20 ага

20 ага (20 май) — григориан кечышот почеш идалыкын 140-ше (кужемдыме ийлаште — 141-ше) кечыже. Идалык пытыме марте 225 кече кодеш.

Йошкар-Олаште ☀️ Кече 3 шагатат 26 минутлан лектеш, 20 шагатат 10 минутлан шинчеш. Кечын кужытшо 🕒 16 шагатат 43 минут.
🌗 Пытартыш чырык (22.33 тылзе кече).

Пайрем да шарныктарыше кече-влак

•  ООН — Мӱкшын тӱнямбал кечыже (руш. Всемирный день пчёл).
• — Метрологийын тӱнямбал кечыже (руш. Всемирный день метрологии).
•  Россий — Юл кече (руш. День Волги).
• Европысо теҥыз кече (руш. Европейский день моря).
• Джинс йолашын шочмо кечыже (руш. День рождения джинсов).

Лӱмгече

• Католик лӱм-влак: Бернард, Василий.
• Православий лӱм-влак: Антон, Иван, Михаил, Степан.

Событий-влак

Тугак ончо: Категорий:Ага тылзын 20 кечысе событий-влак

• 1742 ий — штурман Семён Челюскин Евразий континентын эн йӱдвел ужашышкыже миен шуын. Тудо вер кызытат Челюскинын мысше лӱмым нумалеш.
• 1873 ий — джинс йолаш-влакым ышташ тӱҥалыныт.
• 1942 ий — Отечественный сарын 1-ше да 2-шо степенян орденжым пеҥгыдемдыме.

Шочыныт

Тугак ончо: Категорий:Ага тылзын 20 кечынже шочшо-влак

• 1947 ий — Николай Николаевич Николаев, шанче физик. Москосо кугыжаныш университетым тунем лекмек, Ландау лӱмеш физик институтышто тыршаш тӱҥалын. Тӱҥ шотышто шанчыеҥ атом физикым шымлен: 300 наре шанче пашам возен. Физик да математик шанче доктор.
• 1957 ий — Игорь Константинович Фоминых, ялозанлык вуйлатыше, Марий Эл Республикысе ялозанлыкын сулло пашаеҥже. Уста пашаче шочмо районысо «Куженерский» совхозышто ойырен налме профессийже дене шуаралтын: инженер-механик гыч тӱҥалын, вуйлатыше марте шуын. 8 ий республикысе кугыжаныш погынын депутатше лийын.
• 1965 ий — Игорь Николаевич Кудряшов, тӱҥ шотышто тудо бизнес пашаште шуаралтын, но мер пашаштат кугу пагалымашым сулен. Шкеже Морко кундем Ерсола гыч. Морко район Ердӱр ял пайремым эртарымаште тудынат надырже моткоч кугу.
• 1983 ий — Ирина Владиславовна Трубянова, марий йылмызе, шанчызе, туныктышо, филологий шанче кандидат (2010).

Коленыт

Тугак ончо: Категорий:Ага тылзын 20 кечынже колышо-влак

• 1977 — Зиновий Краснов (Зиновий Андреевич Краснов), марий серызе, почеламутчо, журналист.

Калык пале

• Йӱран игече шога – сентябрь леве лийшаш.
• Тиде кечын ожно кечыште ырыктыме эҥер вӱд дене мушкылтыныт: тидлан эрдене эрак ведраш вӱдым кошталын шынденыт, а кечывалым чывылгеныт. Тыгак эҥерыш имньым йӱштылаш пуртеныт. Тыге имне вий-куатым пога, маныныт.
• Марий калык имньылан посна тӱткышым ойыра. Ик шотшо дене тудо кызытат шнуй вольыклан шотлалтеш. Имньым ончен, кугезына-влак игечым мужедыныт: имне шудышто пӧрдалеш — игече вашталтеш, чытырнен але пошырнен колта гын — кугу йӱрлан.

Палемдымаш