Пӱтынь российыште салтакыш ӱжмыеҥын кечыже
| Пӱтынь Росийыште салтакыш ӱжмыеҥын кечыже | |
|---|---|
 Российысе cарзе вийын билетше | |
| Тӱрлылык | Кугыжаныш пайрем |
| Вес семын | «Российыште салтакыш ӱжмыеҥын (призывникын) кечыже» |
| Ышталтын | 1992 ийыште Российын президентше Б. Н. Ельцинын кӱштыкшӧ дене |
| Палемдат | Россий Федераций |
| Пайремлымаш | 15 кылме |
| Йӱла | Призывник-влаклан пайрем да сарзе-патриот мероприятийлам эртарымаш |
| Кылдалтын | шыже призыв дене |
Пӱтынь Российыште салтакыш ӱжмыеҥын (призывникын) кечыже — Российысе призывник-влакын пайрем кечышт, 18 ий гыч 27 ий марте пӧрьеҥ-влакын, кудышт 1998 ий 28 мартысе 53-ФЗ №-ан «Сарзе порыс да сарзе службо нерген» Федерал тӧртык дене келшышын, Россий Федерацийысе Сарзе вийыште салтаклан служитлаш ӱжалтшаш улыт. «Салтаклан ӱжмыеҥын кечыже» Российыште ий еда, 15 ноябрьыште палемдалтеш. Паша кечылан шотлалтеш[1].
Историй ден пайремлымаш
Россий Федерацийын президентше Борис Николаевич Ельцин 1992 ийысе кӱштымашыж дене «Российысе призывникын кечыжым» увертарен. Тиде сарзе службын чумыр кугыжанышыште кӱлешлыкшым палемдаш да самырык-влакым сарзе патырлык шӱлышеш шуарымым саемдышаш верч» ышталтын. Тиде кече Российысе шыже салтакыш налмаш дене иктеш толеш.
Пӱтынь Российыште салтакыш ӱжмыеҥын кечыже самырык пайрем гынат, Российыште тудын йӱла радамже чумыргаш тӱҥалын. Тиде кечын южо олалаште пайрем да сарзе-патырлык мероприятий-влак эртат, призывник-влаклан сарзе частьыш, тоштерыш экскурсий эртаралтеш, самырык еҥ-влакын ача-авашт коклаште умылтарыме паша ышталтеш. Чӱчкыдынак призывник-влак Кугу Ачамланде сарын ветеранже-влак дене, тыгак контртеррор операцийын еҥже-влак дене вашлийыт, сарзе-талешке-влаклан чапкӱышт деке, тоштерыш, саргурал ончерлашке лектыт, палыме кредалмаш верлашке миен коштыт[2].
Пӱтынь Российыште салтакыш ӱжмыеҥын кечыж годым йӱла почеш сарзыеҥ-влакын лӱмын чумырымо подразделенийышт шке моштымашыштым ончыктат, войска-влакын парадышт эрта[3].
Палемдымаш
- ↑ [www.calend.ru/holidays/0/0/101/ Всероссийский день призывника — 15 ноября. История и особенности праздника в проекте Календарь Праздников 2010]
- ↑ Всероссийский день призывника. Справка. РИА Новости (15 кылме 2008). Тергыме кече: 13 сорла 2010. Архивлыме 10 вӱдшор 2012 ий.
- ↑ Всероссийский день призывника. Тергыме кече: 14 кылме 2009. Архивировано из оригинала 26 шорыкйол 2011 ий.
Кылвер-влак
- [www.calend.ru/holidays/0/0/101/ Всероссийский день призывника в календаре праздников]
- ВДП в Южном Бутово
- Сайт и форум призывников