Большаков, Николай Филиппович
| Николай Филиппович Большаков | |
|---|---|
 | |
| Шочмо кече | 15 кылме 1938 |
| Шочмо вер |
|
| Колымо кече | 5 идым 1999 (60 ий) |
| Колымо вер | |
| Гражданстве |
 СССР →  Россий |
| Профессий | актёр |
| Усталык жап | 1972 — 1999 |
| Амплуа | курчак вӱдышӧ |
| Театр | Республикысе курчак театр |
| Суаптар |
Марий Эл Республикын калык артистше (1996) Марий АССР-ын сулло артистше (1989) Йыван Кырла лӱмеш калыкле театр премий |
Николáй Фили́ппович Большакóв (15 кылме 1938, Йошкар-Ола — 5 идым 1999, Йошкар-Ола) ― совет да российысе театр актёр. Республикысе курчак театрын артист-курчак вӱдышӧ, режиссёрын полышкалышыже (1979―1999). Марий Эл Республикын калык артистше (1996). Марий АССР-ын сулло артистше (1989). Йыван Кырла лӱмеш театр премийын лауреатше.
Илыш корныжо
1938 ий 15 ноябрьыште Марий АССР-ысе Йошкар-Олаште шочын[1].
1956 ийыште Чуваш АССР-ысе Марпосадысе техник школым тунем пытарен. 1960―1967 ийлаште ― Йошкар-Оласе мебель фабрикын мебельым ыштыше мастарже[1]. Тыште шке семын мурен-куштышо-влак коклаште чолгалыкшым ончыктен.
1967 ийыште Йошкар-Оласе Самырык-влаклан калык театрын шындыше ужашым вуйлатышылан шогалтеныт. Вара Йошкар-Оласе Тӱвыра пӧртын да Ю. Гагарин лӱмеш Заречный тӱвыра да каныме паркын директоржо лийын[2][3].
1972 ийыште Марий республикысе тӱвыра-сотемдарыше училищын дирижёр пӧлкажым тунем пытарен[1], «Клуб пашан методистше» специальностьым налын.
1972―1979 ийлаште ― сценысе машинист, 1979―1999 ийлаште ― Республикысе курчак театрын актёржо, режиссёрын полышкалышыже[1]. Спектакль-влаклан шкежак декораций ден курчак-влакым ыштен. Шуко рольым модын, тыгак йоча-влаклан У ий мероприятийлаште вашталтдыме Йӱштӧ Кугыза лийын[2].
1989 ийыште тудо Марий АССР-ын сулло артистше, 1996 ийыште — Марий Эл Республикын калык артистше лийын[1]. Йыван Кырла лӱмеш театр премийын лауреатше.
1999 ий 5 сентябрьыште Йошкар-Олаште колен, туштак тойымо[1].
Тӱҥ роль-влак
Н. Ф. Большаковын модмо тӱҥ роль-влак списке[1]:
- Папа Карло, Базилио пырыс («Золотой ключик», Е. Борисова)
- Ия-влакын инспекторжо Сальфернус («Чёртова мельница», И. Шток)
- Крокодил Гена («Чебурашка», Э. Успенский, Р. Качанов)
- Кугыжа («Конёк-горбунок», П. Ершов)
- Матрос-большевик («Нахалёнок», М. Шолохов)
- Клоун («Варшавский набат», В. Коростылёв)
- Брюхатый («Энергичные люди», В. Шукшин)
Пагалымаш
- Марий Эл Республикын калык артистше (1996)[1];
- Марий АССР-ын сулло артистше (1989)[1];
- Йыван Кырля лӱмеш театр премий[4].
Палемдымаш
- ↑ 1 2 3 4 5 6 7 8 9 Мочаев, 2017, с. 60.
- ↑ 1 2 Театральные музеи и архивы России и Русского зарубежья (руш.). theatre-museum.ru. Тергыме кече: 22 теле 2025.
- ↑ Большаков Николай Филиппович – Театральные архивы России и русского зарубежья. theatre-museum.ru. Тергыме кече: 22 теле 2025.
- ↑ Николай Большаков (IV). Кино-Театр.Ру. Тергыме кече: 22 теле 2025.
Литератур
- Опарина Т. Т. Большаков Николай Филиппович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 60. — 606 с. — 1500 экз. — ISBN 978-5-905314-35-3.
Кылвер-влак
- Кылме тылзын 15 кечынже шочшо-влак
- 1938 ийыште шочшо-влак
- Йошкар-Олаште шочшо-влак
- Идым тылзын 5 кечынже колышо-влак
- 1999 ийыште колышо-влак
- Йошкар-Олаште колышо-влак
- Алфавит почеш персоналий-влак
- Алфавит почеш актёр-влак
- Российысе театр актёр-влак
- СССР театрысе актёр-влак
- XX курымысо актёр-влак
- XXI курымысо актёр-влак
- Марий АССР-ын сулло артистше-влак
- Йошкар-Олаште тойымо-влак
- Марий Эл Республикын калык артистше-влак
- Марий Элысе актёр-влак