Золотухин, Роман Владимирович
| Золотухин Роман Владимирович | |
|---|---|
 | |
| Шочмо кече | 1978 ий 2 кылме (47 ий) |
| Шочмо вер |
|
| Гражданстве |
 Россий |
| Образований |
Россий Федераций Президент пеленысе Российысе калык озанлык да кугыжаныш службо академий |
| Паша сомыл | шанче-туныктымо |
| rzolotukhin.ru | |
Рома́н Влади́мирович Золоту́хин (шоч. 2 кылме 1978, Мончегорск[d], Мурманск область) — «Опора России» ОООМСП-ын Марий кундемысе пӧлкан председательже. «Быть Добру!» поро кумылым ончыктышо фондын вуйлатышыже[1]. Марий Эл Республикысе оролышо структур-влакын вуйлатышыштын Федерал координаций рӱдерын оролымаш да лӱдыкшыдымылык аланыште пашам пуышо-влакын Регионысо отраслевой ушем правленийын председательже[2]. «Гранит-Безопасность» компаний-влак тӱшкан генеральный директоржо. Россий Федерацийын президент кандидатше Владимир Путинын ӱшанъеҥже[3].
Илыш корныжо
Роман Золотухин 1978 ий 2 ноябрьыште Мончегорск олаште шочын. 1994 ий гыч ешыж дене Марий Эл Республикыште ила.
Шинчымаш
2000 ийыште «Юриспруденций» специальность дене Марий кугыжаныш университетым тунем лектын.
2019 ийыште Россий Федераций Президент пеленысе Российысе калык озанлык да кугыжаныш службо академийым «Кугыжаныш да муниципал виктарымаш дене специалист» специальность дене тунем лектын[1].
Паша корныжо
1998 ийыште «Муниципал правовой аралымаш институтын» Марий филиал вуйлатышыжлан шогалтыме.
1999—2000 ийлаште Россельхозакадемийын Марий ялозанлык НИИ-н юрисконсультшылан пашам ыштен.
2001 гыч 2003 ий марте Марий кугыжаныш университетыште «Виктарымаш да права» кафедрыште кугурак туныктышылан пашам ыштен.
2001 гыч 2004 ий марте Йошкар-Олан мэржын полышкалышыже да ойпуышыжо лийын.
2003 ийыште «Гранит-Безопасность» Компаний-влак тӱшкам негызлен, тудын генеральный директоржо улеш.
Паша корныжо мучко тӱрлӧ коммерческий да мер организацийыште вуйлатыше должностьлаште пашам ыштен да ышта.
Мер паша
1999 ийыште «Единство» Россий кӱкшытан мер-политик толкынын радамышкыже пурен, МЭР-ысе «Единство» ОПОД-ын сайлымаш деч ончычсо штаб вуйлатышын алмаштышыже лийын.
1999 гыч 2000 ий марте «Молодёжное Единство» Мер Организацийын Марий кундемысе пӧлкажым вуйлатен.
2000 ийыште РФ Президент постыш кандидат Владимир Путинын МЭР-ысе Сайлымаш деч ончычсо штаб вуйлатышын алмаштышыже лийын.
Марий Элысе чолга мер пашаеҥ да тӱрлӧ мер организацийын йыжыҥъеҥже улеш[2].
Политике паша
2004 гыч 2009 ий марте Йошкар-Оласе ола Погынын депутатше лийын.
Шке илыш
Роман Золотухин ешан, ныл йочаже уло[1]. Фридайвинг, сылнымут да историйлан кумылан.
Чаплӱм ден суаптар-влак
- 2000 ий — Владимир Владимирович Путинынын Штаб вуйлатышыже Медведев Дмитрий Анатольевичын Тауштымо серышыже
- 2001 ий — Йӱдвел Кавказыште РФ ВС-н федерал войска-влакын пырля ушымо тӱшкан командующийжын чапкагазше
- 2010 ий — Марий Эл Кугыжаныш Погынын чапкагазше
- 2013 ий — РФ МВД КС-ын «Ойыртемалтмылан» медальже
- 2015 ий — МЭР-ысе РФ МВД-ын «Полицийлан полшымылан» оҥпалыже
- 2018 ий, 2023 ий — РОС ФКЦ-ын «Частный охране и сыскной манме пашалан 25 да 30 ий» лӱмгече медальже-влак
- 2019 ий — «Россий МВД-ын кадр службыжлан 100 ий» медаль
- 2019 ий — «Росгвардийын Лицензионно-разрешительный службыжлан 50 ий» медаль
- 2019 ий — Россий МВД-ын «Правопорядкым пеҥгыдемдымаште надырлан» медальже
- 2020 ий — Россий Федерацийын Президентын Таумутшо
- 2022 ий — Пӱтынь Российысе Калык Фронтын Исполком вуйлатышыжын Тауштымо серышыже
- 2022 ий — «Единая Россия» партий председательын Таумутшо
- 2022 ий — «Росгвардийлан 5 ий» медаль
- 2023 ий — Запорожье областьын врио Губернаторжын Таумутшо
- 2023 ий — Марий Эл Вуйлатышын Тауштымо серышыже[1]
Палемдымаш
- ↑ 1 2 3 4 Золотухин Роман Владимирович (руш.). 2023.oprf.ru. Тергыме кече: 1 теле 2025.
- ↑ 1 2 Золотухин Роман Владимирович (руш.). nalog.gov.ru. Тергыме кече: 1 теле 2025.
- ↑ Сведения о доверенных лицах кандидата на должность Президента Российской Федерации (руш.). www.cikrf.ru. Тергыме кече: 1 теле 2025.