Лев (зодиак пале)

Лев
Негызеш ыштыме	Лев
Радаман номер	5 да 5
Черет почеш кайыше	Ӱдыр
Ончыктымаш	♌[d]
Черет почеш ончычсо	Рак (зодиак пале)
РУВИКИ.Медиаште медиафайл-влак

«Фастольфысо часослов» гыч Лев, кызыт Оксфордысо университетын Бодлиан книгагудыштыжо; худ. Фастольфын палыдыме Мастарже; иктаж 1440—1450

Лев (руш. Лев, лат. Leo) — шошымсо кече тура шогымаш точко гыч шотлымаште 120° гыч 150° марте эклиптике секторлан келшыше визымше зодиак пале; «вӱд» тригонын эрелык палыже. Касвел астрологийыште ♌ Левлан 23 июль гыч 23 август марте пагыт, кеҥежын шокшо жапше ойыралтеш. Лев шӱдыръешыште Кече 10 август гыч 15 сентябрь марте верланен.

Тул стихийын чыла моло зодиак палыже семынак, Кечын тиде пӧръеҥлык, положительный (шагат умдо почеш кайымаш) да чолга пӧртшӧ. Тудын сайлыкше ныл элементар гыч — «шокшо» да «кукшо»; тӱс — нарынче шӧртньӧ. Тиде Кечын «илыме суртшо», а поктен колтымаште" (ваштареш илыме суртышто) — Уран ден Сатурн планет-влак. Айдемын капшым схеме шот дене 12 ужашлан шеледымаште — шӱмжым, тупрӱдӧ вемжым, тыгак тупшым да вӱр коштмым виктара.

Левын астрологий эрыже мемнан эра деч 12-шо гыч 10-шо тӱжемий (мемнан эра деч 11 220 — 9060 ий) марте — ик возымашлаште, весыште мемнан эра деч 11—ше гыч 9—ше тӱжемий марте шуйнен. Дендерысе зодиакым лончылымек, тиде эра деке мландын полюсшо-влакын коштмыштлан кӧра Атлантидын йӧршеш вӱд йымак кайымыжым (Тӱнямбал вӱдташлымашым) ушат, тылеч вара ондак касвелне нӧлтшӧ Кече эрдене эрвелне кӱзаш тӱҥалын. Айдеме тукымын варасе историйже катакизмын уэш лийын кертмыже нерген шижтарымаш дене тич темын. Астрологий зодиак шагат умдо ваштареш — астрономийлыклан ваштареш — коштеш, тудыжо шагат умдо почеш кая. Да Левын палыже янлык дене огыл, а тудын почшо ♌ дене ончыкталтеш.

Лев иероглиф дене

Египетысе иероглифан возымашыште Левын кок ужашыжлан — ончылжылан (ḥ3t) да тупшылан (pḥ) передней (ḥ3t) и тыльной (pḥ) посна иероглиф-влак улыт.

Зодиакан символ

Левын палыже ♌ — илыш орава дене кайыме радамыште(жап корона) визымше (5 числа), но кумдыкышто черетлалтмаште (кумдык корона) кокымшо (2-шо числа). Тудын стихийже — тул, да тудо эре улшо состоянийым, кызыт улмым, инертность манмым (илышдымым) ончыкта, кудыжо санскритыште «тамас» маналтеш (кум гун коклаште тамас покшел верым айла да вашталтдымылыкым ончыкта).

Ваштарешла пале — Вӱдйоктарыше (♒), числа значенийже 11 да кумдыкышто черетлалтмашыже 8. Лев ден Вӱдйоктарышын ушнымышт — Египетысе Кугу Сфинксыште, Индийысе Нарасимхыште, митраизмыште да молоышто раш койшо — 26 числалан келша (кок оҥгынат, але короно-влакын, числаштым ушымаш: 5+2+11+8), «илыш ораван» рӱдӧ числажлан, тыгак еврей религийыште Юм-Ыштышын лӱмжылан (юмын каласаш лийдыме лӱмжын гематрийже).

Грек-рим зодиак деч утларак ожнышто Кече зодиак оҥгын покшелныже лийын, а Левын пӧртыштыжӧ огыл.

Лев шӱдыръеш дене кылдалтше кавасе волгалтарыше — тиде Тылзе ☾, Мландын спутникше. Мландын числа значенийже — кумдык коронышто 12. Тылзылан ешартыш планет — Чолпан, кумдык оҥгышто (коронышто) 14 числа дене. Тылзе ден Чолпан пырля тыгак 26 (12+14) числам пуат.

Инертный (илышдыме) «тамас» ырес — Христосын сай ден уда вуянче-влак коклаште шогышо ыресше — Лев ♌ гыч, тул пале гыч, Презе ♉ гыч, вӱд стихийын палыже гыч, Вӱдйоктарыше ♒ гыч, юж стихийын палыже гыч, да Скорпионын ♏ палыже гыч (вес семын, Пӱркыт гыч), вӱд стихийын палыже гыч шога. Жап короныштат (5+2+11+8), кумдык онгыштат (2+5+8+11) тиде ырес 26 лиеш. Тыгай кыл радам амал ден тудын деч вара лийшын радамле кылыштышт математикан кӱшыллыкшым ончыкта. Символ сравочеш негызлалтше «Илыш орава» (фр. Clef; чынже денак улшо чыла религийын негызешыже), — кугезе-влак деч куснышо пеш чапле сай шинчымаш. Чынжым гын мут астрологий нерген ок кай, а астрософий, вес семынже «кавасе волгалтарыше-влакын мунлыкышт» нерген.

Тетраморфизм

Шорык ♈︎ ден Пикшызе ♐︎ коклаште шогышо Лев  — тиде тригонышто вӱд первостихийын кокымшо символжо. Инертность манмын, илышдымын ыресшын ужашыже улеш (санскрит. «тамас»), тыште тудо икымше первостихий, да тышке тыгак моло кум первостихийын палыже-влак пурат: Презе ♉ (стихий, Мландын элементше ▐), Вӱдйоктарыше ♒ (юж стихий ⚪) да Скорпион ♏ (вӱд стихий ).

Дендерысе зодиак

Акрет Египетысе зодиакыште Дендерыште Лев зодиак ӱштын 36° айла.

Касвел астрологий

Касвел астрологийыште Кече Лев палыште иктаж 23 июль гыч 21 август марте улмылан шотлалтеш. Лев палым Лев шӱдыръеш дене лугаш огеш кӱл, тушто Кече 10 август гыч 15 сентябрь марте верлана.

Лев палым Кече виктара да тыште поктен колтымаште Сатурн.

Графике символ

Левын символжо ♌ (южо браузерлаште ончыкталтде кодын кертеш) Юникодышто 9804 луымшо манме номер дене але латкудымшо манме 264С номер дене верланен да HTML-кодыш ♌ семын але ♌ семын пурталт сеҥа.

• 

  «Лев» Россий окса

• 

  «Лев» Россий окса

• 

  «Лев» армян ший окса

• 

  «Лев» армян шӧртньӧ окса

Тыгак ончо

• Лев (шӱдыръеш)
• Тетраморф

Палемдымаш

Литератур

• Знаки астрономические // Советский энциклопедический словарь / Научно-редакционный совет: А. М. Прохоров (пред.). — М.: Советская энциклопедия, 1981. — С. 470. — 1600 с.
• Саплин А. Ю. Лев // Астрологический энциклопедический словарь. — Тула—М.: Русская историческая энциклопедия, Внешсигма, 1994. — С. 250. — 476 с. — ISBN 5-87551-001-3.
• Albert Slosman. Астрономия согласно египтянам = L'astronomie selon les Égyptiens (фр.). — Omnia Veritas Ltd, 2017. — 330 с. — ISBN 978-1910220993.
• Henry Normand. Lion // Словарь универсальных символов, основанных на принципе ключа к знаниям = Dictionnaire des symboles universels basés sur le principe de la clef de la connaissance (фр.). — Dervy, 2016. — Т. 5. — С. 286—296. — 359 с. — ISBN 979-1024201726.
• Zodiac // Малый Ларусс символов = Petit Larousse des symboles (фр.) / Nanon Gardin, Robert Olorenshaw. — Larousse, 2011. — С. 655—659. — 680 с. — ISBN 978-2035969248.