23 ага

←
→
Ага
← →Ага
	2026 ий

23 ага (23 май) — григориан кечышот почеш идалыкын 143-шо (кужемдыме ийлаште — 144-ше) кечыже. Идалык пытыме марте 222 кече кодеш.

Йошкар-Олаште ☀️ Кече 3 шагатат 21 минутлан лектеш, 20 шагатат 15 минутлан шинчеш. Кечын кужытшо 🕒 16 шагатат 53 минут.
🌓 Икымше чырык (6.43 тылзе кече).

Пайрем да шарныктарыше кече-влак

Черепахын тӱнямбал кечыже (руш. Всемирный день черепахи).
Спорт кучедалмашын тӱнямбал кечыже (руш. Всемирный день спортивной борьбы).
Каштан сортан кечыже (руш. День каштановых свечек).
Шӧрымӧ резинкым пуршо-влакын пайремышт (руш. Праздник жевальщиков стирательных резинок).

Лӱмгече

Православий лӱм-влак: Анисим (Онисим), Василий, Семён, Сидор, Таисия.

Событий-влак

Тугак ончо: Категорий:Ага тылзын 23 кечысе событий-влак

1909 ийыште Санкт-Петербург олаште Александр Третий кугыжалан чапкӱм почыныт.
1930 ийыште Ленин лӱмеш икымше орденым «Комсомольская правда» газетлан кучыктымо.
1949 ийыште ФРГ кугыжаныш ышталтын.

Шочыныт

Тугак ончо: Категорий:Ага тылзын 23 кечынже шочшо-влак

1911 — Эсай Чапай, марий серызе, журналист, кусарыше.
1920 — Семён Вишневский, марий серызе, поэт, СССР Серызе-влак ушемын йыжыҥъеҥже (1951), Марий АССР-ын Калык поэтше (1969), Марий АССР-ысе С.Г. Чавайн лӱмеш Кугыжаныш премийын лауреатше (1983), I степенян Ачамланде сар, Калык-влакын Келшымашышт да Йошкар Шӱдыр орден-влакын кавалерже, 1941–1945 ийласе Кугу Ачамланде сарын участникше.
1941 — Смирнова, Валентина Васильевна, икымше марий профессионал киноактриса. Юлсер кундем Сотнур селаште шочын. ГИТИС-ым тунем лекмек, Йошкар-Оласе, Тобольскысо, Сыктывкарысе театрлаште шуаралтын. 1979-ше ий гыч Ленинградысе киностудийыште таршыш тӱҥалын. Талантан актрисым «Соло», «Сквозь огонь», «Свидетель» да моло киноштат ужаш лиеш. А 2004-ше ийыште Валентина Васильевна шымше марий погынын Санкт-Петербург гыч делегатше лийын.
1964 — Воронцова, Ольга Петровна, марий шанчызе, йылмызе, туныктышо, филологий шанче кандидат (1994), Финн-угор ушемын йотэлысе йыжыҥъеҥже (2004, Хельсинки).
1961 — Валерий Васильевич Чиванов, артист, МВД пашаеҥ, «Марий памаш» ансамбльын чолга участникше. Валерий Чивановым шукын «Каче-влак» группын солистше семын палат, тушто тудо ятыр ий мурен. У Торъял кундемыште шочын.
1990 — Людмила Лебедева, спортсменка. Шернур кундемыште шочын. Людмила Олимпий резерв школышто шинчымашыжым шуарен. 2010 ийыште ӱдыр-влак кокласе тӱнямбалсе чемпионатыште шке вийжым терген. Кросс дене Россий чемпионко. Тӱнямбал классан Россий спорт мастер.
Тиде кечын Шкетан лӱмеш марий кугыжаныш драме театрын артисткыже, мурызо, Марий Элысе кугыжаныш премийын лауреатше Марина Воронцова шочын. Тудо ятыр рольым устан чоҥа.

Коленыт

Тугак ончо: Категорий:Ага тылзын 23 кечынже колышо-влак

1995 — Исаак Терентьевич Терентьев, курыкмарий совет ялозанлык пашаеҥ, агроном. Марий АССР Курыкмарий районысо «Сила» совхозын кугурак тӱҥ агрономжо (1958—1980). РСФСР-ын сулло агрономжо (1960). Кугу Ачамланде сарын салтакше. ВКП(б)-ын йыжыҥъеҥже.

Калык пале

Шнуй Симеонын кечыже. Ожно тиде кечын кладым кычалаш кӱлеш маныныт. Тыгак Симеон кечын тӱрлӧ пайдале кушкыл-влакым погеныт.
Марий калык гын, чодыраш, олыкыш саскам але кушкылым погаш кайыме годым Чодыра Юмо, Саска Юмылан пелештен: кушкылым да саскам ару кид дене погыман улмаш, Мланде Авалан таушташ мондыман огыл.