В. П. Мосолов лӱмеш краеведений тоштер

РУВИКИ — эрыкан энциклопедий гыч материал
Gerb-icon.png

РФ-ын тӱвыра министерствыже

Arrow-Right.png
Gerb-big.png
Россий Федерацийын тӱвыра министерствыже
В. П. Мосолов лӱмеш краеведений тоштер
Краеведческий музей имени В.П. Мосолова.png
Негызлалтын 1969
Верланымаш

 Марий Эл

 Россий
Адрес 425500, Марий Эл Республик, Марий Турек посёлко, Комсомольский урем, 14-ше №-ан пӧрт
Директор Мухаметханова Раиля Карамовна
Сайт mt-myzej.mari-el.muzkult.ru

Василий Петрович Мосолов краеведений тоштер (кӱчыкын — МБТУ «В. П. Мосолов лӱмеш краеведений тоштер») (руш. Краеведческий музей им. В. П. Мосолова) — Марий Эл Республикысе муниципал оксавиктышан тӱвыра тӧнеж. Марий Эл Республикыште, Марий Турек районышто, Марий Турек посёлкышто, Комсомольский урем, 14-ше №-ан пӧртыштӧ верланен[1].

Тоштерым 1969 ийыште негызлыме[2].

Историй

1969 ийыште историй урокым туныктышо, Марий АССР-ысе Марий Турек кыдалаш школын директоржо, Павлов Филимон Павловичын темлымыж почеш Марий Турек школышто школ тоштерым почыныт. Марий АССР-ысе Марий Турек вел пашазе депутат каҥаш исполкомын 1969 ий 24 февральысе 78 №-ан пунчалже дене тоштерым почмо[3].

1980 ийыште Марий АССР министр-влак Каҥашын 1980 ий 4 июльысо 538-р №-ан кӱштыкшӧ дене тоштерлан икымше марий академик В. П. Мосоловын лӱмжым пуымо, вараже тоштерлан республикысе краеведений тоштерын филиалже статусым пуымо[3].

Тӱвыра тӧнежын кумдыкшо 371 кв. метр[4].

В. П. Мосолов лӱмеш краеведений тоштер «Марий Турек муниципал район» муниципал образований администрацийын 2010 ий 20 декабрьысе 904 №-ан пунчалже негызеш муниципал оксавиктышан тӱвыра тӧнеж лийын[5].

Ий еда тоштерыш 10 000 утла еҥ толеш[2].

Тоштерыш ты кундемын этнографийже, калыкын сар да паша чапше нерген материалым погеныт да аралат[6].

Тоштер шке тӱҥ сомылжылан, шочмо вер-шӧрым шымлен, историй да тӱвыра поянлыкшым саклен, верысе калыкын патриотизм шижмашыжым, айдемылыкшым, мер чолгалыкшым вияҥдыме, тӱвырам кӱкшын аралыме пашам шотла[6].

Тоштерын тӧнежлышыжлан  (руш.) (мар. Марий Эл Республикын Марий Турек муниципал район администрацийын тӱвыра, физкультур да спорт пӧлкаже шотлалтеш[7].

Тоштерын директоржо Мухаметханова Раиля Карамовна улеш[7].

Экспозиций

Тоштерыште икмыняр зал уло: этнографий, историй, экспозиций-ончер, тыгак В. П. Мосолов лӱмеш краеведений тоштерыште сӱрет галерей уло[4].

Тоштерыште тыгай экспозиций-влак ончыкталтыт:

  • «Мемнан районын кугешнымашыже» зал, тушто кундемым вияҥдымашке да тӱзатымашке кугу надырым пыштыше еҥ-влак нерген матералым чумырымо;
  • Кугу Ачамланде сар нерген «Сарзе чап» зал;
  • «Нуно Моском араленыт» зал[3];
  • этнографий залыште Марий Турек велне илыше калыкын — марий, татар, руш, одо-влакын — сурткӧргӧ арверышт, семӱзгарышт, калык вургемышт ончыкталтеш, нуно посна калыкын акрет курымла гыч толшо шкешотан моторылыкшым, тӱвыражым ончыктат[8].

Коллекций-влак

Пого поянлыкыште 4 500 утла аралыме арвер уло. Эн шергаканлан археологий да этнографий погын экспонатше-влак шотлалтыт. Тиде калык вургем да йӱла арвер-влак, шуэн вашлиялтше окса да акрет саргурал, тошто документ ден фото-влак. Пӱртӱс пӧлка вер-шӧрын кушкыл да янлык (флоро да фауно) поянлыкше дене палдара. Тыште гербарий да янлык чучыл-влак улыт[2].

Паша

Тоштерыште унагудо уло, тушто мероприятий-влак эртаралтыт: мастарлык-класс, тӱрлӧ клубын погынымашыже, шанчызе, серызе-влак дене вашлиймаш, тыгак усталык мастаргудо пашам ышта, лекций-влак лиедат[8].

Палемдымаш

  1. ↑ Контакты (руш.). © Краеведческий музей им. В. П. Мосолова..
  2. ↑ 1 2 3 Краеведческий музей им. В.П. Мосолова (руш.). Культура.РФ ©. Тергыме кече: 2 сӱрем 2025.
  3. ↑ 1 2 3 Павлов Филимон Павлович, 04.10.2011, <http://marihistory.ru/2011-01-01-19-53-52/1344-2011-10-04-03-11-59.html>. Тергыме: 6 шорыкйол 2025. 
  4. ↑ 1 2 Краеведческий музей им. В. П. Мосолова в республике Марий Эл (руш.). © guidebook.ru. Тергыме кече: 2 сӱрем 2025.
  5. ↑ Общая информация (руш.). © Краеведческий музей им. В. П. Мосолова. Тергыме кече: 2 сӱрем 2025.
  6. ↑ 1 2 Краеведческий музей им. В. П. Мосолова (руш.). © Краеведческий музей им. В. П. Мосолова. Тергыме кече: 2 сӱрем 2025.
  7. ↑ 1 2 Государственный каталог Музейного фонда Российской Федерации (руш.). © Госкаталог.РФ. Тергыме кече: 2 сӱрем 2025.
  8. ↑ 1 2 Краеведческий музей им. В.П. Мосолова (руш.). Министерство спорта и туризма Республики Марий Эл ©. Тергыме кече: 2 сӱрем 2025.

Кылвер-влак

"https://mhr.ruwiki.ru/w/index.php?title=В._П._Мосолов_лӱмеш_краеведений_тоштер&oldid=1208559" гыч налме