Дробан, Терентий Михайлович

Терентий Михайлович Дробан
Шочмо кече	5 теле 1907(1907-12-05)
Шочмо вер	Залиман[d], Балаклея волость[d], Змиев уезд[d], Харьков губерний[d], Россий империй
Колымо кече	11 шыжа 1990(1990-10-11) (82 ий)
Колымо вер	Обнинск, Калужский область, РСФСР, СССР
Пурымаш	Россий империй →  СССР
Войскан родшо	танк войска
Службо жап	1929—1947
Званий
Командоватлен	Касвел да 3-шо Белорус фронтласе 120-шо посна танк бригадын политпӧлкаже
Кредалмаш/сар	Кугу Ачамланде сар: Кёнигсбергым штурмоватлымаш
Награде да премий

Терéнтий Михáйлович Дрóбан (5 теле 1907, Залиман^[d], Балаклея волость^[d], Змиев уезд^[d], Харьков губерний^[d], Россий империй — 11 шыжа 1990, Обнинск, Калужский область, РСФСР, СССР) — совет сарзе, партий да администраций пашаеҥ. Кугу Ачамланде сар жапыште — батальон комиссар, Касвел да 3-шо Белорус фронтласе 120-шо посна танк бригадын политпӧлкан начальникше, гвардий подполковник. Марий АССР-ысе КПСС Звенигово райкомын икымше секретарьже (1953—1959), Куштылго да кочкыш йӧнозанлык виктемын (1959—1963) да МАССР-ысе шӧр йӧнозанлык виктемын (1963—1966) начальникше. ВКП(б)-ын йыжыҥъеҥже.

Илыш корныжо

1907 ий 5 декабрьыште Украинын Харьков областьысе Балаклея район Залиман ялыште шочын.

1928 ий гыч Украин мландыште комсомол, озанлык да партий пашаште лийын.

1929 ий сентябрь тылзе гыч РККА-ште служитлен. Кугу Ачамланде сарын салтакше: 1942 ийыште Бронетанк войска академий пелен курсым тунем пытарен, батальон комиссар, Касвел да 3-шо Белорус фронтласе 120-шо посна танк бригадын политпӧлкан вуйлатышыже, гвардий подполковник. 1947 ий апрельыште сар службым мучашлен. Йошкар Тисте орден (кок гана), I степенян Ачамланде сар (кок гана) да II степенян Ачамланде сар, Йошкар Шӱдыр орден да медаль-влак дене суапландаралтын.

1952 ийыште, службым кодыде, КПСС ЦК пелен Кӱшыл партий школым тунем пытарен. 1953 ийыште Марий АССР-ыш толын: 1953—1959 ийлаште — КПСС Звенигово райкомын икымше секретарьже, 1959—1963 ийлаште — Куштылго да кочкыш йӧнозанлык виктемын начальникше, 1963—1966 ийлаште — МАССР-ысе шӧр йӧнозанлык виктемын начальникше. Кум гана Марий АССР Кӱшыл Каҥаш Президиумын Чаптаныкше дене суапландаралтын.

1959—1963 ийлаште Марий АССР Кӱшыл Каҥашын IV созывысе депутатшылан сайлалтын.

1990 ий 11 октябрьыште Калуга кундемысе Обнинск олаште колен.

Суаптар-влак

• Йошкар Тисте орден (1944 ий 25 июль, 1945 ий 2 март);
• I степенян Ачамланде сар орден (1943 ий 29 сентябрь, 1945 ий 14 июль);
• II степенян Ачамланде сар орден (1985 ий 6 апрель);
• Йошкар Шӱдыр орден (1942 ий 31 декабрь);
• «1941—1945 ийласе Кугу Ачамланде сарыште Германийым сеҥымылан» медаль (1945 ий 9 май);
• «Кёнигсбергым налмылан» медаль (1945 ий 9 июнь);
• «Чапле пашалан. Владимир Ильич Ленинын шочмыжлан 100 ий темме лӱмеш» лӱмгече медаль;
• Марий АССР Кӱшыл Каҥаш Президиумын Чаптаныкше (кок гана, 1957, 1967).

Палемдымаш

Литератур

• Дробан Терентий Михайлович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 112. — 2032 экз. — ISBN 5-87898-357-0.
• Мочаев В. А. Дробан Терентий Михайлович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 129. — 606 с. — 1500 экз. — ISBN 978-5-905314-35-3.