Пульмонологын кечыже
| Пульмонологын кечыже | |
|---|---|
 | |
| Тӱрлылык | Тӱнямбал |
| Официал | World Pulmonologist Day |
| Вес семын | Пульмонологын тӱнямбал кечыже |
| Палемдат | ий еда |
| Кече | 17 ага |
| Пайремлымаш | лекций, семинар, ончер-влак |
Пульмонологын кечыже (англ. World Pulmonologist Day) — ий еда пульмунологий специалист-влаклан пӧлеклалтше пайрем.
Пульмонологын кечыжым 1997 ийыште пеҥгыдемдыме да пӱтынь тӱня мучко, тидын шотыштак Российыште ий еда 17 майыште палемдалтеш[1].
Профессий нерген
Пульмонолог шодын кӱлешлыкшым, анатомийжым да физиологийжым шымла. Шӱлыш орган-влакын черыштым эмла, диагностикым эртара, хирург полшымашым пуа да пациент-влакым черым сеҥымешке онча. Карьерыже медицине университетыш тунемаш пурымо гыч тӱҥалеш, умбакыже клинике практикыште шуйна[2].
Шодын черже кугу да кумдан шарлыше нергелан шотлалтеш, пульмонолог-эмлыше-влак бронхо астма, шодын мучашдыме (хронический) черан улмыжо да моло осалыш кайыше тазалыкан еҥлан полшат.
Историй
1997 ийыште социал илышыште кумда верым налын шогышо эмлыше-пульмонолог-влакын пашаштлан пӧлеклыме пайремым увертараш темлыме[3]. ООН-ышто шогышо кугыжаныш-влак ты темлымашым сайлан шотленыт. Тылеч вара пайрем шуко элыште эртаралташ тӱҥалын[4].
Пайремым шочыктымо тӱҥ амалжылан таза илыш йӱла нерген увершинчымашым шаркалымаш, медицине тергымашын ий еда кӱлешлыкшым умылтарымым шотлымо.
Мероприятий ден акций-влак
Пайрем вашлиймаште терапевт, пульмонолог, медицине лабораторий пашаеҥ, шанчызе, туныктышо, колледж да университетысе студент-влак ушнат.
Пульмунологын кечыж годым пашаште сеҥымашке шушо-влакым чап грамот да диплом дене суапландарат. Профессионал ушемлаште конференцийым, семинарым, квалификацийым нӧлталме курсым эртарат, у моштымаш нерген ваш каласкалат. Тунемме верлаште сотемдарыше урок-влак эртат. Телевидений ден радиостанций эфирыште пульмонолог-влак нерген, медицине аланыште у сеҥымаш нерген каласкалат. Эксперт-влак шодо тазалыкым аралыме шотышто ой-каҥашым пуат.
Пайремлан пӧлеклыме вашлиймашлаште тазалыкаралтыш паша эре шуктен шогымо нерген, шӱлаш неле годым писын полышым йодаш кӱлмӧ нерген шарныктат[5].
Тыгак ончо
- Инвалид-влакын правашт верч кучедалме тӱнямбалысе кече
- Диете ваштареш тӱнямбалысе кече
- Пневмоний дене кучедалме тӱнямбал кече
Палемдымаш
- ↑ Праздник пульмонологов. РКБ им. Н.А. Семашк (17 ага 2020).
- ↑ 17 мая – День пульмонолога. НИИ организации здравоохранения и медицинского менеджмента (17 ага 2022).
- ↑ День пульмонолога отмечается 17 мая. Государственное автономное учреждение здравоохранения Свердловской области (17 ага 2019).
- ↑ World Pulmonologist Day (англ.). Omsk State Medical University.
- ↑ 17 мая - День пульмунолога. Мурманская областная клиническая больница им. П. А. Баядина.