19 пургыж

←
→
Пургыж
← →Пургыж
	2026 ий

19 пургыж (19 февраль) — григориан кечышот почеш идалыкын 50-ше кечыже. Идалык пытыме марте 315 (кужемдыме ийлаште — 316) кече кодеш.

Йошкар-Олаште ☀️ Кече 6 шагатат 52 минутлан лектеш, 16 шагатат 43 минутлан шинчеш. Кечын кужытшо 🕒 9 шагатат 50 минут.
🌒 Кушшо тылзе (2.02 тылзе кече).

Пайрем да шарныктарыше кече-влак

— Теҥызысе шӧркочшо чонан-влакым аралыме тӱнямбал кече (руш. Всемирный день защиты морских млекопитающих).
Россий — Кайык-влакым шымлышын кечыже (руш. День орнитолога).
Тӱрлӧ чиям лугымо кече (руш. День смешивания разных красок).
Синоптик картын шочмо кечыже (руш. День рождения синоптической карты).

Лӱмгече

Католик лӱм-влак: Барбат, Конрад.
Православий лӱм-влак: Александр, Анатолий, Варсонофий, Василий, Вукол, Дмитрий, Дорофея, Евиласий, Иван, Каллиста, Ликарион, Максим, Мария, Марфа, Севастиан, Силуан, Фавст, Фавста, Феофил, Фотий, Христина, Юлиан.

Событий-влак

Тугак ончо: Категорий:Пургыж тылзын 19 кечысе событий-влак

Шочыныт

Тугак ончо: Категорий:Пургыж тылзын 19 кечынже шочшо-влак

1853 — Алексей Алексеевич Тихонов, руш амалкалче, редактор, Луговой шоя лӱм дене палыме беллетрист-писатель да поэт.
1899 — Соколов, Тимофей Иванович, актёр, Марий Республикын сулло артистше. Маюк-Егоровын поро йолташыже. 22 ияш годым театр корным ойырен. Кугу Ачаэл Сарым эртен, уэш кугыжаныш театрыш пашам ышташ пӧртылын да 40 ий наре тыште тыршен, 200 утла рольым чоҥен.
1905 — Маюк-Егоров, Алексей Иванович, икымше марий профессионал режиссёр. Курыкмарий кундем Изи Сундырь ялыште шочын. Тудын вуйлатымыж почеш шындыме спектакль-влак кокла гыч Николаевын «Саликажым», Шкетанын «Шурныжым» ойыраш лиеш. Моло постановко-шамыч руш драматург-влакын пьесышт почеш лийыныт.
1918 — Мирон Большаков, Мирон Чойн (Мирон Николаевич Большаков), марий серызе, почеламутчо, СССР Серызе-влак ушемын йыжъеҥже (1958).
1920 — Яан Кросс, эстон писатель.
1953 — Винокурова, Раиса Ибрагимовна, туныктыш пашаеҥ, Марий Элын сулло шанче пашаеҥже. Татарстан кундемыште шочын. Паша корныжо Марий кугыжаныш техник университет дене кылдалтын.
1963 — Маргарита Медикова, марий артистка, Россий Федерацийын сулло артистше (2005), Марий Эл Республикын Калык артистше (1999), Марий Эл Республикын сулло артистше (1995), Марий Эл Республикысе М. Шкетан лӱмеш Кугыжаныш премийын лауреатше (2009), Йыван Кырла лÿмеш театр премийын лауреатше (1998, 2011).
1980 — Речкин, Денис Иванович, фотограф. Йошкар-Олаште шочын-кушкын. Ынде ятыр ий «Марий Эл» газет редакцийыште фотокорреспондентлан тырша. Тудын фотожо-влакым тӱрлӧ ончерлаште ужаш лиеш.

Коленыт

Тугак ончо: Категорий:Пургыж тылзын 19 кечынже колышо-влак

1999 — Николай Алексеевич Забурдаев, совет да российысе тоштер пашаеҥ, краевед, серызе, СССР журналист-влак ушемын йыжъеҥже. М. Горький лӱмеш Кугыжаныш сылнымут тоштерын директоржо (1957―1974). Угарман оласе Ф. Шаляпин тоштерым (1963) да М. Горькийын тоштер-пачержым (1971) почаш темлыше. РСФСР тӱвыран сулло пашаеҥже (1970). Кугу Ачамланде сарын салтакше. ВКП(б) йыжъеҥ.
2003 — Алексей Семёнович Еремеев, совет сарзе да аралтыш йӧнозанлык пашаеҥ. Кугу Ачамланде сар ийлаште ― 85-ше гвардий лӱйкалыше дивизийын 1688-ше артиллерий полк батарейын командирже, 377-ше лӱйкалыше дивизийын 933-шо артиллерий полк штабын начальникше. Моско кундем Подольск электромеханике заводын директоржо, тӱҥ директоржо (1966―1999), генерал-майор-инженер (1973).
2006 — Георгий Александрович Пономарёв, совет да россий сарзе эмлыше. Кугу Ачамланде сарын да совет-япон сарын участникше (1944―1945). Н. Н. Бурденко лӱмеш Тӱҥ сар клинике госпитальын начальникше (1969―1973), СССР РВСН медицине службын начальникше (1973―1978), медицине службын генерал-майоржо (1966). 1947 ий гыч ВКП(б) йыжъеҥже.

Калык пале

Кайык-шамыч пушеҥге вуйыш шинчыт гын, левыктышаш.