Краснов, Михаил Петрович

Михаил Петрович Краснов
Михаил Петрович Краснов
Тӱҥ увер
Тичмаш лӱм
Шочмо кече	1918 ий 2 кылме
Шочмо вер	Чарла
Колымо кече	1998 ий 10 сорла (79 ий)
Колымо вер	Санкт-Петербург
Эл	СССР
Профессий	флейтист
Семӱзгар	флейта
Жанр	классике сем
Коллектив	Ленинград филармонийын академ симфоний оркестрже
Награде

Михаил Петрович Краснов (2 кылме 1918, Чарла, Озаҥ губерний, РСФСР^[d] — 10 сорла 1998, Санкт-Петербург, Россий) — совет флейтист, РСФСР-ын сулло артистше (1972)^[1].

Илыш корныжо

1936 ийыште Михаил Краснов Йошкар-Оласе сем училищым тунем пытарен. 1937 ий гыч 1939 ий марте тудо Моско консерваторийыште Владимир Цыбин деч тунемын. 1939 ийыште Краснов Ленинградыш илаш куснен. 1947 ийыште тудо Ленинград филармонийын академ симфоний оркестрын солистше лийын. Ленинград филармонийыште пашам ыштымыж годымак, Ленинград консерваторийыште ондак кӱрылтшӧ тунеммашым умбакыже шуен, да 1949 ийыште Борис Тризнын классыштыже тунем пытарен. 1972 ийыште Михаил Красновлан РСФСР-ын сулло артистше (руш.) (мар. чаплӱмым пуымо.

Санкт-Петербургысо Смоленск православий шӱгарлаш тойымо.

Чап лӱм да награде-влак

«Ленинградым аралымылан» медаль (руш.) (мар.;
РСФСР-ын сулло артистше (1972)^[1];
II степенян Ачамланде сар орден (1985)^[1].

Палемдымаш

↑ ¹ ² ³ Марийская биографическая энциклопедия-2, 2017, с. 225.

Литератур

Болотин С. В. Энциклопедический биографический словарь музыкантов-исполнителей на духовых инструментах. — 2-е изд., доп. и перераб. — М.: Радуница, 1995. — С. 140. — 4000 экз. — ISBN 5-88123-007-8.
Мочаев В. А. Краснов Михаил Петрович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 225. — 606 с. — 1500 экз. — ISBN 978-5-905314-35-3.

[_5232b6ecd444d103-1] ¹ ² ³ Марийская биографическая энциклопедия-2, 2017, с. 225.

[1]