22 ага
← ага → | ||||||
Шч | Кш | Вр | Из | Кг | Шм | Рш |
1 | 2 | 3 | 4 | |||
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 30 | 31 | |
2025 ий |
22 ага (22 май) — григориан кечышот почеш идалыкын 142-шо (кужемдыме ийлаште — 143-шо) кечыже. Идалык пытыме марте 223 кече кодеш.
Йошкар-Олаште ☀️ Кече 3 шагатат 23 минутлан лектеш, 20 шагатат 13 минутлан шинчеш. Кечын кужытшо 🕒 16 шагатат 50 минут.
🌘 Шоҥго тылзе (24.33 тылзе кече).
Пайрем да шарныктарыше кече-влак
ООН — Биологий тӱрлылыкын тӱнямбал кечыже (руш. Международный день биологического разнообразия).
— Гот-влакын тӱнямбал кечышт (руш. Всемирный день го́тов).
- Миколо пайрем (руш. Никола Вешний).
- Пӱӥым эрыктыме пасте тюбикын шочмо кечыже (руш. День рождения тюбика для зубной пасты).
- Бассейн индустрийын шочмо кечыже (руш. День бассейновой индустрии).
- Третьяков галерейым почмо кече (руш. День основания Третьяковской галереи).
- Теҥызысе судоход-влакын кечышт (руш. День морского судоходства).
- Винегрет кече (руш. День винегрета).
Лӱмгече
- Православий лӱм-влак: Николай, Северин, Сергей, Денис.
Событий-влак
Тугак ончо: Категорий:Ага тылзын 22 кечысе событий-влак
- Ага тылзын 22 да 23 кечынже 1798 ийыште Павел Первый кугыжа Курыкмарий кундемыш толын коштын – Козьмодемьянскыште да Виловатыште лийын.
- 1856 ийыште Третьяков галерейым негызлыме.
- 1892 ийыште пӱй эрыктыме пастылан тюбикым шонен луктыныт.
- 1911 ийыште Бельгийыште кинолог-влакын федерацийыштым почыныт.
- 1940 ийыште Социалистик Паша Герой чап лӱмлан медальым пеҥгыдемдыме.
Шочыныт
Тугак ончо: Категорий:Ага тылзын 22 кечынже шочшо-влак
- 1919 — Крупняков, Аркадий Степанович, серызе, драматург, журналист, СССР Серызе-влак ушемын йыжыҥъеҥже (1968), Марий АССР-ын Калык серызыже (1978), Марий АССР-ысе Кугыжаныш премийын лауреатше (1975), 1941–1945 ийласе Кугу Ачамланде сарын участникше.
- 1930 — Учаев, Зиновий Васильевич, туныктыш да шанче пашаеҥ, Марий Элын сулло туныктыш пашаеҥже. Паша корныжо 1944-ше ийыштак тӱҥалын: тунам тудо шочмо Юлсер кундем Учимсола школын кумшо классын туныктышыжо лийын. Институт деч вара Марий шанче да шымлыше институтышто, умбакыже «Марий коммуна» газет редакцийыште тыршен. Тарту университетыште диссертацийым аралымек, Тюмень областьысе Ишим пединститутышто руш йылмым туныктен. Но 1973-шо ийыште шочмо кундемышкыже пӧртылын да Марий кугыжаныш университетыште пашам ышташ тӱҥалын – марий йылме кафедрын профессоржо марте шуын. Тудын пашаштыже марий йылмым шымлымашыже кугу верым налын шога: 100 наре шанче пашам, 10 монографийым возен.
- 1942 — Зотин, Владислав Максимович, Марий Элын икымше президентше. Москосо ял озанлык инженер институтым тунем пытарымек, Поранча кундем ял озанлык виктемын тӱҥ инженержылан пашам ышташ тӱҥалын. Умбакыже паша корныжо Куженер да Юлсер кундемласе комитетлаште шуйнен. А 1991-ше ийыште Владислав Максимовичым республикын президентшылан сайленыт. 5 ий пашам ыштыме жапыштыже тудо кучем реформым эртарен: тиде реформо Россий элыштына икымше лийын. «Калык верч тыршымаш» шарнымаш медаль дене суапландаралтын.
- 1953 — Валентина Евгеньевна Кутасова, марий шанчызе, историк, туныктышо, историй шанче кандидат (2000), доцент (2009).
- 1964 — Оксана Викторовна Кулишова, шанче-историк, историй шанче доктор. Йошкар-Олаште шочын. Кӱшыл шинчымашым Марий кугыжаныш университетыште налын да шке паша корныжымат лач тыште муын. Историй кафедрын доцентше, кок ий историй да филологий факультет деканын алмаштышыже лийын. Тӱҥ шотышто тудо Греций элын мифологийжым да йӱлажым шымлен: 30 утла шанче пашам возен.
- 1975 — Алевтина Михайловна Иванова, спортсменка. Юлсер кундем Бизюргуб ялыште шочын. 1996-шо ийыште тудо Марий Элысе спорт министерствыште тренерлан тыршаш тӱҥалын: тунемшыже-влак кокла гыч шукынжо чемпион лӱмымат налыныт. Алевтина Михайловна шкежат Прага, Нагано, Гонолулу олаласе марафонлаште сеҥыше да призёр радамыш лектын. Куштылго атлетик кросс дене Российын чемпионкыжо лӱмым нумалеш. Тыгак тудо Россий спорт мастер семын палыме.
- 1978 — Василий Григорьевич Петров, МАФУН ушемын ончычсо президентше, чолга мер пашаеҥ. «Калык верч тыршымаш» медаль дене суапландаралтын.
Коленыт
Тугак ончо: Категорий:Ага тылзын 22 кечынже колышо-влак
Калык пале
- Шнуй Николай Угодникым шарныме кече. Тиде кече деч вара вольыкым ончымо шотышто тургыжланымым чарненыт: вольык теммеш кочкеш, ушкалат нугыдо шӧрым пуа. Тиде кечын йӱр йӱреш гын – сай кинде лектышлан.
- Марий калык тиде жапыште тыгай калык палым эскерен: эрдене эрак тӱтыра шарлен гын, шудо ӱмбак вочшо тӱтыра дене але, вес семынже, лупс дене мушкылташ кулеш улмаш.