Калистов, Анатолий Михайлович

Анатолий Михайлович Калистов
Шочмо кече	1925 ий 14 вӱдшор(1925-04-14)
Шочмо вер	Ращеп Новгород область
Колымо кече	1997 ий 5 пургыж(1997-02-05) (71 ий)
Колымо вер	Йошкар-Ола Марий Эл
Гражданлык	СССР,  Россий
Паша сомыл	кугурак мастер
Награде да премий

Анатолий Михайлович Калистов (14 апрель 1925 — 5 февраль 1997) — совет машинчоҥымашын ончылъеҥже, СССР радиойӧнозанлык министерствысе Марий машинчоҥышо заводын кугурак мастарже, Йошкар-Ола, Социалист Пашан Талешкыже (1975).

Илыш корныжо

1925 ийыште Новгород кундем, Новгород вел Рощеп ялеш шочын.

Кугу Ачамланде сар тӱҥалмеке, Йошкар-Олаш эвакуироватлыме. 1942 ий 26 февральыште толын да ремесленный училищыш тунемаш колталтын. 1942 ийыште тунем пытарымек, токарьлан пашам ышташ тӱҥалын, вара наладчиклан, 297 заводын 20-шо № цехшын мастарже лийын. 1957 ийыште Марий радиотехник техникумым тунем пытарен.

1964 ий гыч 1977 ий марте СССР-ын радиойӧнозанлык министерствын Марий машинчоҥышо заводын кугурак мастарже. Пеш уста уш-акыл да паша мастарлык дене ойыртемалтын.

СССР Кӱшыл Каҥаш Президиумын 1975 ий 8 сентябрьысе кӱштыкшӧ дене (петырыме) Анатолий Михайлович Калистовлан ыштен лукмаште кӱкшӧ сеҥымашке шумылан Социалист Пашан Талешкыже чаплӱмым пуымо, Ленин орден ден «Сорла ден Чӧгыт» медальым кучыктымо.

1976 ийыште Йошкар-Оласе самырык-влакым туныктымо шотышто мер университетым вуйлатен. Заводышто сулен налме канышыш лекмешке пашам ыштен. 1985 ий гыч пенсийыште лийын.

Йошкар-Олаште илен. 1997 ий 5 февральыште колен. Турун шӱгарлаш тойымо.

Суаптарже

Паша да сӧйысӧ сеҥымашлан суапландаралтын:

• «Сорла ден Чӧгыт» шӧртньӧ медаль (08.09.1975)
• Ленин орден (08.09.1975)
• Паша Йошкар Тисте орден (20.06.1951)
• моло медаль-влак

Шарныктыш

• «Марий машинчоҥышо завод» АО-н оралте пырдыжыштыже (Йошкар-Ола, Суворов урем, 15) Талешке Калистов А. М. нерген шарнаш мемориал оҥам пижыктыме.

Литератур

• Калистов Анатолий Михайлович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 415. — 872 с. — 3505 экз. — ISBN 978-5-94950-049-1.
• Алтышева Л. М. Калистов Анатолий Михайлович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 189. — 606 с. — 1500 экз. — ISBN 978-5-905314-35-3.

Кылвер-влак

• Анатолий Михайлович Калистов  (рус.). Сайт «Герои страны».