17 ага

←
→
Ага
← →Ага
	2026 ий

17 ага (17 май) — григориан кечышот почеш идалыкын 137-ше (кужемдыме ийлаште — 138-ше) кечыже. Идалык пытыме марте 228 кече кодеш.

Йошкар-Олаште ☀️ Кече 3 шагатат 32 минутлан лектеш, 20 шагатат 4 минутлан шинчеш. Кечын кужытшо 🕒 16 шагатат 32 минут.
🌑 У тылзе (0.43 тылзе кече).

Пайрем да шарныктарыше кече-влак

ООН — Электрокыл да информационный обществын тӱнямбал кечыже (руш. Всемирный день электросвязи и информационного общества).
— Артерий гипертоний дене кучедалме тӱнямбал кече (руш. Всемирный день борьбы с артериальной гипертонией).
— Вискин тӱнямбал кечыже (руш. Всемирный день виски) — ага тылзын 3-шо шуматкечын палемдалтеш.
Калмыкий — Калмык чайын кечыже (руш. День калмыцкого чая) — ага тылзын 3-шо шуматкечын палемдалтеш.
Оралтым леведшын кечыже (руш. День кровельщика).
Интернетын шочмо кечыже (руш. День рождения Интернета).
Пульмонологын кечыже (руш. День пульмонолога).
Жаритлыме пӱкш шӱмын пайремже (руш. Праздник жареной скорлупы).

Лӱмгече

Католик лӱм-влак: Вероника, Брунон, Мария.
Православий лӱм-влак: Климент (Климентий), Кирилл, Никита, Пелагея, Никифор, Флориан.

Событий-влак

Тугак ончо: Категорий:Ага тылзын 17 кечысе событий-влак

Шочыныт

Тугак ончо: Категорий:Ага тылзын 17 кечынже шочшо-влак

1937 — Геннадий Алексеевич Пчелов, Партий да озанлык пашаеҥ, Россий Федерацийысе ялозанлыкын сулло пашаеҥже. Паша корныжо Волжск, У Торъял, Шернур, Оршанке кундемласе комитетлаште да ял озанлык ушемлаште шуйнен. Лач тудын ойжо почеш агробизнес кадрым ямдылыше институтым почмо. Геннадий Алексеевич ты тунемме тӧнежым 9 ий вуйлатен. Тиде суапле пашажлан «Знак Почёта» орден дене палемдалтын.
1937 — Василий Михайлович Чернов, Козьмодемьянск олаште шочын-кушшо музыкант, МАССР-ысе сымыктышын сулло пашаеҥже. Тиде талантан айдеме ик гана веле огыл Юл кундемысе самырык баянист-влак коклаште эртаралтше конкурсышто сеҥышыш лектын. Тунем лекмек, Йошар-Оласе музык училищыште туныктышылан пашам ыштен, «Марий Эл» ансамбльыштат шуаралтын. Лач тудын вуйлатымыж почеш «Эхо» йоча ансамбль «Самоцветы России» фестивальыште лауреат лӱмым сеҥен налын.
1949 — Игорь Аркадьевич Кудрявцев, Олык Ипай лӱмеш премийын лауреатше, Марий Элын сулло изобретательже. Паша корныжо тӱрыснек Марий политехник институт дене кылдалтын. Тыште тыршыме жапыште 80 наре шанче пашам возен. Тӱҥ шотышто машина чоҥымо автоматизацийыште тӱрлӧ техникым шыҥдарен.
1949 — Олег Павлович Войнов, чоҥышо да муниципал пашаеҥ, Марий Элын сулло чоҥышыжо. Ончыч Йошкар-Оласе тӱрлӧ чоҥышо ушемыште, вара 15 №-ан СМУ–што пашам ыштен. Газоэлектросварщиклан тӱҥалын да тӱҥ вуйлатыше марте кушкын. 1998 ий гыч Йошкар-Оласе администрацийыште тыршен. 2005–2014 ийлаште тудын вуйлатышыже лийын. 2-шо степенян «За заслуги перед Марий Эл» орден дене палемдалтын.
1955 — Людмила Ивановна Барцева, марий йылмызе, туныктышо, шанчызе, филологий шанче кандидат (1990), Марий Эл Республикын сулло туныктыш пашаеҥже (2002). Йошкар-Оласе школлаште, тыгак В. М. Васильев лӱмеш Марий шанче-шымлыше институтышто тыршен. Умбакыже паша корныжо Марий кугыжаныш университет дене кылдалтын. Ятыр шанче пашан авторжо.
1962 — Людмила Михайловна Смирнова, Марий Эл Республикысе тӱвыран сулло пашаеҥже. Провой кундем Пӱнчылӱвал ялыште шочын. Паша корныжо Кужмарасе музык школ дене кылдалтын: тыште тудо вуйлатыше сомылым шуктен. Мер пашаштат кугу пагалымашым сулен: 7-ше марий погынын делегатше лийын. Суапле пашаже кӱкшын аклалтын: Олык Ипай лӱмеш премийын лауреатше.

Коленыт

Тугак ончо: Категорий:Ага тылзын 17 кечынже колышо-влак

1989 — Крестникова, София Владимировна — совет эмлызе-терапевт, эндокринолог, инфекционист. Марий АССР-ын Республикысе эмлымвержын инфекций, терапий, ӱдырамаш-влаклан пӧлкам вуйлатыше (1941―1962). РСФСР-ын сулло эмлызыже (1958). Ленин орденын кавалерже (1961).
1997 — Пётр Степанович Нечитайло, верысе кинофикацийын совет вуйлатышыже. Марий АССР-ысе кинофикаций шотышто Кугыжаныш комитет председатель (1977—1987). РСФСР тӱвыран сулло пашаеҥже (1980), Марий АССР тӱвыран сулло пашаеҥже (1969). Кугу Ачамланде сарын салтакше. 1945 ий гыч ВКП(б)-ын йыжыҥъеҥже.
1999 — Ефим Архипович Архипов, марий совет партий да комсомол пашаеҥ. Марий АССР ВКП(б)/КПСС райком-влакын икымше секретарьже: Йоласал (1946—1949), Параньга (1951—1953), Сотнур (1953—1956), Хлебниково (1956—1959). 1939 ий гыч ВКП(б) йыжъеҥ. Кугу Ачамланде сарын салтакше, майор.

Калык пале

Эрдене лупс уке гын, игече вашталтшаш.
Уржам ӱденат гын, шыдаҥым ит вучо. Могай пырчым ӱдет – тугайымак погет.
Ожно тиде кечын совлам ышташлан пушеҥгым руэныт.
Шӱшпык йӱдвошт мура – ояр кечылан.