Лунёв, Николай Полиектович

РУВИКИ — эрыкан энциклопедий гыч материал
Николай Полиектович Лунёв
Лунёв, Николай Полиектович.jpg
Шочмо кече 1895 ий 5 пургыж(1895-02-05)
Шочмо вер Матвеевка, Бугуруслан уезд, Самара губерний, Россий империй
Колымо кече 1978 ий 2 сорла(1978-08-02) (83 ий)
Колымо вер Красногорский, Звенигово район, Марий АССР, РСФСР, СССР
Эл  Россий империй →  СССР
Профессий тӱҥ эмлызе, педиатр
Шанче алан педиатрий, лавыра дене эмлымаш
Паша вер Марий АССР Звенигово вел Кожласола посёлкышто 3071 №-ан эвакогоспиталь; йоча лу-туберкулёз санаторий, Звенигово районысо Красногорский посёлкышто «Рвезылык» йоча ревматизм ваштареш санаторий
Образований
Званий РСФСР-ын сулло врачше — 1958
Марий АССР-ын сулло эмлызыже (1951)
Награде да премий

Марий АССР Кӱшыл Каҥаш Президиумын Чаптаныкше (1944, 1955, 1965)

Николай Полиектович Лунёв (5 пургыж 1895, Матвеевка[d], Бугуруслан уезд[d], Самара губерний[d], Россий империй — 2 сорла 1978, Красногорский, Звенигово район, Марий Автоном Совет Социализм Республик, РСФСР[d], СССР) — совет тазалык аралтыш пашаеҥ, эмлызе-педиатр. Кугу Ачамланде сар жапыште — Марий АССР Звенигово районысо Кожласола селаште верланыше 3071 №-ан эвакогоспитальын эмлыме шотышто начальникше, госпиталь начальник (1941—1945). РСФСР-ын сулло эмлызыже (1958), Марий АССР-ын сулло эмлызыже (1951). Ленин орденын кавалерже (1952).

Илыш корныжо

1895 ий 5 пургыжышто кызытсе Оренбург область Матвеевка районысо Матвеевка селаште фельдшерын ешыштыже шочын. 1910 ийыште Бугурусланысе 4 классан училищым тунем пытарен, корно мастарын полышкалышыжлан тыршен[1][2].

1915—1919 ийлаште сар службышто лийын[1][2].

1935 ийыште Куйбышев медицине институтым  (руш.) (мар. тунем пытарен. Марий АССР Курыкмарий районыш колтымо: Йоласал селаште «Миняшкин памаш» туберкулёз диспансерын директоржо лийын.

Кугу Ачамланде сарын салтакше: 1941 ий гыч Звенигово районысо Красногорский посёлкышто тыршен: эмлыме шотышто начальник, 1945 ий гыч — Марий АССР Звенигово район Кожласола посёлкышто 3071 №-ан эвакогоспитальын начальникше. 1943 ийыште лавыра дене эмлымверым негызлен да тудын тӱҥ эмлызыже лийын[1][2][3][4].

1946 ийыште йоча лу-туберкулёз санаторийым, 1961 ийыште — Марий АССР Звенигово районысо Красногорский посёлкышто «Рвезылык»[5] йоча ревматизм ваштареш санаторийым негызлен да вуйлатен[1][2].

Тазалык аралтыш аланыште шуко ий сай лектыш дене тыршымыжлан 1951 ийыште «Марий АССР-ын сулло эмлызыже», 1958 ийыште — «РСФСР-ын сулло эмлызыже» чаплӱм-влакым пуымо. 1952 ийыште Ленин орден дене суапландарыме[1][2].

1978 ий 2 августышто Марий АССР Звенигово район Красногорский посёлкышто илыш дене чеверласен, туштак тойымо[1][2].

Суаптар да чаплӱм

Палемдымаш

  1. ↑ 1 2 3 4 5 6 Мочаев, 2007, с. 219.
  2. ↑ 1 2 3 4 5 6 Энциклопедия Республики Марий Эл, 2009, с. 492.
  3. ↑ Бессмертный полк. Санкт-Петербург. Лунев Николай Полиектович (руш.). www.moypolk.ru. Тергыме кече: 20 пургыж 2026. Архивлыме 20 пургыж 2026 ий.
  4. ↑ Лунев Николай Полиектович (руш.). 1418museum.ru. Тергыме кече: 20 пургыж 2026.
  5. ↑ Красногорский | Родная Вятка. rodnaya-vyatka.ru. Тергыме кече: 20 пургыж 2026. Архивлыме 16 шорыкйол 2022 ий.

Литератур

  • Лунёв Николай Полиектович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 219. — 2032 экз. — ISBN 5-87898-357-0.
  • Лунёв Николай Полиектович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 492. — 872 с. — 3505 экз. — ISBN 978-5-94950-049-1.
  • Двинянинов А. В., Краснов П. В., Мочаев В. А., Яналова Н. А. Лунёв Николай Полиектович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 261. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Лунёв,_Николай_Полиектович&oldid=1210414" гыч налме