Пикшызе (зодиак пале)

Пикшызе
Негызеш ыштыме	Пикшызе
Радаман номер	9 да 10
Рат дене шушаш	Тӱкан Каза (зодиак пале)
Ончыктымаш	♐[d]
Рат дене ончычсо	Скорпион да Кишкым нумалше (зодиак пале)
SEO_description	Стрелец (знак зодиака) — изучайте подробную и систематизированную информацию в интернет-энциклопедии РУВИКИ
SEO_title	Стрелец (знак зодиака) — Рувики: Интернет-энциклопедия
Медиафайлы на РУВИКИ.Медиа

«Фастольфысо часослов» гыч Пикшызе; кызыт Оксфордысо университетын Бодлианысе книгагудыштыжо; худ. Фастольфын палыдыме Мастарже; иктаж 1440-1450

Пикшызе (лат. Sagittarius) — шошымсо кече тура шогымаш точко гыч шотлымаште 240° гыч 270° марте эклиптике секторлан келшыше индешымше зодиак пале; «тул» тригон палын (кум палын) мутабельный манме (вашталт толшо) палыже. Пикшызе палылан 22 ноябрь гыч 21 декабрь марте пагыт ойыралтеш. Пикшызе пале ден Пикшызе шӱдыръешым лугыман огыл, туштыжо Кече 18 декабрь гыч 15 январь марте верланен.

Пикшым колташ ямдылалтше кентавр семын ончыкталтеш; вольык капын (имньын) гармонийжым, айдеме чонын (оҥ) да шӱлышын (вуй) гармонийыштым ончыкта. Пикшызыште чулымлык да шонымашке шуаш тыршымаш ончыкталтыныт.

Тул стихийын чыла зодиак палыже семынак, тиде Кечын пӧръеҥлык, положительный (шагат умдо почеш коштмаш) да чолга пӧртшӧ. Тудын сайлыкше ныл элементар гыч - «шокшо» да «кукшо»; тӱс — фиолет. Тиде Юпитерын «илыме суртшо», а «поктен колтымаште» (ваштареш илыме сурт) — Меркурий планет. Пале дене кылдалтше миф-влак - Энкиду нерген («Гильгамеш нерген эпос» гыч), кентавр Хирон ден Орион нерген. Айдемын капшым схеме шот дене 12 ужашлан шеледымаште - таз кундем ден эрде-влакым, тыгак шӱлыш корным виктара.

Касвел астрологий

Касвел астрологийыште Кече Пикшызе палыште иктаж 23 ноябрь гыч 22 декабрь марте улмылан шотлалтеш. Пикшызе палым Пикшызе шӱдыръеш дене лугыман огыл, туштыжо Кече 18 декабрь гыч 17 январь марте верланен.

Пикшызе палам Юпитер виктара да тыште поктен колтымаште Меркурий.

График символ

Эн тӱҥалтыш гычын Пикшызе пале кентавр сын дене ончыкталтеш, тыге шкеж дене пеле вольыкым да пеле айдемым чонештара. Варажым арий культур символым ош имне ӱмбалне улшо Пикшызылан алмаштен. Кызыт астрологий символлан умдо ден пикш ужаш лийын.

Пикшызын символжо ♐ (южо браузерлаште ончыкталтде кодын кертеш) Юникодышто 9808 луымшо манме номер дене але латкудымшо манме 2650 номер дене верланен да HTML-кодыш ♐ семын; але ♐ семын пурталт сеҥа.

• 

  «Пикшызе» Россий окса

• 

  «Пикшызе» Россий окса

• 

  «Пикшызе» армян ший окса

• 

  «Пикшызе» армян шӧртньӧ окса

Тыгак ончо

• Пикшызе (шӱдыръеш)

Палемдымаш

Литератур

• Стрелец, знак зодиака // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
• Знаки астрономические // Советский энциклопедический словарь / Научно-редакционный совет: А. М. Прохоров (пред.). — М.: Советская энциклопедия, 1981. — С. 470. — 1600 с.
• Zodiac // Малый Ларусс символов = Petit Larousse des symboles (фр.) / Nanon Gardin, Robert Olorenshaw. — Larousse, 2011. — С. 655—659. — 680 с. — ISBN 978-2035969248.