Дёмин, Павел Вадимович
| Павел Вадимович Дёмин | |
|---|---|
 | |
|
| |
| 05.03.2025 — кызытсе жап марте | |
| Регионым вуйлатыше | Юрий Викторович Зайцев |
|
|
|
| Шочын |
13 кылме 1964 (61 ий) |
| Шинчымаш | |
| Награде | |
.jpg){kind=small}
Павел Вадимович Дёмин (шоч. 13 кылме 1964, Волжск, Марий Автоном Совет Социализм Республик) — россий кугыжаныш пашаеҥ. 2025 ий 5 ӱярня гыч — «Волжск ола» ола округ администрацийым вуйлатыше[1].
Илыш корныжо
1964 ий 13 кылмыште Марий АССР Волжск олаште шочын[2].
1983 ий гыч 1985 ий марте Совет Ушемысе Саргуралан Вий радамыште служиен. Службо деч вара 4-ше №-ан тулваштареш частьын профушемыштыже профилактике паша шотышто инструкторлан пашам ыштен[3].
1986—2013 ийлаште Россий Федерацийын Элгӧргӧ паша министерствын «Волжский» муниципал кокласе пӧлкаштыже (МО МВД России «Волжский») служиен. Полицийын подполковникше званий дене пенсийыш лектын[3].
2013—2015 ийлаште — Российысе Федерал миграций службын Марий Эл Республикысе виктарымашын Волжск оласе пӧлкажым вуйлатен[3].
2015—2017 ийлаште — «Тайна-Сервис-Волжск» ООО ОА директорын алмаштышыже. 2017—2018 ийлаште «РТ-Охрана» АО ведомство охраныште, «Серго лӱмеш завод» АО ПО-ын кугыжаныш тайным аралыме пӧлкаште, Волжск оласе да Волжск вел суд пристав-влакын пӧлкаштышт пашам ыштен[3].
2019 ийыште Волжск муниципал администрацийын Иктеш улшо диспетчер службыштыжо пашам ыштен. 2019—2020 ийлаште — Волжск муниципал велын Нурсола ял шотан илем администрацийын вуйлатышыже[3].
2020—2025 ийлаште — Марий Эл Республикысе Звенигово муниципал вел Красногорск ола администрацийын вуйлатышыже[3].
«Волжск ола» ола округын депутат-влак погынын 6-шо черетан сессийыштыже «Волжск ола» ола округ администрацийын вуйлатышыжлан сайлалтын[1].
Еш
- Ешан, эргыже уло[3].
Суаптар-влак
- «Марий Эл ончылно суапшылан» орденын медальже;
- «Службышто ойыртемалтмылан» медаль;
- «Сарзе патырлыклан» медаль;
- «Кавказыште контртеррорист операцийым шуктышылан» медаль;
- «Права шотым пеҥгыдемдымылан» медаль;
- Марий Эл Республикын элгӧргӧ политике, верысе шкевуйлатымым вияҥдыме да юстиций министерствын Чап грамотыжо — верысе шкевуйлатымым вияҥдымашке кугу надырлан[3].
Палемдымаш
- ↑ 1 2 В Волжске назначили нового мэра (руш.). МариМедиа. Тергыме кече: 8 идым 2025.
- ↑ 60-летний Павел Дёмин назначен Главой администрации города Волжска. Важные новости дня. Марий Эл. Йошкар-Ола. Тергыме кече: 8 идым 2025.
- ↑ 1 2 3 4 5 6 7 8 Администрация городского округа Город Волжск. Администрация городского округа Город Волжск - Структура (руш.). gorodvolzhsk.ru. Тергыме кече: 8 идым 2025.