25 пургыж

←
→
Пургыж
← →Пургыж
	2026 ий

25 пургыж (25 февраль) — григориан кечышот почеш идалыкын 56-шо кечыже. Идалык пытыме марте 309 (кужемдыме ийлаште — 310) кече кодеш.

Йошкар-Олаште ☀️ Кече 6 шагатат 38 минутлан лектеш, 16 шагатат 58 минутлан шинчеш. Кечын кужытшо 🕒 10 шагатат 19 минут.
🌓 Икымше чырык (8.02 тылзе кече).

Пайрем да шарныктарыше кече-влак

Юмынаван Иверийысе юмоҥам шарныме кече (руш. День памяти Иверской иконы Божией Матери).
Спиртын шочмо кечыже (руш. День открытия спирта).

Лӱмгече

Католик лӱм-влак: Адеодата, Вальпурга, Мария, Тарасий.
Православий лӱм-влак: Алексей, Антоний, Вассиан, Евгений, Мария, Мелетий, Плутин, Саторнил, Урван, Христ.

Событий-влак

Тугак ончо: Категорий:Пургыж тылзын 25 кечысе событий-влак

1918 ий — Озаҥ олаште марий калыкын погынжо эртен.
1721 ий — Пётр I кугыжа Синодым пеҥгыдемден: тиде черке пашам эскерыше ушем.
1836 ий — Сэмюэль Кольт икымше револьверлан патентым налын.
1956 ий — КПСС-ын ХХ-шо погыныштыжо Никита Хрущёв Сталиным титаклен ойлен.

Шочыныт

Тугак ончо: Категорий:Пургыж тылзын 25 кечынже шочшо-влак

1894 ий — Арсений Алексеевич Вашнев, совет сарзывуйлатыше да йӧнозанлык пашаеҥ. Икымше тӱнямбал сарын, Российысе Граждан сарын да Кугу Ачамланде сарын участникше. Инженер-артиллерий войскан генерал-майоржо (1943). 1917 ий май гыч РКП(б)-н йыжъеҥже.
1920 ий — Иван Семёнович Иванов, шанче пашаеҥ да лингвист, Марий Эл Республикын сулло шанче пашаеҥже. Шкеже У Роҥго кундем Куберсола гыч. Марий кугыжаныш университетын шанчыеҥже. 120 наре шанче пашан, 10 тунемме пособийын, «Марий калык лирика» книган авторжо. Суапле пашажлан кугыжаныш чап танык денат палемдалтын. Филологий шанче кандидат.
1934 ий — Иван Семёнович Иванов, марий йылмызе, шанчызе, филологий шанче кандидат, Марий АССР-ысе шанчын сулло пашаеҥже (1981), Россий Федерацийын кӱшыл профессионал туныктышын почётан пашаеҥже (2003), Н. К. Кркупская лӱмеш Марий кугыжаныш педагогике институтын почётан профессоржо (2004), Российысе кӱшыл школын сулло пашаеҥже (2015).
1941 ий — Сергей Георгиевич Макаров, почеламутчо да кусарыше. Санкт-Петербургышто шочын-кушкын. Кумдан палыме марий классик-влакын: Миклай Казаковын, Геннадий Матюковскийын, Анатолий Бикын, Анатолий Тимиркаевын, Валентин Осиповын почеламутыштым руш йылмыш кусарымыж дене чапланен.
1960 ий — Анатолий Михайлович Муравьёв, муниципал вуйлатыше. Киров вел гыч. 1990-ше ий гыч Морко кундемысе корным ачалыме да чоҥышо ушемым вуйлаташ тӱҥалын, 4 ий администраций вуйлатыше лийын. Тыгодымак Марий Эл Республик Кугыжаныш Погынын депутатше сомылым шуктен.
1937 ий — Вячеслав Миайлович Сиваев, туныктыш пашаеҥ, Россий Федерацийын сулло туныктышыжо. Шочмо Курыкмарий кундем Пертнур школышто туныктышылан, Пайгусово кыдалаш школын вуйлатышыжлан ятыр ий тыршен.
1980 ий — Николай Вениаминович Ямолкин, спортсмен. Саратов кундемысе Балаково олаште шочын-кушкын. 14 ияш годымжак кикбоксинг дене кылым кучаш тӱҥалын. Россий, Европо да Тӱнямбал чемпион улеш. Тидын деч посна спорт мастер лӱм дене кумдан палыме.
1946 ий — Зоя Кузьминична Соколова, Марий Эл Республикыcе тÿвыран сулло пашаеҥже. Шернур кундем Кукнур селаште шочын. Паша корныжо Марий самырык театр дене кылдалтын.
1946 ий — Пётр Геннадьевич Гордеев, совет футболист, нападающий, тренер. СССР-ын спорт мастерже (1967).

Коленыт

Тугак ончо: Категорий:Пургыж тылзын 25 кечынже колышо-влак

1946 ий — Никита Никифорович Сапаев, марий совет партий пашаеҥ. ВКП(б) Марий обкомын кокымшо секретарьже (1935—1937), Марий облисполкомын йыжыҥъеҥже (1934—1937). 1926 ий гыч ВКП(б)-ын йыжыҥъеҥже.
1963 — Эрик Сапаев, марий семлызе, Совет Ушем семлызе-влак ушемын еҥже (1959 ий гыч), Марий комсомолын Олык Ипай лӱмеш премийын лауреатше (1968). «Акпатыр» лӱман икымше марий оперым возен.
1965 — Ольга Петровна Новикова, совет фтизиатр-эмлызе. Марий республикысе туберкулёз ваштареш диспансер пӧлкам вуйлатыше (1935―1941, 1945―1948). РСФСР-ын сулло эмлызыже (1958).

Калык пале

Юалге игече шога гын, март шокшо лийшаш.
Шнуй Алексейын кечыже. Тиде кечын кол кочкышым ямдыленыт. Шошым ÿдышаш нöшмым икмыняр жаплан кудывечыш луктыныт: тыге тудо вийым пога, манын ÿшаненыт.
Чыла пӧршаҥеш – ояр игечым вучыман.