Башня (тӱвыра-ончер рӱдер)
| «Башня» тӱвыра-ончер рӱдер (Йошкар-Ола) | |
|---|---|
.jpg) | |
| Негызлалтын | 2018 ий 12 июньышто |
| Адрес |
 Россий: Йошкар-Ола, Республикысе да Шнуй Мария Ӱдырын площадьышт, 1 |
| Директор | Ирина Геннадьевна Якаева |
| Сайт | fumus.ru |
 |
|
 РУВИКИ.Медиаште медиафайл-влак | |
«Башня» тӱвыра-ончер рӱдер (Йошкар-Ола) — тиде Марий Эл Республикын рӱдолаштыже, Йошкар-Олаште, верланыше, тачысе (современный) сымыктышын тоштерже. Марий Эл Республикысе Т. Евсеев лӱмеш калыкле тоштер кышкарын ужашыже улеш.
Историй
Пайремлын 2018 ий 12 июньышто, Россий кечын, почыныт. Рӱдер шке пашажым «Марий Элыште илыше-влак» интерактив ончер дене тӱҥалын. Проектым Марий Эл Республикысе Т. Евсеев лӱмеш калыкле тоштер ямдылен. Тӧнежын икымше лӱмжӧ «Благовещенская башня» тӱвыра-ончер рӱдер лийын[1][2].
2021 ий 30 арельыште реэкспозиций деч вара лӱмжым «Башня» тӱвыра-ончер рӱдерлан вашталтыме. Уэмдыме рӱдерым почмаште Марий Эл Республикын тӱвыра, печать да калык-влакын пашашт шотышто министр К. А. Иванов мутым ойлен:
«Тиде республикысе тачысе сымыктышын да калык-влак кокласе тӱнямбал тыныслыкын верже, шке радамже дене вашталт вияҥше кумдык»[3].
2023 ий ноябрьыште экспозийцийым уэмдыме, у ончер кумдыкым чоҥымо да «Йӧратымаш да вашталтше курым-влак» фотоончерым почмо[4][5].
Оралте
Республик да Шнуй деч Шнуй Мария Ӱдырын площадьысе Благовещений башньын 3-шо пачашыштыже верланен — Йошкар-Оласе эҥерӱмбал комплексын тӱҥ башньыже, тудым 2007 ийыште чоҥымо, кӱкшытшӧ 55 метр[6][7].
Рӱдерыште кок ончер зал уло, тушто усталык шӱлышан самырык-влакын тӱрлӧ ончерышт да вашлиймашышт эртаралтыт. Фотоончерлан тыгак тошкалтыш кумдыкым устан кучылтыт.
Паша
Рӱдерым Марий Эл Республикын шкешотан кумдыкшо манаш лиеш, молан манаш гын, тудо тачысе самырык-влакын усталык пашаштым (репрезентаций) ончыкта да республикыште илыше калык-влакын йӱлаштым да тӱвыраштым самырык-влакын тыглай огыл ончалтышышт (креатив) гоч намиен шукташ тырша[1][2].
Рӱдерым ыштымаште самырык фотограф, сӱретче, скульптор, актёр, музыкант, режиссёр, дизайнер-влак тыршеныт, нуно шке усталыкыштым Йошкар-оласе калыклан, уна-влаклан ончыкташ шоненыт. Рӱдерын пашаже йӱлаш пурышо кумдык, стандарт, эсогыл чек гыч лектын: «Башньыште» СНГ эл-влак гычат сӱретче-шамычын пашашт улыт![1][2]
2020—2021 ийласе шарнаш кодшо проектлан «Шуко тӱвыран Марий Эл» проектым шотлыман, тудым кундемысе чыла вел (район) тоштер-влакын шке эртыкыштым да тӱвыраштым ончыкташ шонен ыштыме. 2021 ий апрельыште уэмдыме ончерым почмаште уна-влаклан сӱрет, фотографий, калык вургем ончер-влак темлалтыныт, тыгак «Олан тӱсшӧ» уремысе проект ончыкталтын[3].
2023 ий 2 майыште тӱвыра-ончер рӱдерыште «Жап уке» ончер почылтын. Шке визымше лӱмгече идалыкыште «Башня» чыла кумыланым жап философий нерген мутланымашке ушнаш ӱжын. Тыште пытартыш ийласе палыме автор-шамычын пашашт, тыгак проектлан лӱмын ыштыме паша-влак ончыкталтыныт: фотографий, живопись, графике дизайн да инсталляций-влак, нуно жап йодышым экзистенциализм йогынышто почын ончыктеныт[2][8].
Рӱдерыште ий еда сӱретсымыктыш гыч тӱҥалын фотоончер марте тӱрлӧ ончер пашам ышта[9]. Тыгак тыште усталык шӱлышан чолга ӱдыр-рвезе-влакын тӱрлӧ погынымашышт эрта: концерт, сылнымут кас, усталык ушем-влакын вашлиймашышт, слёт, кушкын толшо тукымлан экскурсий ден квест, семинар ден тренинг-влак да молат[1].
Палемдымаш
- ↑ 1 2 3 4 Культурно-выставочный центр «Башня» — Йошкар-Ола, пл. Республики Пресвятой Девы Марии, д 1. Подробная информация о музее: расписание, фото, адрес и т. д. на официальном сайте Культура.РФ (руш.). Культура.РФ. Тергыме кече: 17 пургыж 2024.
- ↑ 1 2 3 4 Национальный музей Республики Марий Эл имени Тимофея Евсеева. fumus.ru. Тергыме кече: 17 пургыж 2024.
- ↑ 1 2 В Йошкар-Оле открылся обновлённый культурно-выставочный центр — Министерство культуры, печати и по делам национальностей Республики Марий Эл (неопр.) (30 вӱдшор 2021). Тергыме кече: 17 пургыж 2024.
- ↑ Культурно-выставочный центр «Башня» в Йошкар-Оле закроется на пять дней. www.marpravda.ru. Тергыме кече: 17 пургыж 2024.
- ↑ В «Башне» Йошкар-Олы откроется фотовыставка «Любовь и эпохи перемен» - Лента новостей Марий Эл (руш.). mariel-news.net (13 кылме 2023). Тергыме кече: 17 пургыж 2024.
- ↑ Башня - Марий Эл (неопр.). Тергыме кече: 17 пургыж 2024.
- ↑ Благовещенская башня, культурно-выставочный центр, площадь Республики и Пресвятой Девы Марии, 1, Йошкар-Ола — 2ГИС (руш.). 2gis.ru. Тергыме кече: 17 пургыж 2024.
- ↑ Культурно-выставочный центр “Башня” приглашает поучаствовать в выставке “Времени нет” | ГАЗЕТА НАШЕГО ГОРОДА (неопр.) (24 пургыж 2023). Тергыме кече: 17 пургыж 2024.
- ↑ КВЦ «Башня» в Йошкар-Оле закрылся до 14 ноября (руш.). www.mk-mari.ru (9 кылме 2023). Тергыме кече: 17 пургыж 2024.
Литератур
- Музейный мир Республики Марий Эл: иллюстрированное научно-популярное издание / ГБУК «Национальный музей Республики Марий Эл им. Т. Евсеева». — Йошкар-Ола: [Б; и], 2019. — 220 с.
- Марийская земля — очарование России. Презентационный альбом с интерактивным приложением / ГБУК «Национальный музей Республики Марий Эл им. Т. Евсеева». — Йошкар-Ола: [Б; и], 2019. — 124 с.: ил.
