29 ага

←
→
Ага
← →Ага
	2026 ий

29 ага (29 май) — григориан кечышот почеш идалыкын 149-ше (кужемдыме ийлаште — 150-ше) кечыже. Идалык пытыме марте 216 кече кодеш.

Йошкар-Олаште ☀️ Кече 3 шагатат 12 минутлан лектеш, 20 шагатат 24 минутлан шинчеш. Кечын кужытшо 🕒 17 шагатат 11 минут.
🌔 Ешаралт толшо тылзе (12.43 тылзе кече).

Пайрем да шарныктарыше кече-влак

ООН — ООН миротворец-влакын кечышт руш. Международный день миротворцев ООН).
ООН — Таза кочкышым шулыктарымаш тӱнямбал кече (руш. Всемирный день здорового пищеварения).
Россий — Сарзе автомобилистын кечыже (руш. День военного автомобилиста) (2000).
Таможньо службо ветеран-влакын кечышт (руш. День ветеранов таможенной службы).
Пеле Гыч Шелмаш (руш. Преполовение).
Висвис дене мужедме кече (руш. День гадания на ромашках).
Кокла курым мучашлалтме кече (руш. День конца средневековья).

Лӱмгече

Православий лӱм-влак: Александр, Брандан, Георгий, Ефрем, Касьян, Лаврентий, Фёдор, Вит, Модест, Крискентия, Муза.

Событий-влак

Тугак ончо: Категорий:Ага тылзын 29 кечысе событий-влак

Шочыныт

Тугак ончо: Категорий:Ага тылзын 29 кечынже шочшо-влак

1923 — Леонид Никитич Злобин, совет инженер, Моско оласе «Стрела» (1968—1972) да «Алмаз» (1972—1989) конструктор бюро-влакын тӱҥ конструкторжын алмаштышыже. Кугу Ачамланде сарын салтакше (1942—1945), Москошто Сеҥымаш парадын участникше (1945).
1948 — Владимир Степанович Кузьминых, балет артист, Марий Эл Республикын Калык артистше. Йошкар-Олаште шочын. 1975-1988-ше ийлаште Марий кугыжаныш опер да балет театрын вӱдышӧ артистше лийын: Чайковскийын «Лебединое озеро» балетыште Принцын, Лупповын «Лесная легенда» балетыште Кереметын партий-влакым устан чоҥен. Тиде пашажлан тудо кугыжаныш премий дене палемдалтын.
1956 — Фаина Викторовна Эшмякова, Марий Элын сулло тӱвыра пашаеҥже шочын. Тиде талантан ӱдырамашын лӱмжӧ чылалан палыме: лач тудын вуйлатымыж почеш кӱслезе-влак ансамбль Россий кӱкшытыштӧ кугу чапым сулен. Тиде ансамбль Олык Ипай лӱмеш премийын лауреатше лӱмым нумалеш. 1990-ше ийыште Смоленск олаште эртаралтше «Голоса России» телерадиоконкурсышто Фаина Викторовна «Соловей» трио дене дипломант лӱмым сулен. «Марий кӱсле» книган авторжо.

Коленыт

Тугак ончо: Категорий:Ага тылзын 29 кечынже колышо-влак

1990 — Семён Вишневский, марий серызе, почеламутчо, СССР Серызе-влак ушемын йыжъеҥже (1951), Марий АССР-ын Калык почеламутчыжо (1969), Марий АССР-ысе С. Г. Чавайн лӱмеш Кугыжаныш премийын лауреатше (1983), I степенян Ачамланде сар, Калык-влакын Келшымашышт да Йошкар Шӱдыр орден-влакын кавалерже, 1941—1945 ийласе Кугу Ачамланде сарын участникше.
2008 — Вячеслав Абукаев-Эмгак, марий серызе, почеламутчо, прозаик, драматург, кусарыше, журналист, театр пашаеҥ, СССР Серызе-влак ушемын йыжъеҥже (1991), Олык Ипай лӱмеш Марий комсомол премийын лауреатше (1990), Пошкырт Элысе Яныш Ялкайн лӱмеш премийын лауреатше (1998), Марий Эл Республикысе тӱвыран сулло пашаеҥже (1999), Марий Эл Республикысе М. Шкетан лӱмеш Кугыжаныш премийын лауреатше (2007), Марий Эл Республикын Калык серызыже (2006).
2014 — Семён Николаев, марий серызе, почеламутчо, кусарыше, СССР Серызе-влак ушемын йыжъеҥже (1967), Олык Ипай лӱмеш Марий комсомол премийын лауреатше (1970), МССР-ысе С. Г. Чавайн лӱмеш Кугыжаныш премийын лауреатше (1991), Марий Эл Республикын Калык почеламутчыжо (1996).

Калык пале

29 май марте пӱялаште вӱдчачан (кувшинкын) лышташлаже лектын гын, тылеч вара кылмыктышаш огыл.
Сай ояр кечын шиште перкала — вашке йӱр толшаш.