26 ага

←
→
Ага
← →Ага
	2026 ий

26 ага (26 май) — григориан кечышот почеш идалыкын 146-шо (кужемдыме ийлаште — 147-ше) кечыже. Идалык пытыме марте 219 кече кодеш.

Йошкар-Олаште ☀️ Кече 3 шагатат 16 минутлан лектеш, 20 шагатат 19 минутлан шинчеш. Кечын кужытшо 🕒 17 шагатат 3 минут.
🌓 Икымше чырык (9.43 тылзе кече).

Пайрем да шарныктарыше кече-влак

Россий — Россий амалкалымаш кече (руш. День российского предпринимательства).
Россий — Химикын кечыже (руш. День химика) — майын пытартыш рушарнянже.
Алтайысе лум барсын кечыже (руш. День снежного барса на Алтае).
Краснодар кундемысе юристын кечыже (руш. День юриста Краснодарского края) — ага тылзын пытартыш рушарнян палемдалтеш.
Комарница Лукерья (руш. Лукерья Комарница).
Кугу тапнымашын пайремже (руш. Праздник большого напора).
Чарайолын коштмо кече (руш. День хождения босиком).
Имнешкын кечыже (руш. День конника).
Кагаз гыч ыштыме самолётын кечыже (руш. День бумажных самолётиков).

Лӱмгече

Католик лӱм-влак: Урсула.
Православий лӱм-влак: Александр, Василий, Георгий, Гликерия, Егор, Ефим, Ирина, Макар, Сергей, Юрий.

Событий-влак

Тугак ончо: Категорий:Ага тылзын 26 кечысе событий-влак

Шочыныт

Тугак ончо: Категорий:Ага тылзын 26 кечынже шочшо-влак

1943 — Александр Иванович Таныгин, Марий калыкын тӱҥ онаеҥже, Мер каҥашын йыжыҥъеҥже (2000), Марий Эл Республикысе тӱвыран сулло пашаеҥже (2018). «За заслуги перед перед Марий Эл» орден дене палемдалын.
1956 — Анатолий Анатольевич Смирнов, кугыжаныш пашаеҥ, Федераций Каҥашын йыжъеҥже, Марий Эл Республик Кугыжаныш Погынын Председательже (1994—1996 ийла). Экономике шанче доктор (2004), профессор (2005).
1967 — Александр Алексеевич Петров, поэт, драматург, Марий Элын сулло журналистше, Марий Элын калык писательже, Марий Эл кугыжаныш премийын лауреатше. «Кугарня» газетын тӱҥ редакторжылан ыштен. «Кронуш», «Пупкин ӱдырым налеш», «Ӱмыр пелаш» да моло пьесын, «Саликан пиалже» романын, «Пустаҥше ял» книган авторжо.
Павел Максимович Верхунов — Марий Эл Республикысе шанчын сулло пашаеҥже, Россий Федерацийын сулло чодыразыже. 1975-ше ий гыч тудо Марий кугыжаныш технологический университетысе чодыра таксаций да чодыра паша кафедрын пашаеҥже лийын: профессор марте кушкын. 400 наре шанче пашан, 40 моногорафийын авторжо.
Юрий Александрович Минаков — кугыжаныш пашаеҥ, Россий Федерацийын сулло чоҥышыжо. Йошкар-Олашке 1968-ше ийыште толын да тӱрлӧ чоҥышо ушемыште пашам ышта тӱҥалын. Марий Эл кугыжаныш Погынын почётан председательже. Шанче пашаштат шуаралтын: ятыр книган авторжо, Инвестиций да экономике чоҥымаш академийын академикше.
Анатолий Анатольевич Смирнов — кугыжаныш пашаеҥ да шанче-экономист. Ончыч комсомол, вара партий пашаште шуаралтын. 1994—1996-шо ийлаште кугыжаныш погынын вуйлатышыже лийын. Шанче корныжо Марий кугыжаныш университетыште шуйнен, тыште уста экономист профессор марте кушкын. Тӱҥ шотышто тудын пашаже-влак ялозанлык экономике йодышым рашемдаш полшат: тиде йодыш дене 100 наре шанче пашам, 5 монографийым возен.
Артём Витальевич Иркабаев — Марий самырык театрын актёржо.

Коленыт

Тугак ончо: Категорий:Ага тылзын 26 кечынже колышо-влак

1914 ий — Владимир Алексеевич Тихонов, руш серызе, драматург, актёр.

Калык пале

Вараксим-влак каваште чоҥештылыт — идалык пиалан лийшаш.