Шубин, Аркадий Дмитриевич

РУВИКИ — эрыкан энциклопедий гыч материал
Аркадий Дмитриевич Шубин
Шубин Аркадий Дмитриевич.jpeg
Шочмо кече 5 пургыж 1925(1925-02-05)
Шочмо вер
Колымо кече 12 пургыж 2020(2020-02-12) (95 ий)
Колымо вер
Эл  СССР →  Россий
Шанче алан чодырам ончен куштымаш
Паша вер Петрозаводск кугыжаныш университет
Шанче степень технике шанче кандидат
Шанче званий доцент
Награде ден премий-влак
Карел АССР-ысе шанчын да тӱвыран сулло пашаеҥже (1985)

Аркáдий Дми́триевич Шýбин (5 пургыж 1925, Поланур (Шернур кундем), Марий Автоном Совет Социализм Республик — 12 пургыж 2020, Петрозаводск) — совет да российысе шанчызе, чодыразе-шанчызе. Петрозаводск кугыжаныш университетын чодыра инженер факультетын деканже (1965—1968, 1980—1987). Карел АССР-ысе шанчын да тӱвыран сулло пашаеҥже (1985). Совет-япон сарын участникше.

Илыш корныжо

1925 ий 5 февральыште кызытсе Марий Элын Шернур район Поланур ялеш шуко шочшан кресаньык ешеш шочын[1][2]. Шочмо ялыштыже школым визытанлан тунем лектын.

1943 ийыште РККА-ш налыныт. Совет-япон сарын участникше: Мӱндыр Эрвел фронтышто 15-ше армийын 183-шо миномёт полк дивизионын миномётчикше, комсорг, сержант. 1945 ий октябрьыште армий гыч демобилизоватлалтын. II степенян Ачамланде сар орден да медаль-влак дене суапландаралтын[1][3].

1951 ийыште Юл кундемсе чодыра технике институтым (сталин стипендиат), 1954 ийыште — Ленинградысе чодыра технике академийын  (руш.) (мар. аспирантурыжым тунем лектын[1][4].

Карел АССР-ыш колталтын: 1954—1965 ийлаште — кугурак туныктышо, доцент, чодырам ямдылымым механизироватлыше кафедрым вуйлатен, 1965—1968 да 1980—1987 ийлаште — Петрозаводск кугыжаныш университетын чодыра инженер факультетын деканже[1][4].

2020 ий 12 февральыште Петрозаводскышто колен, туштак тойымо[4].

Шанче-туныктымо да мер паша

1955 ийыште «Исследование процесса поперечно-винтовой окорки круглых лесоматериалов тупыми резцами (кулачками)» теме дене кандидатлык диссертацийым арален[5][6], технике шанче кандидат (1955)[1][4].

Икмыняр лу шанче пашан да изобретенийлан патентын авторжо улеш[7].

Тудын вуйлатымыже почеш Карелийысе чодыра кышкарын икмыняр тукым пашаеҥже кушкын[4].

1985 ийыште тудлан «Карел АССР-ысе шанчын да тӱвыран сулло пашаеҥже» чаплӱмым пуымо. Медаль-влак да кум гана Карел АССР-ысе Кӱшыл Каҥаш Президиумын Чапкагазше дене палемдалтын[1].

2006 ийыште Марий Элын Шернур районысо шочмо Поланур ялжын историйжым возен, тудо Петрозаводскышто посна книга дене лектын[4].

2010 ийыште «Карелийысе марий-влак» КРОО-н ик организаторжо лийын[4].

Шанче пашаже-влак

А. Д. Шубинын шанче пашаже-влак списке[5][8]:

  • Шубин А. Д. Исследование процесса поперечно-винтовой окорки круглых лесоматериалов тупыми резцами (кулачками): Автореферат диссертации на соискание учёной степени кандидата технических наук / Министерство высшего образования СССР. Ленинградского ордена Ленина лесотехническая академия имени С. М. Кирова. — Ленинград : [б. и.], 1955. — 15 с.
  • Шубин А. Д. Лесопиление на базе лесопильных рам: учебное пособие для студентов специальности 260100 «Лесоинженерное дело». — Петрозаводск: Издательство ПетрГУ, 2001. — 107 с.

Чаплӱм ден суаптар-влак

Пашалан

  • Карел АССР-ысе шанчын да тӱвыран сулло пашаеҥже (1985)[1];
  • «Владимир Ильич Ленинын шочмыжлан 100 ий темме лӱмеш. Чапле пашалан» медаль (1970);
  • «Паша ветеран» медаль;
  • Карел АССР-ысе Кӱшыл Каҥаш Президиумын Чаптаныкше (1965, 1975, 1985)[1].

Сарысе

Палемдымаш

  1. ↑ 1 2 3 4 5 6 7 8 9 10 Мочаев, 2017, с. 505.
  2. ↑ Поланур | Родная Вятка. rodnaya-vyatka.ru. Тергыме кече: 6 теле 2025.
  3. ↑ 1 2 3 4 Шубин Аркадий Дмитриевич (руш.). poisk.re. Тергыме кече: 6 теле 2025.
  4. ↑ 1 2 3 4 5 6 7 Памяти Аркадия Дмитриевича Шубина. petrsu.ru. Тергыме кече: 6 теле 2025.
  5. ↑ 1 2 Шубин, Аркадий Дмитриевич - Исследование процесса поперечно-винтовой окорки круглых лесоматериалов тупыми резцами (кулачками) [Текст] : Автореферат дис. на соискание учен. степени кандидата техн. наук - Search RSL (руш.). search.rsl.ru. Тергыме кече: 6 теле 2025.
  6. ↑ Исследование процесса поперечно-винтовой окорки круглых лесоматериалов тупыми резцами (кулачками) : Автореферат дис. на соискание учен. степени кандидата техн. наук - Шубин А.Д.. — 1955.
  7. ↑ Шубин Аркадий Дмитриевич изобретатель и автор патентов - PatentDB.ru (руш.). patentdb.ru. Тергыме кече: 6 теле 2025.
  8. ↑ Лесопиление на базе лесопильных рам :: Электронная библиотека РК. elibrary.petrsu.ru. Тергыме кече: 6 теле 2025.

Литератур

  • 55 лет лесоинженерному факультету Петрозаводского госуниверситета / Федеральное агентство по образованию, Государственное образовательное учреждение высшего профессионального образования Петрозаводский государственный университет; [редкол.: А. Д. Шубин и др.]. — Петрозаводск: Изд-во ПетрГУ, 2006. — 35 с. ил., портр. — ISBN 5-8021-0649-2.
  • Опарина Т. Т. Шубин Аркадий Дмитриевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 408. — 2032 экз. — ISBN 5-87898-357-0.
  • Опарина Т. Т. Шубин Аркадий Дмитриевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 505. — 606 с. — 1500 экз. — ISBN 978-5-905314-35-3.
  • Известные марийцы Карелии / Сердцем принять Русский Север / [рук. проекта Ф. Фадеева; редкол.: В. Н. Бирин и др.]. — Петрозаводск: Острова, 2018. — С. 58. — ISBN 978-5-98686-098-5.
"https://mhr.ruwiki.ru/w/index.php?title=Шубин,_Аркадий_Дмитриевич&oldid=1231759" гыч налме