Земландская наступательный операций, Эрвел Пруссий операций (1945)
совет-япон сар
Награде да премий

Я́ков Иóнович Краси́льников (5 кылме 1922, Великоречье[d], Шынчара кундем, Киров область, РСФСР[d], СССР — 14 вӱдшор 2004, Йошкар-Ола, Марий Эл Республик, Россий) — совет сарзыеҥ, партий да администраций пашаеҥ. Кугу Ачамланде да совет-япон сар жапыште — 3-шо Белорус фронтышто 39 армийын 94 стрелок-влак корпусшын 358 стрелок дивизийжын 1189 стрелок полкын миномёт ротын командирже, старший лейтенант. Кок гана Ачамланде сар орденын да Йошкар Шӱдыр орденын кавалерже. Маркниторгын директоржо (1982—1984). ВКП(б)-ын йыжыҥъеҥже.

Илыш корно

1922 ий 5 ноябрьыште кызытсе Киров область Шынчара районысо Великоречье селаште[1] кресаньык ешеш шочын[2][3]. Калык шот дене — руш[4].

1941 ий сентябрьыште Киров областьысе Шынчара район военкомат РККА-ш налын.

1941 ий сентябрь гыч 1942 ий март марте Львов пехото училищын  (руш.) (мар. (Киров ола) курсантше лийын, умбакыже фронтышто — Кокла Дон фронтысо 25-ше гвардий дивизий отделенийын командирже. 1942 ий августышто шола йол эрдыже сусырген, 1943 ий февраль марте Пенза ден Алтай крайысе госпитальлаште лийын. 1943 ий февраль гыч 1943 ий сентябрь марте — младший лейтенант-влак курсын курсантше (Новосибирск ола)[5].

1944 ий февраль гыч 3-шо Белорус фронтышто 39 армийын 94 стрелок-влак корпусын 358 стрелок дивизийжын 1189 стрелок полкын миномёт ротын командирже, старший лейтенант. 1944—1945 ийлаште Эрвел Пруссийыште, Земландский полуостровышто наступательный кредалмаште лийын.

Александр Невский орденын наградной листше гыч: «04.04.1945 ий… лейтенант Красильников шке ротыжын миномётшо гыч тушман ӱмбак пытарыше тулым почын, тушто шуко мине цельыш возын, … тушманын 3 огневой точкыжым строй гыч лукмо да расчётым пытарыме. Немыч-влакын мӧҥгеш кайымышт годым Красильников йолташ шке тулжо дене нуным авырен, тидлан кӧра тушман ятыр йомдарымашым чытен»"[4]. 1945 ийыште совет-япон сарын участникше лийын. Армий гыч 1948 ий июньышто демобилизоватлалтын. Ачамланде сар (кок гана), Йошкар Шӱдыр (кок гана), Александр Невский орден да медаль-влак дене суапландаралтын[2][6].

Сар деч вара, 1948—1949 ийлаште, Белорус ССР-ысе Молодечно оласе культмассовый паша да кадр шотышто артель правлений председательын алмаштышыжлан, 1949—1950 ийлаште Белорус ССР-ысе Молодечно оласе ола каҥаш пеленысе культпросвет паша пӧлкан вуйлатышыжлан пашам ыштен, 1950—1952 ийлаште — Молодечно оласе МГБ орган-влакын пашаеҥже[5]. Молодечно оласе самырык пашазе-влакын кыдалаш школыштым тунем пытарен[5].

1952 ийыште Марий АССР-ысе Йошкар-Олашке куснен: 1959 ий марте — ола каҥаш исполкомын секретарьже[7], книгагудо коллекторын директоржо, 1975 ий гыч — директорын алмаштышыже, 1982—1984 ийлаште — Маркниготоргын директоржо[2].

1957 ийыште Марий книга издательствыште «Урем комитет-влакын пашаштым организоватлымаш» («Организация работы уличных комитетов») книгаже савыкталт лектын[7].

2004 ий 14 апрельыште Йошкар-Олаште колен.

Суаптар-влак

Палемдымаш

  1. ↑ Великоречье | Родная Вятка (руш.). rodnaya-vyatka.ru. Тергыме кече: 10 пеледыш 2026.
  2. ↑ 1 2 3 Мочаев, 2017, с. 223.
  3. ↑ Победители (руш.). Победители. Тергыме кече: 10 пеледыш 2026.
  4. ↑ 1 2 3 Красильников Яков Ионович (руш.). Калининградский областной историко-художественный музей. Тергыме кече: 10 пеледыш 2026.
  5. ↑ 1 2 3 Красильников Яков Ионович (руш.). pamyat.mari-el.gov.ru. Тергыме кече: 10 пеледыш 2026.
  6. ↑ 1 2 3 4 Красильников Яков Ионович, 05.11.1922. Документы участника войны. (руш.). Память народа. Тергыме кече: 10 пеледыш 2026.
  7. ↑ 1 2 Красильников, Яков Ионович. - Организация работы уличных комитетов [Текст] / Я. И. Красильников, секретарь исполкома Йошкар-Олин. горсовета. - Йошкар-Ола : Маркнигоиздат, 1957. - 12 с.; 20 см. - (Б-чка советского работника). - Search RSL (руш.). search.rsl.ru. Тергыме кече: 10 пеледыш 2026.

Литератур

  • Мочаев В. А., Опарина Т. Т. Красильников Яков Ионович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 189. — 2032 экз. — ISBN 5-87898-357-0.
  • Мочаев В. А., Опарина Т. Т. Красильников Яков Ионович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 223. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Красильников,_Яков_Ионович&oldid=1235086" гыч налме