Православий историй тоштер (Йошкар-Ола)

РУВИКИ — эрыкан энциклопедий гыч материал
Православий эртымгорно тоштер
Йошкар-Оласе Православий историй тоштер
Йошкар-Оласе Православий историй тоштер
Негызлалтын 2016 ий 4 кылме
Адрес  Россий: Йошкар-Ола, Воскресенский эҥерӱмбал, 12-шо пӧрт
Директор Ирина Геннадьевна Якаева
Сайт fumus.ru

Православий эртымгорно тоштер (руш. Музей истории православия) — тиде Марий Эл Республикын рӱдолаштыже — Йошкар-Олаште — верланыше эртымгорно тоштер. Марий Эл Республикыште икымше да тачысе кечылан ик эн тыгай сынан тоштер. Марий Эл Республикысе Тимофей Евсеев лӱмеш калыкле тоштерын структур подразделенийжылан шотлалтеш.

Негызлыме эртымгорно

Тоштерым 2016 ий 4 ноябрьыште, Калыкын икоян улмо кечын да Марий Эл Республик кечын, пайремлын почмо. Тоштерым почмаш тыгак Эн Шнуй Юмынаван Озаҥ юмоҥажын кечыжлан келыштаралтын. Театр сынан ончыктымаш, черке хорын концертше лийын. Тоштерым почмаште, моло почётан уна-влак деч посна, Марий Эл Республикым Вуйлатыше Л. И. Маркелов да Йошкар-Оласе да Марий кундемысе архиепископ Иоанн лийыныт[1][2][3][4][5].

Марий Эл Республикым Вуйлатыше Л. И. Маркелов:

«Тиде кечын ме йӱла почеш олалан да республиклан кӱлешан объект-влакым пӧлеклена, да тиде сай йӱлам шуяш тӱҥалына. Таче православий эртымгорно тоштерым почмаш, тудым кужу жап Владыка Иоанн да Марий Элысе пӱтынь православный ушем вучен»[1].

Йошкар-Оласе да Марий кундемысе архиепископ Иоанн:

«Таче мемнан Марий Кундемналан посна кече — Православий эртымгорно тоштерын омсаже почылтын. Курымла вошт православий чыла калыкым ушен шоген. Тоштер мыланна чылаланна айдеме чон гыч кораҥдыме мемнан эртымгорнын палыдыме лаштыклажым почеш»[1].

Тоштер экспозицийын негызшылан Т. Евсеев лӱмеш калыкле тоштерын фондшо гыч арвер-влак лийыныт. Икмыняр документ ден книгам Йошкар-Оласе епархий пуэн[1][2].

Оралте

Йошкар-Олан Царьградысе площадьыштыже верланен (Тройчын храм шеҥгелне Изи Какшан эҥер серыште). Тоштер оралте ончылно славян алфавитым ыштыше-влаклан — апостол дене тӧр улшо шнуй-влак Кирилл ден Мефодийлан  (руш.) (мар. — чапкӱ верланен. Ик пачашан, икмыняр залыште эре улшо экспозиций-влак да жаплан погымо ончер-влак верланеныт, конференц-зал уло[1][3][5].

Тӱҥ экспозиций ден ончер-влак

  • «Марий Эл Республикын храмже да шнуй верже-влак: шонымашан эртымгорно» (2016). Марий мландыште православный веран шочмо, вияҥме йыжыҥлажым да таче могай улмыжым ончыкта[1][3][5].
  • «Тӱкнымаш» (2018). Йошкар-Оласе да Марий кундемысе епархийым негызлымылан 25 ий теммылан пӧлеклалтын[1][3][4].
  • «Ӱшан корно дене» (2022). Тоштерын Изи Какшан эҥер серышке ончышо тӱжвал пырдыжлаштыже верланен[6].

Пашам ыштымаш

Тоштерын пашаже тӱрлӧ могыран: тыште тематике ончер-влак почылтыт[7][8], конференций, тӱрлӧ ийготан толшо-влаклан тоштер-туныктыш программе-влак[9] да молат эртаралтыт. Православный теме дене йоча-влаклан конкурс-влакым эртарымаш оҥай опыт улеш[10]. Тоштер пашаеҥ-влакын православий корныш виктаралтше экспедиций пашам ыштыме опытышт уло[11].

«Ӱшан корно дене» проект кӱлешан проект лийын, тудо Росмолодёжь  (руш.) (мар. могырым грант полышым налын, тушко эше Марий Эл Республикысе Курыкмарий районыш экспедицийым эртарымаш да мучашлыше фотоончерым ыштымаш пурат[6][11][12][13][14][15].

Тоштер Марий Эл Республикыште юмылан кумалше-влакым вашлийше рӱдер семын палыме[16][17]. 2018 ийыште тыште экскурсийлык бюро — Йошкар-Оласе да Марий кундемысе епархийын «Елеон» Юмылан кумалше-влакын экскурсийлык службыжын представительствыже — почылтын[18].

Палемдымаш

  1. ↑ 1 2 3 4 5 6 7 ОТКРЫЛСЯ МУЗЕЙ ИСТОРИИ ПРАВОСЛАВИЯ. mari-el.gov.ru. Тергыме кече: 1 ага 2023. Архивлыме 1 ага 2023 ий.
  2. ↑ 1 2 В Йошкар-Оле открылся Музей истории православия (неопр.). Новости Марий Эл - Новости Йошкар-Олы - ГТРК «Марий Эл». Тергыме кече: 1 ага 2023. Архивлыме 12 кылме 2016 ий.
  3. ↑ 1 2 3 4 В республике открылся музей истории православия (руш.). Единая Россия. Тергыме кече: 1 ага 2023. Архивлыме 1 ага 2023 ий.
  4. ↑ 1 2 В Йошкар-Оле открылся Музей истории православия (руш.). Свежие новости Марий Эл и Йошкар-Олы – Ваш новый день. Тергыме кече: 1 ага 2023. Архивлыме 1 ага 2023 ий.
  5. ↑ 1 2 3 В Йошкар-Оле прошла торжественная церемония открытия православного музея (руш.). Про Город Йошкар-Ола. Тергыме кече: 1 ага 2023. Архивлыме 1 ага 2023 ий.
  6. ↑ 1 2 Православные новости. www.prav-news.ru. Тергыме кече: 1 ага 2023. Архивлыме 1 ага 2023 ий.
  7. ↑ В Музее истории Православия в Йошкар-Оле открылась уникальная выставка русского женского костюма. news.myseldon.com. Тергыме кече: 1 ага 2023. Архивлыме 1 ага 2023 ий.
  8. ↑ Выставка традиционного русского костюма открылась в Йошкар-Оле — Министерство культуры, печати и по делам национальностей Республики Марий Эл (неопр.). Тергыме кече: 1 ага 2023. Архивлыме 1 ага 2023 ий.
  9. ↑ Музей истории Православия приглашает на «живые уроки» | ГАЗЕТА НАШЕГО ГОРОДА (неопр.) (5 кылме 2018). Тергыме кече: 1 ага 2023. Архивлыме 20 сорла 2022 ий.
  10. ↑ Годовщина открытия Музея истории Православия г. Йошкар-Олы | Новости митрополии. Марийская митрополия. Тергыме кече: 1 ага 2023. Архивлыме 1 ага 2023 ий.
  11. ↑ 1 2 Проект «Дорогами веры». visitmariel.ru. Тергыме кече: 1 ага 2023. Архивлыме 1 ага 2023 ий.
  12. ↑ Фотовыставка «Дорогами веры» в Музее истории православия. museum.ru. Тергыме кече: 1 ага 2023. Архивлыме 1 ага 2023 ий.
  13. ↑ В Йошкар-Оле 5 марта откроется выставка под открытым небом "Дорогами веры". www.marpravda.ru. Тергыме кече: 1 ага 2023. Архивлыме 1 ага 2023 ий.
  14. ↑ В музее истории Православия Марий Эл открылась выставка «Дорогами веры» (руш.). МЭТР - Марий Эл Телерадио. Тергыме кече: 1 ага 2023. Архивлыме 1 ага 2023 ий.
  15. ↑ История и культура: Фотовыставка «Дорогами веры» представлена в Йошкар-Оле под открытым небом (руш.). Президентская библиотека имени Б.Н. Ельцина. Тергыме кече: 1 ага 2023. Архивлыме 1 ага 2023 ий.
  16. ↑ Музей Православия в Йошкар-Оле. chemodan-tour.ru. Тергыме кече: 1 ага 2023.
  17. ↑ В Йошкар-Оле появился музей истории православия (неопр.) (7 кылме 2016). Тергыме кече: 1 ага 2023. Архивлыме 1 ага 2023 ий.
  18. ↑ В Музее истории Православия открылось экскурсионное бюро | Новости митрополии. Марийская митрополия. Тергыме кече: 1 ага 2023. Архивлыме 1 ага 2023 ий.

Литератур

  • Музейный мир Республики Марий Эл: иллюстрированное научно-популярное издание / ГБУК «Национальный музей Республики Марий Эл им. Т. Евсеева». — Йошкар-Ола: [Б; и], 2019. — 220 с.
  • Марийская земля — очарование России. Презентационный альбом с интерактивным приложением / ГБУК «Национальный музей Республики Марий Эл им. Т. Евсеева». — Йошкар-Ола: [Б; и], 2019. — 124 с.: ил.
  • Каплунова С. К. Обзор форм научно-просветительской работы с молодёжной аудиторией на примере деятельности отдела «Музей истории Православия» // Музейный вестник: ежегодный сборник. Вып. № 15 / ГБУК «Национальный музей РМЭ им. Т. Евсеева»; науч. ред. Д. Ю. Ефремова. — Йошкар-Ола, 2021. — С. 160—165.

Кылвер-влак

"https://mhr.ruwiki.ru/w/index.php?title=Православий_историй_тоштер_(Йошкар-Ола)&oldid=1232554" гыч налме