1 ага

1 ага (1 май) — григориан кечышот почеш идалыкын 121-ше (кужемдыме ийлаште — 122-шо) кечыже. Идалык пытыме марте 244 кече кодеш.

Йошкар-Олаште ☀️ Кече 4 шагатат 4 минутлан лектеш, 19 шагатат 32 минутлан шинчеш. Кечын кужытшо 🕒 15 шагатат 27 минут.
🌒 Кушшо тылзе (3.33 тылзе кече).

Пайрем да шарныктарыше кече-влак

• — Икымше май (Шошо да Паша пайрем) (руш. Первое мая (День международной солидарности трудящихся, Праздник Весны и Труда).
•  Испаний — Майос пайрем (руш. Праздник Майос) (Festa dos Mayos).
•  Казахстан — Казахстан калык-влакын икоян улмо кече (руш. Праздник единства народа Казахстана).
•  Франций — Ландыш кече (руш. День ландыша).
• Почто маркын шочмо кечыже (руш. День рождения почтовой марки).
• Живан кече (руш. Живин день).
• Огородник Кузьман кечыже (руш. Кузьма Огородник).
• Глобал йӧратымашын кечыже (руш. День Глобальной Любви).
• Партизан садым ончышын тӱнямбал кечыже (руш. Международный день партизанского садоводства).
• Пуналтше йолын кечыже (руш. День заплетающихся ног).
• Шолыпмутын тӱнямбал кечыже (руш. Всемирный день пароля) — ага тылзын 1-ше изарнянже палемдалтеш.

Лӱмгече

• Католик лӱм-влак: Иосиф.
• Православий лӱм-влак: Антон, Василий, Виктор, Григорий, Ефим, Иван, Кузьма, Михаил.

Событий-влак

Тугак ончо: Категорий:Ага тылзын 1 кечысе событий-влак

• 1923 ий — Шернур кантоныш пурышо Пыламарий ялыште Марий автоном областьыште икымше радио ойлаш тӱҥалын.
• 1840 ий — Английыште почто марке-влакым лукташ тӱҥалыныт: нуно тӱнямбалне икымше лийыныт.
• 1918 ий — Ходын пасушто Йошкар Армийын икымше сарзе парадше лийын.
• 1944 ий — Моском аралымылан орденым пеҥгыдемдыме.

Шочыныт

Тугак ончо: Категорий:Ага тылзын 1 кечынже шочшо-влак

• 1940 ий — Юрий Галютин-Ялзак, марий серызе, почеламутчо, драматург, журналист, СССР Журналист-влак ушемын йыжъеҥже, СССР Серызе-влак ушемын йыжъеҥже (1990), Марий Эл Республикын Калык серызыже (2010), М.А. Кастрен Обществын премийжын лауреатше (2005).
• 1936 ий — Андрей Ефимович Егошин, партий да кугыжаныш вуйлатыше, Россий Федерацийысе ял озанлыкын сулло пашаеҥже. Шкеже тудо Шернур кундем Лопка-Памаш ял гыч. Ончыч Шернур районысо комитетын вуйлатышыжлан тыршаш тӱҥалын. Вара У Торъял да Марий Тӱрек кундемлаштат тыршен. Тудын суапле пашажлан - Марий Элысе ял озанлык нерген книгажым шотлаш лиеш.
• 1952 ий — Анатолий Васильевич Незнакин, семлызе, Россий Федерацийысе сымыктышын сулло пашаеҥже. У Торъялыште шочын. Тиде талантан айдеме – «Маски» балетын, «Вальс под кукушку» монооперын, кум симфонийын авторжо. 5 ий Марий Эл Республикысе семмастар-влак ушемын вуйлатышыже лийын.
• 1951 ий — Виталий Никифорович Шкалин, журналист, литератор да бизнесъеҥ, Марий Эл Республикын сулло журналистше, Россий Федерацийысе тӱвыран сулло пашаеҥже. 1988-ше ийыште тудо «Пачемыш» журналын тӱҥ редакторжылан пашам ышташ тӱҥалын. Лач тудын ойжо почеш 1995-ше ийыште Козьмодемьянск олаште «Бендериада» сатир да мыскара фестивальым эртарыме. Ятыр книган авторжо.

Коленыт

Тугак ончо: Категорий:Ага тылзын 1 кечынже колышо-влак

Калык пале

• Шокшо гын, тылзе мучаште йӱштӧ лийшаш, да мӧҥгешла.
• Кузьман кечыже. Тиде кечын куэрлаште куку шке йӱкшым пуа, маныныт. Тыгак ты кечын кешыр ден ушменым ӱденыт. Марий калык гын таче кечыла вӱргечым эртара.

Палемдымаш