5 пургыж

←
→
Пургыж
← →Пургыж
	2026 ий

5 пургыж (5 февраль) — григориан кечышот почеш идалыкын 36-шо кечыже. Идалык пытыме марте 329 (кужемдыме ийлаште — 330) кече кодеш.

Йошкар-Олаште ☀️ Кече 7 шагатат 24 минутлан лектеш, 16 шагатат 12 минутлан шинчеш. Кечын кужытшо 🕒 8 шагатат 47 минут.
🌖 Катыкем толшо тылзе (17.55 тылзе кече).

Пайрем да шарныктарыше кече-влак

Тугак ончо: Категорий:Пургыж тылзын 5 кечысе пайрем-влак

Бурунди — Икоян улмо кече (руш. День единства).
Мексика — Конституций кече (руш. День Конституции).
Пакистан — Кашмир дене икоян улмо кече (руш. День солидарности с Кашмиром).
Сан-Марино — Шнуй Агатан да Альберони оккупаций деч утаралтме кече (руш. День св. Агаты и освобождения от Альберонийской оккупации).
США — Игечым эскерышын калыкле кечыже (руш. Национальный день метеоролога).
Финляндий — Рунеберг кечыже (руш. День Рунеберга).
Шуко палыше еҥын кечыже (руш. День эрудита)
Тӱнямбал «Нутелла» шоколад пасте кече (руш. Всемирный день «Нутеллы»).

Лӱмгече

Католик лӱм-влак: Агата, Аделаида.
Православий лӱм-влак: Агафангел, Владимир, Геннадий, Евдокия, Евсевий, Екатерина, Иван, Иосиф, Климент, Мавсима, Макарий, Милица, Павлин, Саламан, Серафим, Феоктист, Фёдор.

Эртынчык-влак

Тугак ончо: Категорий:Пургыж тылзын 5 кечысе событий-влак

Шочыныт

Тугак ончо: Категорий:Пургыж тылзын 5 кечынже шочшо-влак

1895 — Николай Полиектович Лунёв, совет тазалык аралтыш пашаеҥ, эмлызе-педиатр. Кугу Ачамланде сар жапыште — Марий АССР Звенигово районысо Кожласола селаште верланыше 3071 №-ан эвакогоспитальын эмлыме шотышто начальникше, госпиталь начальник (1941—1945). РСФСР-ын сулло эмлызыже (1958), Марий АССР-ын сулло эмлызыже (1951). Ленин орденын кавалерже (1952).
1916 — Анастасия Георгиевна Мамаева, марий совет партий да кугыжаныш пашаеҥ. Марий АССР Министр-влак Каҥаш Председательын алмаштышыже (1951—1962), Марий АССР просвещений министрын алмаштышыже (1962—1971). ВКП(б)-ын йыжыҥъеҥже.
1924 — Александр Матвеевич Матросов, Совет Ушемын Талешкыже (1943), йошкарармеец.
1925 — Аркадий Васильевич Липатников, совет да российысе юрист, прокурор. РСФСР-ын сулло юристше (1978). Кугу Ачамланде сарын салтакше. 1967 ий гыч КПСС йыжъеҥ.
1925 — Аркадий Дмитриевич Шубин, совет да российысе шанчызе, чодыразе-шанчызе. Карел АССР-ысе шанчын да тӱвыран сулло пашаеҥже (1985). Совет-япон сарын участникше.
1932 — Геннадий Андреевич Сепеев, совет да российысе шанче пашаеҥ, этнограф-шанчызе, туныктышо. Историй шанче кандидат (1973).
1935 — Ксенофонт Никанорович Сануков, марий историк, шымлызе, туныктышо, мер пашаеҥ, историй шанче доктор, профессор. Кумдан палыме финно-угровед. Марий калыкын историйжым шымлыше. 900 утла савыктыме пашан авторжо. Россий Федерацийысе кӱшыл школын сулло пашаеҥже (1998). Марий АССР-ысе шанчын сулло пашаеҥже (1986), Марий Эл Республикысе С.Г. Чавайн лӱмеш Кугыжаныш премийын лауреатше. II степенян «Шочмо Эл ончылно суаплан» орденын медальже дене суапландаралтын (2006).
1937 — Мстислав Сиватеев, курыкмарий серызе, почеламутчо.
1940 — Борис Нургалиевич Нухов, композитор, дирижёр, Тува АССР-ын сулло артистше.
1979 — Николай Головин, марий мурызо да мыскараче.

Коленыт

Тугак ончо: Категорий:Пургыж тылзын 5 кечынже колышо-влак

1981 — Валерий Дмитриевич Авдеев, совет геоботаник, биологий шанче доктор (1954), профессор (1959).
1997 — Анатолий Михайлович Калистов, совет машинчоҥымашын ончылъеҥже, СССР радиойӧнозанлык министерствысе Марий машинчоҥышо заводын кугурак мастарже, Йошкар-Ола, Социалистический Паша Герой (1975).

Калык пале

Эрдене киса мура гын, игече йӱкшемдышаш.