Кампеткын тӱнямбал кечыже
| Кампеткын тӱнямбал кечыже | |
|---|---|
 Дамаскысе пазарыште кампетке, Сирий | |
| Ыҥ | айдеме тӱвыраште кондитер сымыктышын кӱлешлыкшым палемдымаш, сай кумылым пӧлеклымаште кондитер да кочкыш йӧрвар пашаеҥ-влакын надырыштым пыштымым аклымаш |
| Палемдат | тамле кочкышым йӧратыше, кондитер, кондитер предприятий пашаеҥ, уло тӱня мучко йоча да кугыеҥ-влак |
| Кече | 18 шыжа |
| Пайремлымаш | у кампеткым тамлен ончымаш, кондитер фабрикыш экскурсий, тамле кочкышым ыштыме дене мастарлык класс, тунемме тӧнежлаште модыш программе, фестиваль-влак |
| Йӱла | кондитер предприятийласе у продукцийын презентацийже, кевытлаште коммерческий акций, викторине ден конкурслам эртарымаш, СМИ-ште кампетке нерген оҥай факт-влак дене палдарымаш |
| Кылдалтын |
США-ште кампеткын калыкле кечыж дене (4 ноябрь) Шоколад кампеткын тӱнямбал кечыж дене (28 декабрь) Шоколадын тӱнямбал кечыж дене (11 июль) |
Кампеткын тӱнямбал кечыже — кондитер предприятийым, кампеткын историйжым мокташ ӱжшӧ мер калыкын темлымашыже[1]. Эртарыме кече — 18 октябрь[2]. Ий еда эртаралтеш.
Кампеткын тӱнямбал кечыжым Интернетын руш йылман ужашыже гына пала.
Историй
Пайремым темлышылан Конфетын Тӱнямбал ассоциацийже шотлалтеш. Историйже 2009 ийыште тӱҥалын[3].
Ассоциацийын эн тамле, шере индустрий нерген каласкалаш веле огыл, улшо йодыш-влакымат каҥашымыже шуын.
Тыгай шонымашат уло: тиде кече американ Sweetest Day (Эн шере кече) дене кылдалтын, тудо октябрьын тӱрлӧ кечынже палемдалтеш. США-н пайремже шере кочкышым ыштен лукшо-влакын поро (благотворительность) пашам ышташлан шочын — нуно шке сатуштым тулык, нужна йоча-влаклан, шоҥгылык пӧртыш пуэденыт[4].
4 ноябрьыште США ден Великобританийыште Калыкле кампет кечым (англ. National Candy Day) пайремлат[5].
Мероприятий
Йӱлам шуктен, ты кечын планетын тӱрлӧ луклаштыже йӧратыме кочкышлан фестиваль, флешмоб, карнавал, тематике ончер, мастарлык класс пӧлеклалтыт. Пӧлек шотеш кампет мешакым кучыктат.
Российыште
Пайрем Российын тӱрлӧ лукыштыжо палемдалтеш. Йочасадыште «Кампетке пайрем» модыш да ушвийым тергыме программе-влак эртаралтыт[6][7].
Тыгай вашлиймаште йоча-влак йӧратыме кочкышыштын историйышт дене веле огыл палыме лийыт, шуко уым, оҥайым пален налын, «Конфетоносец», «Конфетым пӱтырал» модыш дене модыт.
Пайрем сценарийыште улыт модыш-влак, кушто йоча-влак конфетым фантик тӱс дене ойыркалат, прищепке полшымо дене кампеткым икте-весылан пуэдат, совла дене нумалыт, пластилин гын кампеткым ненчат.
Палемдымаш
- ↑ 18 октября - Всемирный день конфет. 35медиа (18 шыжа 2023). Тергыме кече: 18 шыжа 0123.
- ↑ Ирина Макеева. Всемирный день конфет празднуется 18 октября. Парламентская газета (18 шыжа 2023). Тергыме кече: 18 шыжа 2023.
- ↑ Екатерина Иванова. 18 октября сладкоежки отмечают самый вкусный праздник – Всемирный день конфет. Сетевое издание «Учительская газета» (18 шыжа 2023). Тергыме кече: 18 шыжа 2023.
- ↑ Всемирный день конфет, День женского счастья, День Харитины: Праздники и приметы 18 октября (18 шыжа 2023). Тергыме кече: 18 шыжа 2023.
- ↑ NATIONAL CANDY DAY - November 4. National Day (12 пеледыш 2014). Тергыме кече: 18 шыжа 2023.
- ↑ Наталья Зайцева. В Большой Екатериновке в День конфет устроили праздник малышне (18 шыжа 2022). Тергыме кече: 18 шыжа 2023.
- ↑ Всемирный день конфет отметили в Биробиджане. РИА Биробиджан (23 шыжа 2021). Тергыме кече: 18 шыжа 2023.