28 ага

←
→
Ага
← →Ага
	2026 ий

28 ага (28 май) — григориан кечышот почеш идалыкын 148-ше (кужемдыме ийлаште — 149-ше) кечыже. Идалык пытыме марте 217 кече кодеш.

Йошкар-Олаште ☀️ Кече 3 шагатат 13 минутлан лектеш, 20 шагатат 22 минутлан шинчеш. Кечын кужытшо 🕒 17 шагатат 9 минут.
🌔 Ешаралт толшо тылзе (11.43 тылзе кече).

Пайрем да шарныктарыше кече-влак

Россий, Белоруссий, Киргизий — Пограничникын кечыже (руш. День пограничника). Тиде пайремым 1958 ийыште палемдаш тÿҥалыныт.
Брюнет-влакын кечышт (руш. День брюнеток).
Ӱдырамаш тазалык верч тыршымын тӱнямбал кечыже (руш. Международный день действий за женское здоровье).
Гамбургерын кечыже (руш. День гамбургера).
Пеледыш поран кече (руш. День лепестковой вьюги).

Лӱмгече

Православий лӱм-влак: Анастасия, Дмитрий, Макар, Пахом.

Событий-влак

Тугак ончо: Категорий:Ага тылзын 28 кечысе событий-влак

1756 ийыште майонезым ыштен луктыныт.
1987 ийыште Йошкар Площадьыште Немыч Эл гыч студент Матиас Руст шке самолётшым шынден. Кугу пайрем кечын чекым вончен, Моско марте чоҥештен толшо самырык еҥым 4 ийлан судитленыт. Тидын годымак ПВО командований гыч ятыр генерал ден офицерым луктын колтеныт.

Шочыныт

Тугак ончо: Категорий:Ага тылзын 28 кечынже шочшо-влак

1920 — Юрий Данилович Петров, руш серызе, поэт, журналист, мер пашаеҥ, Марий АССР-ысе Кугыжаныш премийын лауреатше (1977), Марий АССР-ысе тӱвыран сулло пашаеҥже (1980).
1927 — Лидия Петровна Васикова, марий йылмызе, филологий шанче доктор, профессор, Марий АССР-ысе шанчын сулло пашаеҥже, Россий Федерацийысе шанчын сулло пашаеҥже, Эстон Республикын 5-ше степенян «Маарьямаа Ырес» орденын кавалерже. 30 ий тудо Марий кугыжаныш педагогике институтышто пашам ыштен, а вара 25 ий наре Марий кугыжаныш университетыште тыршен. Тӱҥ шотышто Лидия Петровна руш йылмым шымлен: социолингвистик дене ик эн кугу специалистлан шотлалтын.
1939 — Геннадий Александрович Чемеков, марий серызе, поэт, журналист.
1953 — Владимир Иванович Чистополов, руш серызе, поэт, журналист, Марий Эл Республикын сулло журналистше (2002), Россий Серызе-влак ушемын йыжыҥъеҥже (2003).
1963 — Николай Алексеевич Смирнов, Марий Элысе тӱвыран сулло пашаеҥже. Калыкле президент сымыктыш школым вуйлатен. Шке еш ансамбльым чумырен.
1950 — Вера Александровна Береславская, туныктыш пашаеҥ. Шкеже Йошкар-Олаште шочын-кушкын. Паша корныжо Марий кугыжаныш техник университет дене кылдалтын.

Коленыт

Тугак ончо: Категорий:Ага тылзын 28 кечынже колышо-влак

1923 — Павел Петрович Глезденёв (Пагул Ача) марий серызе, йылмызе, кусарыше, туныктышо, сотемдарче, этнограф, журналист, мер да шанче пашаеҥ.
1984 — Ялмарий Йыван, марий серызе, журналист, драматург, туныктышо, 1941—1945 ийласе Кугу Ачамланде сарын участникше.

Калык пале

Таче руш православий йӱлам кучышо-влак Шнуй Пахомым шарналтат. Тиде кечын нимомат шындаш але ӱдаш ок лий улмаш: лач вара шындыме шыдаҥым гына ӱдыман.
Марий кугезына-влак гын тыгай калык палым эскереныт: кечыйол пычкемышалтмыла коеш, кечывалым чот эҥда гын – кӱдырчан йӱрлан.
Шокшо гын, кеҥеж мучко шокшо лийшаш.